Ezera 2:43 - Baibuli Ekibono kya Katonda 2014

⁴³ Abaagheerezanga mu isinzizo baali, ba ku nda ya Ziha, n'ab'oku ya Hasufa, n'ab'oku ya Tabbaothi;

Ezera 2:43 ပူးပေါင်းရင်းမြစ်များ

1 Ebyomubyanda 9:2

Kale abaasooka okwira mu bibandha byaibwe ni mu bibuga byaibwe, baali abandi ku Baisiraeli ababuliidho, ni bakabona, n'Abalevi, abaagheerezanga mu isinzizo.

Ezera 2:42

Abakuumi b'emiryango gy'eisinzizo baali, ba ku nda ya Shallumu, n'ab'oku ya Ateri, n'ab'oku ya Talumoni, n'ab'oku ya Akkubu, n'ab'oku ya Hatita, n'ab'oku ya Shobai boonaboona aghalala baaba kikumi n'asatu na mwenda (139).

Ezera 2:44

ab'oku nda ya Kerosi, n'ab'oku ya Siaha, n'ab'oku ya Padoni;

Ezera 2:58

Abagheereza ab'omu isinzizo n'abagheereza aba Solomoni boonaboona aghalala baali ebikumi bisatu na kyenda na babiri (392).

Ezera 7:7

Ezera yaatuuka e Yerusalemu n'Abaisiraeli abandi, omwali bakabona, Abalevi, abembi b'omu isinzizo, abakuumi b'emiryango, n'abagheereza b'omu isinzizo.

Ezera 8:17

Naabatuma ye Iddo omukulembeze w'e Kasifia, bamusabe ye mwene ni baine bwe bagheereza mu isinzizo eyo e Kasifia, batugheereze abantu ab'okugheerezanga Katonda waife mu isinzizo.

Ezera 8:20

Okwo kweyongeraku abagheereza ab'omu isinzizo ebikumi ebibiri n'abiri (220), Daudi be yataagho ng'ali n'abakungu be, bagheerezenga Abalevi. Abo boonaboona baabaghandiika amaina gaibwe.

Nehemia 10:28

Ife Abaisiraeli abasigairegho twenatwena tuli kitole: bakabona, n'Abalevi, n'abakuumi ab'emiryango, n'abembi, n'abagheereza ab'omu isinzizo, n'abo boonaboona abeeyawula ku bantu b'omu kiketezo kino ni bagonderanga Amateeka ga Katonda, nga bali ghalala ni bakazi baibwe, ni batabane baibwe, ni baghala baibwe, boonaboona abalimu amagezi n'okutegeera.

Nehemia 11:21

Aye abantu abaagheerezanga mu isinzizo, baabanga mu Yerusalemu mu kiketezo ekyetebwa Ofeli, era Ziha ni Gishipa nga n'abalabirira emirimo gyaibwe.

Nehemia 11:3

Aye Abaisiraeli abandi, ni bakabona, n'Abalevi, n'abagheereza b'omu isinzizo, n'abaidhukulu ab'abagheereza ba Solomoni, nga buli muntu aba mu kibandha kye ekiri mu kibuga eky'ewaibwe. Bano n'abatyamye abakulu ab'omu kiketezo ekyo ekya Buyudaaya, abaabanga mu Yerusalemu:

Nehemia 3:26

n'abagheereza ab'omu isinzizo abaabanga mu kifo ekyayetebwanga Ofeli. Abo baalongoosa ekitundu ekyairaku ku kimante ekyo, okutuuka mu kifo ekiringiriire ogwetebwa Omulyango ogw'Amaadhi mu buvandhuba, era nga n'aghali ekituuti ekirengererwaku ekireeyiriri.

Okubala 3:9

Mu Baisiraeli boonaboona oidha kutoolamu Abalevi obaghe Aaroni ni batabane be, babeere irala babe.