Ezera 2:1 - Baibuli Ekibono kya Katonda 2014

¹ Gano n'amaina ag'abantu ab'omu kiketezo eky'e Buyudaaya abaira okuva mu nsi Babilonia mu bunhage, kyabazinga waayo Nebukadinezzari ye yali abatwaire nga basibe. Abantu abo baira e Yerusalemu n'e Buyudaaya, buli muntu ng'airayo mu kibuga eky'ewaibwe.

Ezera 2:1 ပူးပေါင်းရင်းမြစ်များ

2 Bakyabazinga 25:11

Agho Nebuzaradani oyo yaabatwala e Babilonia mu bunhage, abantu abaali basigaire mu kibuga, n'abo abaali beeghaireyo ni baira ku luuyi lwa kyabazinga w'e Babilonia, era n'abandi boonaboona.

1 Ebyomubyanda 9:1

Abaisiraeli boonaboona baaghandiikibwa mu nkalala edh'obuzaale bwaibwe. Enkalala edho dhaaghandiikibwa mu Kitabo kya Bakyabazinga ba Isiraeli. Agho abantu b'omu kika kya Yuda baali nga bamaze okutwalibwa e Babilonia mu bunhage, ng'ekibonerezo olw'ebibi byaibwe.

1 Ebyomubyanda 9:2

Kale abaasooka okwira mu bibandha byaibwe ni mu bibuga byaibwe, baali abandi ku Baisiraeli ababuliidho, ni bakabona, n'Abalevi, abaagheerezanga mu isinzizo.

Ezera 1:11

Ebintu byonabyona ebya zaabu n'ebya feeza aghalala, byali enkumi itaanu na bina (5,400). Ebintu ebyo byonabyona Sheshibazzari yabitwala e Yerusalemu ghalala n'abaali mu bunhage, okuva mu nsi Babilonia.

Ezera 2:2

Abakulembeze baibwe baali: Zerubbabeli, Yoshua, Nehemia, Seraia, Reelaia, Morodekai, Bilishani, Misipari, Bigivai, Rehumu, ni Baana. Guno n'omughendo ogw'Abaisiraeli abaira okuva mu bunhage:

Ezera 2:70

Agho bakabona, n'Abalevi, n'abembi, n'abakuumi b'emiryango gy'eisinzizo, n'abagheereza b'omu isinzizo, n'abantu abandi, baasenga mu Yerusalemu n'ebiketezo ebikiriiraine. N'Abaisiraeli abandi boonaboona baaja baasenga mu bibuga ebyalingamu badhaadha baibwe.

Ezera 5:8

“Isebantu kyabazinga, tuli kukumanhisa tuti twaja mu kiketezo eky'e Buyudaaya, twatuuka ku isinzizo lya Katonda oyo omukologho. Twayagaana nga bali kulizimba n'amabaale amabaadhe amanene, nga n'emiti bali kugizimbira mu bimante. Omulimo bali kugukola n'obwegendereza era guli kuja mu maiso.

Ezera 6:2

Baayagaana mu kibuga Ekubatana ekyali mu kiketezo eky'e Media, enzingo y'ekitabo eyalimu ekighandiiko ekikoba kiti:

Ezera 8:35

Mu kiseera ekyo, abo boonaboona abaira okuva mu bunhage, baaghaayo ebigheebwayo ebyokebwa eri Katonda wa Isiraeli. Baaghaayo ente enume ikumi na ibiri ku lwa Isiraeli yoonayoona, baaghaayo entaama enume kyenda na mukaaga, n'entaama ento nsanvu na musanvu. Era baaghaayo n'embuzi enume ikumi na ibiri, ng'ekigheebwayo olw'ebibi. Ebyo byonabyona baabighaayo eri Musengwa Katonda ng'ekigheebwayo ekyokebwa.

Nehemia 12:1

Luno n'olukalala lwa bakabona n'Abalevi abaira okuva mu bunhage, ni Zerubbabeli mutabane wa Shealutieli, era ni Yeshua. Seraia, ni Yeremia, ni Ezera,

Isaia 48:20

Muve mu Babiloni, mulumuke muje! Mulangirire amawulire gano buli ghantu nga mukuba emizira, mugasansaanie gatuuke eyo yoonayoona ensi y'ekanga. Mukobe muti: “Musengwa Katonda anunwire omugheereza we Yakobo.”

Yeremia 50:19

Ndiizaayo Abaisiraeli mu nsi yaibwe, baalya emere erimwa ku lusozi Karumeli, ni mu kiketezo ky'e Bashani. Era balirya nga bwe benda, ku bibala ebirimwa mu kiketezo kya Efuraimu ni mu kya Gileadi.

Okulira 1:3

Abantu ab'omu kibuga ekyo n'ab'omu Buyudaaya mwonamwona baatwalibwa mu bunhage era eyo ye bali mu bwiru. Baba eyo mu maghanga agandi etali waibwe era ye batawuliriraku miraala naire. Beezungulwirwa abazigu be batasobola kunuuka.

Okulira 1:5

Abazigu baakyo buti n'abakifuga era buli kintu kibajiira bukalamu. Musengwa n'eyakireetera okudaagadaaga okwo olw'ebibi byakyo kamaala bye kyakolanga. Abaana baamu baabagema, baabakulembezaamu, baabatwala mu bunhage.

Okulira 4:22

Imwe ab'omu Sioni ekibonerezo kyaimwe olw'okwonoona kiwoire, Musengwa Katonda takaayongera kubakuumira mu bunhage. Aye imwe Abaedomu, Musengwa aja kwoleka okwonoona kwaimwe era ababonereze.

Zefania 2:7

Ekiketezo ekyo eky'oku nhandha kija kufuuka kya Bayudaaya. Eyo ye balyayiranga ebyayo byaibwe, era baasula mu ndhu edh'omu kibuga Ashikeloni kuba Musengwa Katonda waibwe aidha kubalabiriranga, abaleetere ebintu kabiri okubajiiranga obukalamu.

Ebikolwa by'Abatume 23:34

Bwe yagisoma yaabuuza ekiketezo Paulo yaava. Bwe yamanha ati Kilikia,