Ezera 10:8 - Baibuli Ekibono kya Katonda 2014

⁸ Era bati anaamala enaku eisatu ng'akaali kwidha, ng'abakungu n'abakulembeze bwe balagiire, ebintu bye byonabyona baja kubimutoolaku, ni mwene yeena bamubinge mu kikunsu eky'abaava mu bunhage.

Ezera 10:8 ပူးပေါင်းရင်းမြစ်များ

Ezera 10:7

Agho baalangirira mu Buyudaaya mwonamwona ni mu Yerusalemu, bati abo boonaboona abaira okuva mu bunhage beesololeze e Yerusalemu.

Ezera 10:9

Agho abasaadha boonaboona ab'omu kika kya Yuda n'ekya Benjamini, beesololeza e Yerusalemu mu nnaku eisatu edho. Olwo n'olwali olunaku olwamakumi abiri (20) olw'omwezi ogwomwenda. Abantu boonaboona baatyama mu luya emberi gh'eisinzizo lya Katonda nga bali kudhugumira, olw'ensonga eyabeesa n'olw'amaadhi amangi einho agaali gali kugwa.

Ezera 7:26

Oyo yeenayeena anaadheemeranga amateeka ga Katonda wo oba aga kyabazinga, abonerezebwenga ng'amateeka bwe galagira: aitibwenga, oba atwalibwenga mu bunhage bamusibire eyo, oba bamugemengaku ebintu bye, oba bamusibenga mu ikomera.”

Nehemia 13:28

Owundi ku batabane ba Yehoiada mutabane wa Eliashibu eyali Omukulu wa Bakabona, yali yabayiza mughala wa Saniballati Omuhoroni. Kale naamubinga mu Yerusalemu.

Nehemia 13:3

Abantu bwe baawulira eiteeka eryo, baayawula mu Baisiraeli abantu boonaboona abaasimuka mu bamaghanga agandi.

Abalevi 27:28

“Aye tighaabengagho kintu ekimaze okufuukira irala ekya Musengwa Katonda, kinaatundibwanga oba kinaanunulibwanga, k'abe muntu, oba k'ebe nsolo, oba ka kibe kibandha ekisikire. Buli kintu ekinaabanga nga kimaze okufuukira irala ekya Musengwa Katonda kinaasigalanga nga kya Musengwa Katonda oyo enaku dhoonadhoona.

Matayo 18:17

Aye bw'aloba okuwulirisa abo, olwo ni ng'okobera Ekikunsu eky'Abaikiriza mu Kurisito. Bw'aloba okuwulirisa n'Ekikunsu eky'Abaikiriza, ng'olwo ni mumubisa ng'azira kwikiriza era ng'omughooza w'omusolo.

Yoanne 16:2

Balibabinga mu sinagoga. Ate ekiseera kirituuka oyo abaita lw'alirowooza ati okukola ekyo aba ali kukola mulimo gwa Katonda.

Yoanne 9:22

Baayogera batyo lwa kutya Abayudaaya, kuba Abayudaaya baali bamaze okusalagho bati omuntu yeenayeena ayatula ati Yesu ni Kurisito wa kubingibwa mu sinagoga.

Yoanne 9:34

Agho baamukoba bati: “Wazaalirwa mu bibi era mw'okuliire, obwo weena waatwegeresa?” Baamubingira ku luya.

1 Ab'e Korintho 5:13

Katonda alisalira abo abataikiriza omusango ng'ebyaghandiikibwa bwe bikoba biti: “Mubinge omuntu omubi abaveemu.”

Yoshua 6:19

Ebintu byonabyona ebya feeza, ni zaabu, n'eby'ekikomo, n'eby'ekyuma ekigumu einho, bitukuvu bya Musengwa Katonda. Era bija kuteebwa mu biterekerwa Musengwa Katonda.”

Abalamuzi 21:5

Baabuuza bati: “Ni baani ku b'omu bika bya Isiraeli, abataaja mu lwekobaano ng'abantu beesoloiza mu maiso ga Musengwa Katonda e Mizipa?” Baabuuza ekyo, kuba baali nga beerayiriire inho, ku muntu yeenayeena aloba okuniinaniina okuja e Mizipa, nga bakoba bati: “Wa kwitibwa.”

1 Samueli 11:7

Yaatoola ente ibiri, yaadhitematemamu ebitundu, yaabigha abakwenda babitwale woonawoona mu Isiraeli nga bakoba abantu bati: “Kiisi ataaveeyo kunonereza Saulo ni Samueli, ente dhe baidha kudhitematema batyo.” Musengwa Katonda yaaleetera abantu okutya, baavaayo boonaboona nga bali kwisa kirala.