Ezera 10:44 - Baibuli Ekibono kya Katonda 2014

⁴⁴ Abasaadha abo boonaboona baali n'abakazi abamaghanga agandi, baamala baabasiibula. Era abakazi abo baaja n'abaana baibwe.

Ezera 10:44 ပူးပေါင်းရင်းမြစ်များ

1 Bakyabazinga 11:1

Kyabazinga Solomoni yayenda abakazi kamaala abamaghanga agandi, omwali ni mughala wa kyabazinga ow'e Misiri, n'abakazi Abamoabu, n'Abammoni, n'Abaedomu, n'Abasidoni, n'Abahitti.

Ezera 10:3

Kale ni tukole endagaano ni Katonda waife, tutoolegho abakazi abo n'abaana baibwe, nga tujiira ku magezi ge tunaafuna okuva ye iwe musengwa wange, ni y'abo boonaboona abagondera ebiragiro bya Katonda waife oyo. Ekyo twidha kukikola nga tujiira ku mateeka.

Ezera 9:2

Abaisiraeli abo abantu ba Katonda abatukuvu baayonooneka, kuba beene ni batabane baibwe bafuna abakazi abamaghanga agandi. Aye ate abakungu n'abakulembeze, n'abasinze kwonooneka mu nsambo eyo.”

Ensambo 2:16

Amagezi gaidha kukuwonianga omukazi omwenzi, akusendasenda ng'akozesa olulimi olw'okwewooya.

Ensambo 5:20

Mwana wange, lwaki owaamu olw'omukazi omwenzi? Lwaki ota muka beene mu kifuba kyo?

Ensambo 5:3

Omunwa ogw'omukazi omwenzi gwogera ebibono ebidhuudhuula ng'oti mudheenene oguli kutoonha obutoonhe okuva mu bisasala, era akozesa amamiro amaghegheevu agali ng'oti n'omuzigo ogw'emiti emyoliva.