Ezera 10:18 - Baibuli Ekibono kya Katonda 2014

¹⁸ Luno n'olukalala olw'abasaadha abaali babayiiza abakazi abamaghanga agandi: Mu bakabona mwalimu, Maaseia, Eliezeri, Yaribu, ni Gedalia nga ba ku nda ya Yeshua mutabane wa Yozadaki ni baganda be.

Ezera 10:18 ပူးပေါင်းရင်းမြစ်များ

Ezera 10:17

Era olunaku olusooka, mu mwezi ogusooka mu mwaka, lwaja okutuuka nga bamaze okuzuula abasaadha abaali babayiiza abakazi abamaghanga agandi.

Ezera 2:2

Abakulembeze baibwe baali: Zerubbabeli, Yoshua, Nehemia, Seraia, Reelaia, Morodekai, Bilishani, Misipari, Bigivai, Rehumu, ni Baana. Guno n'omughendo ogw'Abaisiraeli abaira okuva mu bunhage:

Ezera 2:36

Mu baira okuva mu bunhage mwalimu bakabona bano: Ab'oku nda ya Yedaia nga baasimuka mu Yeshua, baali lwenda na nsanvu na basatu (973);

Ezera 3:2

Agho Yeshua mutabane wa Yozadaki, ni bakabona baine, ni Zerubbabeli mutabane wa Shealutieli aghalala n'aboluganda lwe, baazimba buyaaka alutaari ya Katonda wa Isiraeli, ey'okugheerangaku ebigheebwayo ebyokebwa, nga bwe kyaghandiikibwa mu Mateeka ga Musa omuntu wa Katonda.

Ezera 3:8

Mu mwezi ogwokubiri ogw'omwaka ogwokubiri nga bamaze okutuuka mu kifo aghaali eisinzizo lya Katonda e Yerusalemu, Zerubbabeli mutabane wa Shealutieli ni Yeshua mutabane wa Yozadaki, beeyimba ku Baisiraeli banaibwe, bakabona, Abalevi, ni boonaboona abaira e Yerusalemu nga baava mu bunhage. Agho baatoolera omulimo ogw'okuzimba. Baalonda Abalevi abaali bagheziiza emyaka amakumi abiri egy'obukulu n'okusingagho, balabirirenga omulimo ogwo ogw'okwiramu okuzimba eisinzizo lya Musengwa Katonda.

Ezera 5:2

Kale Zerubbabeli mutabane wa Shealutieli ni Yeshua mutabane wa Yozadaki, bairamu okuzimba eisinzizo lya Musengwa Katonda e Yerusalemu, nga bayambibwaku abalanzi abo bombi.

Ezera 9:1

Ebyo bwe byawa, abandi ku bakulembeze ab'abantu Abaisiraeli baidha ye ndi, bankoba bati: “Bakabona, n'Abalevi, n'Abaisiraeli abandi, bakaali n'enkolagana n'abantu ab'omu biketezo bino mwe tuli. Bakola ebintu ebyenhinhalwa ng'oti n'Abakanaani, n'Abahitti, n'Abaperizzi, n'Abayebusi, n'Abammoni, n'Abamoabu, n'Abamisiri, n'Abamori bye bakola.

Ezera 9:2

Abaisiraeli abo abantu ba Katonda abatukuvu baayonooneka, kuba beene ni batabane baibwe bafuna abakazi abamaghanga agandi. Aye ate abakungu n'abakulembeze, n'abasinze kwonooneka mu nsambo eyo.”

Nehemia 12:10

Yeshua yazaala Yoiakimu, Yoiakimu yaazaala Eliashibu, Eliashibu yaazaala Yoiada,

Nehemia 13:28

Owundi ku batabane ba Yehoiada mutabane wa Eliashibu eyali Omukulu wa Bakabona, yali yabayiza mughala wa Saniballati Omuhoroni. Kale naamubinga mu Yerusalemu.

Nehemia 8:4

Ezera oyo, eyali omunamateeka, yaayemerera ku kituuti kye baakola mu mbaawo olw'omukolo ogwo. Era agho okumpi naye, ku luuyi lwe olw'omukono omusaadha ghaayemereragho, Mattithia, Shema, Anaia, Uria, Hilikia, ni Maaseia. Ate ku luuyi lwe olw'omukono omugooda, ghaayemereragho bano: Pedaia, Mishaeli, Malikiya, Hashumu, Hashibaddana, Zekaria, ni Meshullamu.

Nehemia 8:7

Agho abantu baasigala mu bifo byaibwe, Yeshua, ni Bani, ni Sherebia, ni Yamini, ni Akkubu, ni Shabbethai, ni Hodia, ni Maaseia, ni Kelita, ni Azaria, ni Yozabadi, ni Hanani, ni Pelaia, n'Abalevi, bainhonhola abantu abo amateeka.

Yeremia 23:10

Ensi eidhwire abantu abatali beesigwa eri Musengwa Katonda. Bakola ebibi era baakozesa bubi obuyinza bwaibwe. Ensi erira bulire, n'eisubi lyakala mu byayiro, olw'ekikolimo kya Musengwa Katonda.

Yeremia 23:11

Musengwa Katonda era akoba ati: “Abalanzi ni bakabona tibatya Katonda era nabaagaana nga bakola ebibi ni mu isinzizo mwene.

Yeremia 23:14

Aye ate mboine ng'abalanzi b'omu Yerusalemu, bakola ebibi n'okusinga agho: bakola obwenzi era baaguya, baleetera abantu okukola ebibi. Olwo ghaabula akyuka okuva mu bibi bye. Nze mbona nga boonaboona babi ng'oti n'abantu b'e Sodoma n'ab'e Gomorra.”

Ezekieli 44:22

Kabona taafumbirwenga mukazi eyanoba, oba ye baabinga mu irya. Aidha kufumbirwanga mughala Muisiraeli omwegha, oba namwandu ow'eyali kabona eyafa.

Abalevi 21:7

“Kabona atabayizanga mukazi eyakolaku obwamalaaya, oba omukazi atali mwegha, oba oyo eyabingibwa ewa iba, kuba kabona yayawulirwa Katonda we.

Haggai 1:1

Mu mwaka ogwokubiri nga Dario ni kyabazinga w'e Perusia, ku lunaku olusooka mu mwezi ogwomukaaga, Musengwa Katonda yaagha Haggai omulanzi obukwenda. Haggai oyo ng'ali n'okutwala obukwenda obwo abukobere Zerubbabeli mutabane wa Shealutieli era omufuzi wa Buyudaaya, ni Yoshua mutabane wa Yehozadaki era omukulu wa bakabona.

Haggai 1:12

Agho Zerubbabeli mutabane wa Shealutieli era omufuzi wa Buyudaaya, ni Yoshua mutabane wa Yehozadaki era omukulu wa bakabona, n'abantu boonaboona abaira okuva mu bunhage e Babilonia, baakola ekyo Musengwa Katonda waibwe kye yabalagira. Baatya era baagondera obukwenda bwa Haggai omulanzi Musengwa Katonda ye yatuma.

Haggai 2:4

Aye iwe Zerubbabeli, n'iwe Yoshua mutabane wa Yehozadaki era omukulu wa bakabona, n'imwe abantu mwenamwena abali mu nsi eno, mutawaamu maani naire. Mukole bukole mulimo, kuba ndi ghalala n'imwe, nze Musengwa Katonda Afuga Amagye.

Zekaria 3:1

Kabiri nafuna okubonekerwa okundi, Musengwa Katonda yandholeka Yoshua Omukulu wa Bakabona ng'ayemereire mu maiso ga malaika wa Musengwa Katonda oyo. Era ku luuyi lwa Yoshua olw'omukono omusaadha, ghaali gheemereiregho Sitaani nga yeetegeike okulumiriza Yoshua oyo omusango.

Zekaria 6:11

Oidha kutoola ku feeza ni zaabu bye baghaireyo, okolemu engule ogivaaze ku mutwe gwa Yoshua Omukulu wa Bakabona, mutabane wa Yehozadaki.

1 Timotheo 3:11

N'abakazi boona batyo bateekwa okuba abantu abakalamu, abatasalagania bibono, abasobola okwefuga, era abeesigwa mu buli kintu.