Ezera 10:14 - Baibuli Ekibono kya Katonda 2014

¹⁴ Leka abakulembeze baife babeegho mu liina lyaife twenatwena abeesoloiza. Olwo ab'omu bibuga byaife boonaboona abaabayiza abakazi abamaghanga agandi, baidhe mu kiseera ekiragaane nga bali ghalala n'abakulembeze n'abalamuzi okuva mu buli kibuga. Mu nsambo eyo ekiruyi ekitaloodheka Katonda waife ky'ali nakyo ku ife ku nsonga eyo, kiidha kutuvaaku.”

Ezera 10:14 ပူးပေါင်းရင်းမြစ်များ

2 Bakyabazinga 23:26

Aye era Musengwa Katonda yaaloba kulekeza busungu bwe kutumbukira ku Buyudaaya ng'oti muliro, olw'ebyo Manasse bye yakola ebyamusungughaza.

2 Ebyomubyanda 28:11

Kale ni muwulirise kye nkoba, mwizeeyo abasibe abo kuba baluganda lwaimwe. Bwe mutaakole mutyo, Musengwa Katonda aidha kubabonereza n'obukambwe.”

2 Ebyomubyanda 29:10

“Mperaano nsazeegho okukola endagaano ni Musengwa Katonda, Katonda wa Isiraeli, olwo alekere agho okutwolekeza obusungu bwe obubitiriire.

2 Ebyomubyanda 30:8

Era mulobe kuba na mpwitu ng'oti ni badhaadha baimwe, aye mwegheeyo eri Musengwa Katonda, mwingire mu isinzizo lye, lye yatukuza ebyanda n'ebyanda. Mugheerezenga Musengwa Katonda waimwe, olwo alekere agho okuboolekeza obusungu bwe obubitiriire.

Ezera 10:13

Aye tuli abantu kamaala ate amaadhi gali kugwa mangi, titukaaghanga kugabaamu tuti. Ate era, ekintu ekyo titusobola kukikola mu lunaku lulala oba ibiri, kuba bwenebwene abaayonoona bangi inho mu ife.

Ezera 10:15

Ghazira muntu yatakania ntegeka eyo, okutoolaku Yonathani mutabane wa Asaheli ni Yahazeia mutabane wa Tikuva, nga bayambibwaku Meshullamu ni Shabbethai Omulevi, boona abaali nga baisania nabo.

Zabbuli 78:38

Aye Katonda olw'okuba n'okusaasira okungi einho, yaabasonigha okwonoona kwaibwe, yaaloba kubazikiriza kubamalagho. Emikuzi kamaala ng'afuga obusungu, yaamira ekiruyi kye

Isaia 12:1

Olunaku olwo bwerulituuka, abantu balyemba bati: “Wo Musengwa Katonda, nze ndidha kukusiimanga. Waire nga wali onsungughaliire, obusungu bwo bwamala bwawaagho, wangumya.

Okubala 25:4

Musengwa oyo yaakoba Musa ati: “Twala abakulembeze ab'Abaisiraeli boonaboona obaitire mu maiso gange omusana ng'abantu boonaboona babona, memale obusungu bwange obubitirivu bubaveeku imwe Abaisiraeli.”

Amateeka Agokubiri 13:17

Muteesigalizangayo kintu waire ekirala ku ebyo ebigheereibwayo okuzikirizibwa. Olwo Musengwa Katonda asobole okukomya obusungu bwe obubitirivu. Aidha kubagemerwanga ekivunika, abasaasire, era abafuule bangi nga bweyasuubiza badhaadha baimwe.

Amateeka Agokubiri 17:9

Olwo mwayandhula emisango egyo ye bakabona Abalevi, ni y'omulamuzi anaabanga nga n'aligho mu kiseera ekyo abo n'abanaabaghanga ensala y'emisango egyo.

Yoshua 7:26

Bwe baamala, baamubungaku emungo ey'amabaale enkologho ekaaliyo ni ye buli eno. Era ekifo ekyo kyekiva kyetebwa Ekiiko eky'Ebizibu. Olwo Musengwa Katonda yaalekera agho okusungughala.