Ezera 10:1 - Baibuli Ekibono kya Katonda 2014

¹ Ezera bweyali ng'ali kusaba bw'ayatula ebibi, eno nga bw'alira amaziga ng'akubye amakiryaivu gha mberi gh'eisinzizo lya Katonda, eikuukuubira ery'Abaisiraeli abasaadha n'abakazi n'abaana abato, lyesololeza gh'ali. Boonaboona nga bali kulira inho amaziga.

Ezera 10:1 ပူးပေါင်းရင်းမြစ်များ

1 Bakyabazinga 8:30

Wulirisanga bye nnaakusabanga nze omugheereza wo, era n'abantu bo Abaisiraeli bye banaakusabanga nga balingiriire ekifo kino. Bwenebwene tuwulirisenga ng'oli mu igulu eyo y'oba, era otusonighenga ng'otuwuliire.

1 Bakyabazinga 9:3

Yaamukoba ati: “Mpuliire by'onsabye ng'oneeghemba agho mu maiso gange. Ntukwiza eisinzizo lino ly'onzimbiire, libe ery'okunsinzizangamu enaku dhoonadhoona. Ndidha kulikuumanga obutatemya enaku dhoonadhoona.

2 Ebyomubyanda 20:13

Mu kiseera n'ekirala ekyo, abasaadha boonaboona ab'omu Buyudaaya baali beemereire agho ni bakazi baibwe, n'abaana baibwe.

2 Ebyomubyanda 20:9

‘Akabi bwe kanaatutuukangaku, ka lube olutalo, oba okusalirwa omusango, oba obulwaire obubi, oba endhala, twidha kwemereranga mu maiso go emberi gh'eisinzizo lino kuba agho ghe twidha twakusinza, twakukobera nga bwe tudaazibwadaazibwa, era iwe waatuwulirisa waatuwonia.’

Ezera 10:6

Agho Ezera yaava mu luya emberi gh'eisinzizo lya Katonda, yaaja mu kisenge kya Yehohanani mutabane wa Eliashibu, yaaba eyo okutuusa obwire okukya nga tali kulya waire okunhwa ekintu kyonakyona ng'enaku emugemye olw'Abaisiraeli abaava mu bunhage obutaba beesigwa.

Nehemia 1:4

Bwe nawulira ebyo byonabyona naatyama ghansi, naalira amaziga. Naamala enaku nga ndi kulira obughafu, naasiiba era naasaba Katonda ow'eigulu,

Nehemia 1:6

Lingirira nze omugheereza wo, otege kutu wo owulire bye nkusaba omusana n'obwire ku lw'abagheereza bo Abaisiraeli. Ndhatula nti bwenebwene ife Abaisiraeli twayonoona.

Nehemia 10:28

Ife Abaisiraeli abasigairegho twenatwena tuli kitole: bakabona, n'Abalevi, n'abakuumi ab'emiryango, n'abembi, n'abagheereza ab'omu isinzizo, n'abo boonaboona abeeyawula ku bantu b'omu kiketezo kino ni bagonderanga Amateeka ga Katonda, nga bali ghalala ni bakazi baibwe, ni batabane baibwe, ni baghala baibwe, boonaboona abalimu amagezi n'okutegeera.

Nehemia 8:9

Abantu bwe baawulira Amateeka bye gabalagira okukola, boonaboona baalira amaziga. Kale Nehemia eyali omufuzi w'ekiketezo ekyo, ni Ezera kabona era omunamateeka, n'Abalevi abaayegeresa abantu Amateeka, baabakoba bati: “Olunaku luno lwa Musengwa Katonda waimwe era lutukuvu. Kale ni mulobe kunakughala waire okulira amaziga.

Zabbuli 119:136

Amaziga gakuuluula okunva mu maiso ng'oti miiga, olw'okubona ng'abantu tibagema mateeka go.

Zabbuli 32:5

Agho naayatula y'oli ebibi bye nakolanga, era naaloba kukugisa mikuzi gye nayonoonanga. Naakoba nti: “Nteekwa okwatula okwonoona kwange ye Musengwa Katonda.” Agho weena wansonigha omusango ogw'ebibi bye nakola.

Yeremia 13:17

Aye bwe munaaloba okuwulirisa bye nkoba, ndidha kulira mule mu ngiso olw'okwekuluntaza kwaimwe. Ndidha kulira inho mmagaze n'amaziga, olw'abantu ba Musengwa Katonda abatwaliibwa nga banhage.

Yeremia 9:1

Nguli omutwe gwange gwali n'amaadhi mangi ng'oti kidiba, n'amaiso gange ni gaba n'amaziga mangi ng'oti maadhi agakuuluula okuva mu nhindo dh'ensulo, nandirizenga amaziga omusana n'obwire olw'abantu bange abaitibwa.

Danieli 9:20

Agho neeyongera okusaba, n'okwatula ebibi byange n'eby'abantu bange Abaisiraeli, n'okweghemba Musengwa Katonda wange, nga mmusaba aizeegho ekitiisa ky'olusozi lwe olutukuvu.

Hosea 14:2

Mwire eri Musengwa Katonda era okusaba kwaimwe n'okube kufuuke ekigheebwayo kyaimwe kye mumugha, nga mumweghemba muti: “Tusonighe ebibi byaife byonabyona, osanhukire ebyo ebirungi mu ife. Twidha kukusaakanga n'eminwa gyaife.

Zekaria 12:10

“Era ndita mu baidhukulu ba Daudi ni mu bantu ab'omu Yerusalemu abandi boonaboona, omwoyo omusaasizi era ogwenda einho okusinza. Kale bwe baliringa ku ole ye baafumita, balimulira ng'oti n'omuntu alira omwana we y'abaire naye yenka ati. Baliwowoola ng'oti n'omuntu alira omwana we omuberi.

Matayo 3:6

era yaababatiza mu mwiga Yorudani nga bwe baatula ebibi byaibwe.

Luka 19:41

Agho Yesu yaatuuka okumpi n'ekibuga, bwe yakibona yaalira.

Ebikolwa by'Abatume 10:30

Korunelio yairamu ati: “Enaku ina edhibiseegho, nali ndi mu nhumba yange nga ndi kusaba ku saawa eyomwenda. Mangu ago, naabona omusaadha ng'avaire engoye edhimesunkana ng'ayemereire mu maiso gange.

Ebikolwa by'Abatume 21:5

Bwe twamalayo enaku edho, twavaayo twaja ku lugendo lwaife. Boonaboona ghalala n'abakazi baibwe, n'abaana baatugherekeraku baatufulumya mu kibuga. Twenatwena twakuba amakiryaivu ku mbali kw'enhandha twasaba.

Ab'e Roma 9:2

Ndi n'enaku nnene n'okulumwa kunene mu mwoyo gwange.

Amateeka Agokubiri 31:12

Mwidha kusolozanga abantu boonaboona, abasaadha, n'abakazi, n'abaana abato, n'abasenze ababa mu bibuga byaimwe, bawulirenga era beegenga okutya Musengwa Katonda waimwe. Era beegenderezenga nga bagema Amateeka gano goonagoona n'okugatuukiriza.

Yoshua 7:6

Agho Yoshua n'abakulu ab'ebikunsu mu Isiraeli baayuza ebivaalo byaibwe, beeyala wa mberi gh'Esanduuku y'Endagaano ya Musengwa Katonda, era beeyugha enkungu mu mitwe, baaba agho okutuusa eigulo. Ebyo byonabyona baabikola olw'okunakughala.

Yoshua 8:35

Ku ebyo Musa bye yalagira ghazira Yoshua ky'ataasoma, era mu Baisiraeli abeesoloza okumuwulira ng'asoma, n'omwali abakazi, n'abaana, n'abasenze abaali baba aghalala n'Abaisiraeli.