Ezera 1:6 - Baibuli Ekibono kya Katonda 2014

⁶ Abantu be baabanga nabo aghalala, baabayamba nga babagha ebintu ebya feeza, ni zaabu, n'ebintu ebindi, n'ensolo, n'ebintu eby'omughendo einho, nga kw'otaire n'ebigheebwayo eby'ekyeyendere.

Ezera 1:6 ပူးပေါင်းရင်းမြစ်များ

1 Ebyomubyanda 29:9

Agho abantu baasagamba olw'abo abaaghaayo ku byaibwe eri Musengwa Katonda n'omwoyo omulala ekyeyendere. Kyabazinga Daudi yeena yaasagamba inho.

Ezera 1:4

Kiisi Muyudaaya yeenayeena eyawonagho, eyo yoonayoona ye yasenga, agwaine ayambibwe abantu b'aba nabo aghalala, nga bamugha ebintu bino: feeza, ni zaabu, n'ebintu ebindi ebikozesebwa, n'ensolo ng'okwo kw'otaire n'ebigheebwayo eby'ekyeyendere eby'okughaayo mu isinzizo lya Katonda eriri mu Yerusalemu.”

Ezera 8:33

Ku lunaku olwokuna twaja mu isinzizo lya Katonda waife, twapima feeza, ni zaabu, n'ebintu ebikozesebwa. Byonabyona twabigemya kabona Meremothi mutabane wa Uria, ng'ali ni Eleazari mutabane wa Finehasi, n'Abalevi babiri Yozabadi mutabane wa Yeshua, ni Noadia mutabane wa Binnui.

Nehemia 6:9

Baali bali kugezaaku bwa kututiisa nga badhuuba bati ekyo kinaatunafuya, twalekera agho okukola. Aye naasaba nti: “Wo Katonda wange nhongera amaani.”

Zabbuli 106:46

Yaleetera abo boonaboona abaali babakiriga, okubagemerwa ekivunika.

Zabbuli 110:3

Ku lunaku lw'olija n'eigye lyo okulwana, abantu bo baja kweghaayo kyeyendere aghazira kukakibwa. Abavubuka bo baja kwidha y'oli ku nsozi entukuvu ng'oti musulo gwa nkyo.

Okuvaayo 12:35

Abaisiraeli baali bamaze okukola nga Musa bweyabakoba, kuba baali bamaze okusaba Abamisiri ebintu ebyakolebwa mu feeza ni mu zaabu era n'ebivaalo.

Okuvaayo 12:36

Era, nga ni Musengwa Katonda amaze okuleetera Abamisiri okutya Abaisiraeli, kale kiisi kye baasabanga nga bakibagha. Mu nsambo ng'oti n'eyo, Abaisiraeli baatwala eby'obukombe eby'Abamisiri mu magezi.

Isaia 35:3

Mwize amaani mu mikono gy'abantu egikooye, era mugumye ebivu ebiri kudhugumira olw'okunafugha.

2 Ab'e Korintho 9:7

Kale buli muntu ateekwa okukola nga bw'asazeegho mu mwoyo gwe, era nga ti lwa nnaakola ntya, oba lwa kukakibwa kuba Katonda ayenda oyo agaba nga musangaavu.