Ezera 1:3 - Baibuli Ekibono kya Katonda 2014

³ Nsaba Katonda abe n'imwe mwenamwena abantu be. Mwidha kuja e Yerusalemu ekiri mu Buyudaaya, muzimbe buyaaka eisinzizo lya Musengwa Katonda, Katonda wa Isiraeli, oyo ni Katonda ali mu Yerusalemu.

Ezera 1:3 ပူးပေါင်းရင်းမြစ်များ

1 Bakyabazinga 18:39

Abantu boonaboona bwe baabona ekyo, baakuba amakiryaivu era baakutama n'ebyeni bya tuuka ku itaka. Baakoba bati: “Musengwa Katonda ni Katonda! Musengwa Katonda ni Katonda!”

1 Bakyabazinga 8:23

Yaakoba ati: “Wo Musengwa Katonda wa Isiraeli, ezirayo katonda ali ng'oti niiwe, k'ebe ghaigulu mu igulu oba ghansi ku nsi; kuba iwe okuuma endagaano y'okola n'abantu bo era waabagonza obutalekera, kasita bagumira ku iwe n'omwoyo gwaibwe gwonagwona.

1 Ebyomubyanda 28:20

Agho Daudi yaakoba mutabane we Solomoni ati: “Guma omwoyo obe mumalirivu, okole omulimo ogwo. Otatyanga era otawangamu maani, kuba Musengwa Katonda wange ali ghalala n'iwe. Talikuvaaku, waire okukulekulira agho, aidha kubanga ghalala n'iwe akusobozese okumaliriza omulimo gwonagwona ogw'okukola ku isinzizo lye.

Ezera 1:4

Kiisi Muyudaaya yeenayeena eyawonagho, eyo yoonayoona ye yasenga, agwaine ayambibwe abantu b'aba nabo aghalala, nga bamugha ebintu bino: feeza, ni zaabu, n'ebintu ebindi ebikozesebwa, n'ensolo ng'okwo kw'otaire n'ebigheebwayo eby'ekyeyendere eby'okughaayo mu isinzizo lya Katonda eriri mu Yerusalemu.”

Ezera 4:3

Aye Zerubbabeli, ni Yeshua, n'abakulu ab'enda dha baiseibwe mu Isiraeli baabakoba bati: “Titwetaaga buyambi bwaimwe okusobola okuzimbira Musengwa Katonda waife isinzizo. Ife beene tuja kulizimba, nga kyabazinga Kuro ow'e Perusia bwe yatulagira.”

Ezera 5:13

Aye mu mwaka ogwasooka nga kyabazinga Kuro n'afuga Babilonia, Kuro oyo yaagha ekiragiro okwiramu okuzimba eisinzizo lino.

Ezera 5:3

Mu kiseera kyene ekyo Tattenai eyafuganga ekiketezo ekiri ere ng'osomoike omwiga Eufurate, ni Shetharibozenai, ni bakagwa baibwe abandi, baidha e Yerusalemu baababuuza bati: “Naani eyabagha obukumu okuzimba eisinzizo lino n'okulimaliriza?”

Ezera 6:7

Muleke omulimo ogwo gwe bali kukola ku isinzizo lya Katonda eryo guje mu maiso. Muleke omufuzi wa Buyudaaya n'abakulembeze b'Abayudaaya bairemu okuzimba eisinzizo eryo mu kifo kyalyo ghe lyalinga.

Zabbuli 132:13

Musengwa Katonda yeerondera Sioni, ng'agho gh'aidha okubanga.

Zabbuli 83:18

Ka bamanhe nga iwe wenka niiwe Musengwa Katonda, era nga niiwe oyo Ali Ghaigulu Yeene asinga ebintu byonabyona eby'oku nsi.

Isaia 37:16

“Wo Musengwa Katonda Afuga Amagye, Katonda wa Isiraeli, iwe atyama ku bitonde eby'amaghagha ebyetebwa bikerubi, niiwe Katonda wenka. Niiwe wenka afuga obwakyabazinga bwonabwona ku nsi. Era niiwe watonda eigulu n'ensi.

Isaia 44:28

Ninze nkoba Kuro nti, ‘Niiwe omufuzi ye ntairegho otuukirize byonabyona bye nhenda.’ Naalagira Yerusalemu nti, ‘Oidha kuzimbibwa buyaaka,’ era naakoba n'eisinzizo nti, ‘Omusingi gwo gwidha kuteebwagho.’ ”

Isaia 45:5

Ninze Musengwa Katonda zenka, ezirayo Katonda wundi naire. Ndikugha amaani ge weetaaga, waire nga iwe tondidhi.

Yeremia 10:10

Aye iwe Musengwa Katonda, niiwe Katonda mwenemwene, niiwe Katonda omulamu era kyabazinga ow'ebyanda n'ebyanda. Bw'osungughala ensi etengeeta, era amaghanga goonagoona tigasobola kugumira kiruyi kyo.

Danieli 2:47

Kyabazinga yaakoba Danieli ati: “Bwenebwene Katonda waimwe n'asinga bakatonda boonaboona era ni Musengwa wa bakyabazinga boonaboona. Oyo n'ayoleka ebyama, kuba iwe osoboire okwinhonhola ekyama ekyo.”

Danieli 6:26

Ndi kugha ekiragiro nti mu biketezo byonabyona ebiri mu bwakyabazinga bwange, abantu boonaboona batyenga Katonda wa Danieli, bamutengamu ekitiisa. Kuba oyo ni Katonda omulamu, aligho ebyanda n'ebyanda. Obwakyabazinga bwe ghazira asobola kubuzikiriza, n'obukumu bwe tibuliwaagho.

Matayo 28:20

nga mubeegeresa okugema byonabyona bye nabalagira, era mwidhukire nga nze ndi n'imwe enaku dhoonadhoona okutuusa ku nkomerero ey'ensi.”

Ebikolwa by'Abatume 10:36

Katonda yagha abantu ba Isiraeli ekibono ng'abakobera Amawulire Amalungi agaleeta emiraala ng'abita mu Yesu Kurisito. Oyo ni Musengwa ow'abantu boonaboona.

Amateeka Agokubiri 32:31

Kuba emisambwa gy'abazigu baife minafu, aye Katonda waife wa maani. N'abazigu baife beene ekyo bakiidhi.

Yoshua 1:9

Oteerabira kye nkulagiire nti: Banga mumalirivu era atatya, otatiribiranga oba okuwaamu amaani, kuba Nze Musengwa Katonda wo ndidha kubanga n'iwe buli gh'oja.”