Ezera 1:2 - Baibuli Ekibono kya Katonda 2014

² “Kyabazinga Kuro ow'e Perusia akoba ati: Musengwa Katonda ow'eigulu, yampa obwakyabazinga bwonabwona obw'oku nsi, era ampaire obuvunaanizibwa okumuzimbira eisinzizo e Yerusalemu ekiri mu Buyudaaya.

Ezera 1:2 ပူးပေါင်းရင်းမြစ်များ

1 Bakyabazinga 8:27

“Aye obwo bwenebwene iwe Katonda oghanga okuba ku nsi? Ate oba waire mu igulu lyene, erisingayo okuba ghaigulu tosugamu, memale onaasuga otya mu isinzizo lino lye nzimbye!

2 Ebyomubyanda 2:12

Agho ni Musengwa Katonda, oyo Katonda wa Isiraeli asaakibwe, eyatonda eigulu n'ensi, era aghaire Daudi omwana ategeera era ow'amagezi amangi, aidha okuzimbira Musengwa Katonda oyo eisinzizo, ni mwene yeezimbire ekisaagaati eky'obwakyabazinga.

Ezera 1:5

Agho abakulu b'enda dha baiseibwe mu bika, ekya Yuda n'ekya Benjamini, ni bakabona, n'Abalevi abandi, na buli muntu yeenayeena Katonda ye yaleetera okwenda okuja, baasituka okuja okuzimba obuyaaka eisinzizo lya Musengwa Katonda mu Yerusalemu.

Ezera 3:7

Kale baaghaayo empiiya okusasulira abazimbisa amabaale n'ababaadhi. Baagha ab'e Sidoni n'ab'e Tiro emere n'eby'okunhwa, n'omuzigo ogw'ebibala eby'emiti emyoliva, batoole emiti emivule e Lebanoni nga bagiseeyeeyeza ku maadhi bagireete e Yoppa, nga kyabazinga Kuro ow'e Perusia bweyali amaze okubaikiriza.

Ezera 4:3

Aye Zerubbabeli, ni Yeshua, n'abakulu ab'enda dha baiseibwe mu Isiraeli baabakoba bati: “Titwetaaga buyambi bwaimwe okusobola okuzimbira Musengwa Katonda waife isinzizo. Ife beene tuja kulizimba, nga kyabazinga Kuro ow'e Perusia bwe yatulagira.”

Ezera 5:15

Yaamukoba okutwala ebintu ebyo, abiizeeyo mu isinzizo e Yerusalemu era abone ng'eisinzizo lya Katonda lizimbibwa buyaaka mu kifo ghe lyali.

Ezera 6:10

Olwo baghengayo eri Katonda ow'eigulu emisengo gy'asiima, era bansabirenga nze kyabazinga n'eizaire lyange.

Ezera 6:3

“Mu mwaka ogwasooka nga kyabazinga Kuro n'afuga, kyabazinga Kuro oyo yagha ekiragiro ati, eisinzizo lya Katonda eriri e Yerusalemu bairemu okulizimba, libenga ekifo mwe bagheerayo emisengo n'ebigheebwayo ebyokebwa. Obugungumavu bube mita amakumi abiri na musanvu, n'obugazi bwalyo bwona bube mita amakumi abiri na musanvu.

Ezera 7:12

“Nze Arutazerizesi kyabazinga asinga mu bakyabazinga boonaboona, nkulamwisa iwe Ezera kabona aidhi einho amateeka ga Katonda ow'eigulu.

Nehemia 1:4

Bwe nawulira ebyo byonabyona naatyama ghansi, naalira amaziga. Naamala enaku nga ndi kulira obughafu, naasiiba era naasaba Katonda ow'eigulu,

Nehemia 1:5

nga nkoba nti: “Wo Musengwa Katonda ow'eigulu, oli mukologho era ow'entiisa. Iwe akuuma endagaano yo era waagonza obutalekera abo abakugonza ni bagema ebiragiro byo.

Zabbuli 136:26

Musiime Katonda ow'eigulu; okugonza kwe tikukoma, kubaagho byanda na byanda.

Zabbuli 85:2

Wasonigha abantu bo ebibi byaibwe, waabasaasira olw'okwonoona kwaibwe.

Ensambo 21:1

Omwoyo gwa kyabazinga guba mu buyinza bwa Musengwa Katonda; agukyukiza buli y'ayenda ng'oti n'omweta ogw'amaadhi.

Isaia 41:2

Naani eyasiikuula omuntu oyo ow'e buvandhuba n'amuleetera okwidha, aje ng'aghangula buli gh'atuuka woonawoona? Naani amuleetera okughangula amaghanga, naatyankirira bakyabazinga n'ebigere bye n'abaitisa empiima ye, n'abafuuta ni baba ng'oti bwa nkungu, era n'abasansaania n'obusaale bwe ni baba ng'oti n'eisubi eikalu empewo ly'efuuwa n'eritwaliriza?

Isaia 44:26

Aye nkakasa ebyo omugheereza wange by'ayogera, naatuukiriza omukwenda wange oyo by'alangirira. Ekibuga Yerusalemu nkikakasa nga bwe kiidha okubangamu abantu, n'ebibuga bya Buyudaaya ebyayonoonebwa naabikakasa nga bwe birizimbibwa obuyaaka.

Isaia 44:28

Ninze nkoba Kuro nti, ‘Niiwe omufuzi ye ntairegho otuukirize byonabyona bye nhenda.’ Naalagira Yerusalemu nti, ‘Oidha kuzimbibwa buyaaka,’ era naakoba n'eisinzizo nti, ‘Omusingi gwo gwidha kuteebwagho.’ ”

Isaia 45:1

Musengwa Katonda yalonda kyabazinga Kuro, yaamutuma okughangula amaghanga, n'okutoola ku bakyabazinga obukumu. Musengwa Katonda alimwiguliragho emiryango gy'ebibuga, ghaaloba kubaagho agiigalagho. Musengwa Katonda akoba Kuro oyo ati:

Isaia 66:1

Musengwa Katonda akoba ati: “Eigulu n'ekityamo kyange eky'obwakyabazinga, ate ensi, kwe nta ebigere byange. Kale mulinzimbira ndhu nabaki? Era kifo ki mwe ndiwuumulira?

Yeremia 10:11

Iwe Musengwa Katonda kyova n'okoba oti: “Emisambwa egyo ti n'egyakola eigulu n'ensi, era gija kuzikirizibwa give ku nsi ni ghansi gh'eigulu.”

Yeremia 27:5

“Nze Musengwa Katonda nakozesa obuyinza bwange obungi n'amaani gange agataloodheka, natonda ensi n'abantu baamu, n'ensolo dhaamu dhoonadhoona. Era ensi eyo ngigha oyo ye mba nga nsazeegho okugigha.

Yeremia 29:10

“Musengwa Katonda akoba ati, ‘Emyaka ensanvu gye nagha Babilonia okubafugiramu bwe giriwaaku, imwe ndibooleka nga bwe mbalumirwa, naatuukiriza kye nasuubiza eky'okubaiza eka.

Danieli 1:21

Danieli yaasigala ng'akaagheereza kyabazinga okutuukiza irala mu mwaka ogusooka ogwa kyabazinga Kuro.

Danieli 2:21

Aleetera enaku n'ebiseera okukyukakyuka, yaataagho era yaatoolagho bakyabazinga. Aleetera abantu okuba n'amagezi, era yaabaleetera okuba n'okutegeera.

Danieli 2:28

Aye ghaligho Katonda mu igulu ayoleka ebyama. Oyo n'ali kukumanhisa ebija okubaagho mu biseera eby'oluvainhuma. Mpegaano ni, ka nkukobere kye wabona mu kirooto ng'otendwike mu buliri bwo.

Danieli 4:25

Baidha kukubinga bakutoole mu bantu, bakusindike mu nsolo edh'omu nsiko. Omale emyaka musanvu ng'olyanga isubi ng'oti nte, n'omusulo oguva ku igulu gukukubenga obole, okutuusa lw'olimanha ng'oyo Ali Ghaigulu Yeene n'afuga obwakyabazinga obw'abantu. Era ng'abugha oyo y'ayenda yeenayeena.

Danieli 4:32

Baidha kukubinga bakutoole mu bantu, bakusindike mu nsolo edh'omu nsiko. Omale emyaka musanvu ng'olyanga isubi ng'oti nte, okutuusa lw'olimanha ng'oyo Ali Ghaigulu Yeene n'afuga obwakyabazinga obw'abantu. Era ng'abugha oyo y'ayenda yeenayeena.”

Danieli 5:23

Weekuluntaliiza ku Musengwa ow'eigulu. Waalagira baaleeta ebikopo ebyatoolebwa mu isinzizo lye, olwo iwe mwene n'abakungu bo, ni bakazi bo ab'omu ndhu n'ab'embali, mwabinhweramu omwenge ogw'emizabbibu. Era mwasaaka ebisinzibwa ebitali Katonda, ebitabona, waire okuwulira, oba okutegeera, bye baakola obw'omu zaabu, ni mu feeza, ni mu kyuma eky'ekikomo, ni mu kyuma ekigumu einho, ni mu miti, ni mu mabaale. Aye mwaloba kuta kitiisa mu Katonda oyo agemereire obulamu bwaimwe era abalabirira mu buli nsambo.

Danieli 6:25

Ebyo nga biwoire, kyabazinga Dario yaaghandiikira abantu boonaboona, abava mu maghanga goonagoona, era aboogera enimi dhoonadhoona, ati: “Emiraala gyeyongerenga okuba mu imwe.

Yona 1:9

Yaabairamu ati: “Nze ndi Muheburayi. Nsinza Musengwa Katonda, Katonda ow'eigulu, eyakola enhandha n'obukalu.”