Ezekieli 9:2 - Baibuli Ekibono kya Katonda 2014

² Naja okulinga nti, nga mbona abasaadha mukaaga nga bali kuviira mu mulyango ogw'eisinzizo ogw'eitale, ogulingiriire ku luuyi olw'omukono omugooda olw'e buvandhuba. Buli muntu yali agemye mu ngalo ky'aja okwitisa. Baali n'omuntu owundi eyali avaire engoye empegheevu, era ng'ali n'ebintu eby'okughandiikisa. Abantu abo boonaboona bangira, baayemerera gha mbali gh'alutaari ey'ekyuma eky'ekikomo.

Ezekieli 9:2 ပူးပေါင်းရင်းမြစ်များ

Ezekieli 10:2

Katonda yaakoba omuntu eyali avaire engoye empegheevu ati: “Ja ghagati mu nkede edhiri kwezungulula ghansi agh'ebitonde bikerubi, oyoole amanda agaidhula engalo dho agaliku omuliro, oje ogamansire ku kibuga.” Omuntu oyo yaaja nga ndi kubona.

Abalevi 16:4

Anaamalanga kunaaba mubiri mu maadhi, yaavaala ebivaalo ebitukuvu eby'engoye empegheevu: ekanzu empale, olusibiro, n'ekitambaala ku mutwe.

Okwolekebwa 15:6

Bamalaika omusanvu abaali n'ebibamba omusanvu baafuluma mu isinzizo eryo. Baali bavaire ebivaalo ebyamule ebimirimiinha, nga beesibye mu bifuba ensibiro dha zaabu.

2 Bakyabazinga 15:35

Yaazimba omulyango ogw'eitale ogw'eisinzizo lya Musengwa Katonda. Aye ate ebifo ebigulumivu eby'okusinzizaamu tiyabitoolagho. Kale abantu baasigala nga bakaagheerayo emisengo n'okuniokeza obubbaani mu bifo ebyo.

Yeremia 26:10

Abakungu b'omu Buyudaaya bwe baawulira ebyaligho, baayangugha okuva mu kisaagaati kya kyabazinga, baaja mu isinzizo. Baatyama mu bifo byaibwe, agho ku gwetebwa Omulyango Omuyaaka ogw'eisinzizo.

Yeremia 25:9

‘Bona, nja kwetesa abantu boonaboona ababa ku luuyi olw'omukono omugooda olw'e buvandhuba, era ndhetese n'omugheereza wange Nebukadinezzari kyabazinga w'e Babilonia. Memale mbaleete balwanise abantu b'omu Buyudaaya, n'ab'omu maghanga goonagoona agaliiraine agho. Nja kuzikiriza nsaaniegho eighanga lino Buyudaaya ghalala n'amaghanga agaliiraine agho, mu nsambo etiisa einho, buli muntu ageesimoozenga bwesimooze era agavumirirenga ebyanda n'ebyanda. Nze Musengwa Katonda, ninze nkobye.

Yeremia 1:15

Bona eno, ndyeta abantu b'omu bwakyabazinga bw'eyo ku luuyi olw'omukono omugooda olw'e buvandhuba. Bakyabazinga baayo baliidha baata ebityamo byaibwe eby'obwakyabazinga ku miryango gy'e Yerusalemu, n'okwezunguluza ebimante ebikiriku, era n'okwezunguluza ebibuga ebindi eby'omu Buyudaaya.

2 Ebyomubyanda 27:3

Yaazimba omulyango ogw'eitale ogw'eisinzizo lya Musengwa Katonda, era yaakola inho ku kuzimba ekimante ekigumu eky'oku kibuga Yerusalemu, mu kitundu ekyetebwa Ofeli.

2 Ebyomubyanda 4:1

Kyabazinga Solomoni yaakola alutaari ey'ekyuma ky'ekikomo, ng'endhuyi dhaayo eina dhaagayaga, era nga dhigheza mita mwenda buli luuyi, ate obugungumavu ng'egheza mita ina n'ekitundu.

Okuvaayo 40:29

Yaata alutaari eyokerwaku ebigheebwayo ebyokebwa emberi w'omulyango ogw'Eweema Entukuvu, era yaayokeraku ekigheebwayo eky'emere ey'empeke, nga Musengwa Katonda bweyamulagira.

Ezekieli 9:3

Agho okumesunkana okw'ekitiisa kya Katonda wa Isiraeli kwasituka, kwava ku bitonde eby'amaghagha ebyetebwa kerubi kwe kwali kuli, kwaja ku mulyango ogw'eisinzizo. Musengwa Katonda yaayeta ole eyali avaire engoye empegheevu era ng'ali n'ebintu eby'okughandiikisa.

Ezekieli 9:11

Agho omuntu ole eyali avaire engoye empegheevu era ng'ali n'ebintu eby'okughandiikisa, yaiza obukwenda bwe ati: “Nkoze nga bw'ondagiire.”

Danieli 10:5

Naja okulinga nti, nga mbona omusaadha ng'avaire engoye empegheevu, era nga yeesibye mu nkende olusibiro lwa zaabu ow'e Ufazi.

Danieli 12:6

Owundi ku abo yaabuuza malaika ole eyali avaire engoye empegheevu era eyali ere omwiga ye gwali guli kuviira, nti: “Bino ebyewuunhisa biribaagho kutuusa kiseera ki?”

Yeremia 4:6

Mughanike bendera nga mugiringiriiza e Sioni, mulumuke mwewonie aghazira kugayaala naire; kuba Musengwa Katonda aja kuleeta akabi n'okuzikirira okunene einho, okuva ku luuyi olw'omukono omugooda olw'e buvandhuba.

Ezekieli 8:3

Agho yaagolola ekyaboneka okuba ng'oti n'omukono gwe, yaavuunhia enviiri edh'oku mutwe gwange, yambeedera ku nviiri edho naalengeedhera okwo. Era nga nkaali mu kubonekerwa kwa Katonda okwo, omwoyo gwa Katonda gwambeedera mu mpewo gwantwala e Yerusalemu. Gwantuusa ku mulyango ogwingira mu luya olw'eisinzizo olw'omunda olwali ku luuyi olw'omukono omugooda olw'e buvandhuba. Mu luya olwo n'omwali ekifaananie abantu kye baasinzanga ni basungughaza Katonda einho, ni bamuleetera okuba n'enkikidi.

Amosi 9:1

Nabona Musengwa Katonda ng'ayemereire ku mbali kw'alutaari, era yaalagira ati: “Kuba emitwe egy'empagi edh'eisinzizo okutuusa lwe linaatengeeta. Era menha emitwe egy'empagi edho dhikube emitwe egy'abantu boonaboona. Abo abataafe mu nsambo eyo, ndidha kubasindika bafiire mu lutalo. Ku abo ezira aja kulumukagho waire okuwonagho.