Ezekieli 7:9 - Baibuli Ekibono kya Katonda 2014

⁹ Tija kusaasiraku naire omulala ati oba okumugemerwa ekivunika. Nja kubabonereza olw'ebibi byonabyona ebyenhinhalwa bye mwakola. Olwo mumanhe nga ninze Musengwa Katonda, era nga ninze abonereza.”

Ezekieli 7:9 ပူးပေါင်းရင်းမြစ်များ

Isaia 9:13

Waire nga Musengwa Katonda Afuga Amagye yabonereza Abaisiraeli, aye era Abaisiraeli abo tibeeneniaku, waire okukyuka okwira y'ali.

Yeremia 13:14

Memale mbakontaganie buli muntu ku mwine, k'abe omuto oba omukulu. Nga ghazira kusaasira, oba okusonigha, waire okugemerwa omuntu ekivunika, aye okutoolaku okubazikiriza obuzikirize.”

Yeremia 21:7

Aye iwe Zedekia, n'abakungu bo, n'abantu abandi abaliwona olutalo n'endwaire eyo n'endhala, nja kubalekera kyabazinga Nebukadinezzari n'abazigu baimwe abandi abendanga okubaita, babageme. Nebukadinezzari oyo aja kubaita aghazira kusonigha waire okusaasira. Nze Musengwa Katonda, ninze nkobye.’ ”

Yeremia 36:31

Ndikubonereza iwe, n'abaana bo, ni baidhukulu bo, n'abakungu bo, olw'ebibi mwenamwena bye mukola. Ndibaleetaku akabi ke neesoomera okubatuusaaku imwe, n'abantu b'omu Yerusalemu, n'ab'omu Buyudaaya, kuba nabalabula aye mwaloba kufaayo naire.”

Okulira 2:17

Musengwa alwire eira yaatuukiriza ekigendererwa kye, nga bwe yatwesoomera. Era nga bwe yasalagho eira einho, azikiriiza ng'aziramu na kusaasira. Aghaire abazigu baife okusagamba olw'obughanguzi, yaabongera okuba ab'amaani einho.

Ezekieli 22:22

Nga feeza bw'asaanuukira mu kyokero, boona bwe balisaanuukira mu Yerusalemu, memale baamanha nga nze Musengwa Katonda mwene, ninze mbamaliireku obusungu bwange.”

Ezekieli 23:49

Era imwe abakazi aboluganda mwembi, ndibeesasulizaaku naababonereza olw'obwenzi bwaimwe n'olw'okusinza ebitali Katonda. Olwo mulimanha nga ninze Musengwa Katonda.”

Ezekieli 5:11

“Agho ni, nze Musengwa Katonda ndayira nti nga bwendi omulamu, bino bye nkoba ku imwe ab'omu Yerusalemu: mwayonoona eisinzizo lyange nga mulikoleramu ebibi byaimwe byonabyona ebyenhinhalwa. Kale ndibatirimbula, naaloba kusaasiraku naire omulala ati oba okumugemerwa ekivunika.

Ezekieli 7:10

Bona, olunaku luuluno lutuuse, olunaku olw'akabi! Obutajiira ku mazima bweyongeire, n'okwekuluntaza kwabitirira.

Ezekieli 7:8

“Buti ndi kumpi okubamaliraku ekiruyi kyange, mboolekeze obusungu bwange. Olwo mbasalire omusango nga njiira ku neebisa yaimwe, era mbabonereze olw'ebibi bye mwakola ebyenhinhalwa.

Mika 6:9

Kya magezi inho okutya Musengwa Katonda. Musengwa Katonda ayeta abanakibuga yaabakoba ati: “Imwe abeesololeza mu kibuga, muwulire.

Ab'e Galatia 6:7

Muteesubaghanga: Katonda, ghazira asobola kumusirughaza. Kiisi muntu ky'asiga ky'alikungula.

Okwolekebwa 20:13

Enhandha yaaghaayo abafu abaagirimu. Okufa n'Amagombe byona byaghaayo abafu be byali nabo. Boonaboona baabasalira omusango ng'ebikolwa byaibwe bwe byali.