Ezekieli 7:7 - Baibuli Ekibono kya Katonda 2014

⁷ Imwe abatyamye b'omu nsi eno, akabi kabaidhiire. Ekiseera kituuse era olunaku luseese, olunaku olw'entiisa enene, se ti olw'okukubiraku emizira ghaigulu ku nsozi.

Ezekieli 7:7 ပူးပေါင်းရင်းမြစ်များ

Ezekieli 12:28

Kale ni bakobere oti nze Musengwa Katonda nkoba ati: Tighaabengagho kulwisa naire. Kye nnaayogeranga kiidha kutuukirizibwanga. Nze Musengwa Katonda ninze nkobye.”

Ezekieli 7:12

Ekiseera kituuse, olunaku lutuuse, omuguzi alekere okusagamba, n'omutunzi alekere okulira amaziga kuba boonaboona Katonda abasungughaliire.

Isaia 22:5

Kino kiseera kya kutya kungi, kutyankirirwa, na kusoberwa, ebyo nga Musengwa Katonda Afuga Amagye by'atutuusiisaaku mu Kiiko kino eky'Okubonekerwa. Ebimante by'ekibuga kyaife babiguumwireguumwire byagwa ghansi, abantu baakubira enduulu eyo mu nsozi nga benda babayambe.

Amainhama 19:15

Bwe bwakya enkyo, bamalaika baayanguyiriza Loti nga bamukoba bati: “Situkiramu, otwale mukazi wo ni baghala bo bombi, mufulume muve mu kibuga mulobe kuzikirizibwa mu kibonerezo kyakyo.”

1 Petero 4:17

Ekiseera eky'okusalirwa omusango kituuse era abantu ba Katonda beene n'abaja okusooka okusalirwa. Kale oba nga aja kusooka n'ife, memale leero kiriba kitya n'abo abaloba okuwulira Amawulire Amalungi agava ye Katonda?

Amosi 4:13

A! Katonda n'eyawumba ensozi era yaatonda empewo. Amanhisa abantu ebiri mu mwoyo gwe. Ogubaire omusana abufuula obwire. Atambulira ghaigulu ng'ensi emuli ghansi. Eriina lye ni Musengwa Katonda Afuga Amagye.

Yeremia 20:7

Wo Musengwa Katonda waanimba era naalimbibwa. Onsinga amaani era ompangwire. Nafuuka nseko dha balamu, buli muntu ankongoola buli kaakyeire.

Isaia 17:14

Eigulo balireetagho okutya okungi, aye bulija okukya enkyo nga babuzeegho. Ebyo n'ebituuka ku abo abatutoolaku ebyaife, era ogwo n'omugabo gw'abo abanhagulula ensi yaife.

Isaia 13:22

Empiti dhinaabwigukiranga mu minaala gyayo, n'ebibe byaboigokeranga mu ndhu dhaayo enkalamu. Ekiseera kya Babiloni eky'enkomerero kituuse! Enaku dhaakyo dhinaatera okuwaaku!”

Amainhama 19:24

Agho Musengwa Katonda yaagwisa obuganga bwa salufa, ng'oti maadhi, ku Sodoma ni Gomorra, nga buva mu igulu.

Yeremia 50:27

Mugeme abalwani baayo boonaboona, ab'amaani ng'oti gate galume, muje mubaite. Abantu ab'e Babilonia bakagwireku, kuba ekiseera kyaibwe eky'okubabonereza kituuse.”

Isaia 16:10

Tighakaaligho muntu asanhukiraku mu masamba ago amagimu, waire okwemberaku enhembo mu mizabbibu, oba okwasiikaniramu. Ghazira akunha mizabbibu kugikolamu mwenge, era emizira gy'abakunhi ngikomiiza.

Ezekieli 30:3

Olunaku lwa Musengwa Katonda luli kumpi, oluliba olw'ebire ebyereere ku igulu era olw'akabi eri amaghanga.

Yoeli 1:15

Tukagwireku! Olunaku lwa Musengwa Katonda luli kumpi; olunaku oyo Aghanga Ebintu Byonabyona lw'alireeteraku okuzikirira.