Ezekieli 41:4 - Baibuli Ekibono kya Katonda 2014

⁴ Yaapima n'ekisenge ekyo kyene eky'omunda einho, nga kyagayaga mu buleeyi ni mu bugazi, mita ikumi ku ikumi. Ekisenge ekyo n'ekyali kisinga okuba munda einho. Omusaadha yankoba ati: “Kino n'Ekifo Ekitukuvu Einho.”

Ezekieli 41:4 ပူးပေါင်းရင်းမြစ်များ

1 Bakyabazinga 6:16

Einhuma munda mu isinzizo, yaazimbayo ekisenge eky'embaawo edh'emivule nga dhiva ghansi dhaatuuka ku lubani. Mu nsambo eyo yaayawula ku isinzizo ekifo kya mita mwenda, ekyo nga n'Ekifo Ekitukuvu Einho.

1 Bakyabazinga 6:20

Ekifo ekyo Ekitukuvu kyali mita mwenda mu buleeyi, mita mwenda mu bugazi, n'emita mwenda mu bugungumavu, era yaalimbya zaabu omukenenule munda mwakyo mwonamwona. Era yaakola alutaari mu mbaawo edh'emivule.

1 Bakyabazinga 6:5

Yaalizimbaku ekizimbe kya kalina isatu ekyakookerwaku okwezungulula ebimante eby'okuliya kwalyo, mu mbali n'einhuma.

1 Bakyabazinga 7:50

ebikopo, makansu edhisala ebisiriiza ku ntambi, ebibya, ebintu bye bataaku obubbaani, ebintu eby'okutwaliraku amanda agaliku omuliro, pata edh'endhigi edh'omu Kifo Ekitukuvu Einho n'edh'endhigi edh'eisinzizo edh'okuliya. Ebintu ebyo byonabyona byali bya zaabu.

1 Bakyabazinga 8:6

Kale bakabona baaleeta mu isinzizo Esanduuku ya Musengwa Katonda ey'Endagaano, baagita mu kifo kyayo munda mu isinzizo, mu Kifo Ekitukuvu Einho, ghansi gh'amaghagha ag'ebitonde ebyetebwa bikerubi

2 Ebyomubyanda 3:8

Baazimba ekisenge eky'omunda ekyetebwa Ekifo Ekitukuvu Einho, nga mu buleeyi kiri mita mwenda ate ni mu bugazi mwona kyaba mita mwenda nga kyagayaga n'eisinzizo eryo mu bugazi. Baalimbya ku bimante by'Ekifo Ekitukuvu Einho ekyo zaabu omukenenule agheza talanta lukaaga (600).

2 Ebyomubyanda 5:7

Kale bakabona baaleeta mu isinzizo Esanduuku ya Musengwa Katonda ey'Endagaano, baagita mu kifo kyayo munda mu isinzizo, mu Kifo Ekitukuvu Einho, ghansi gh'amaghagha ag'ebitonde ebyetebwa bikerubi

Ezekieli 41:23

Ghaaligho olwigi olwingira mu kisenge ky'eisinzizo, ghaabaagho n'olundi olwingira mu Ekifo Ekitukuvu Einho.

Okwolekebwa 21:16

Endhuyi edh'ekibuga ekyo eina dhaali dhaagayaga, obuleeyi n'obugazi. Agho malaika yaapima ekibuga ekyo n'olupimo lwe, nga kigheza kilomita nkumi ibiri na bina (2,400) obuleeyi, n'obugazi, n'obugungumavu bwakyo nga byagayaga.