Ezekieli 41:2 - Baibuli Ekibono kya Katonda 2014

² Obugazi obw'omulyango gwene bwali mita itaanu, ate ebimante byaku byaba mita ibiri n'ekitundu ku luuyi ni ku luuyi. Ekisenge kyene eky'eisinzizo kyali kigheza mita amakumi abiri mu buleeyi, ate mu bugazi kyagheza mita ikumi.

Ezekieli 41:2 ပူးပေါင်းရင်းမြစ်များ

1 Bakyabazinga 6:17

Ekitundu eky'eisinzizo eryo ekyali emberi y'Ekifo Ekitukuvu Einho, kyali kigheza mita ikumi na munaana obuleeyi.

1 Bakyabazinga 6:2

Eisinzizo kyabazinga Solomoni oyo lye yazimbira Musengwa Katonda lyali mita amakumi abiri na musanvu mu buleeyi, mita mwenda mu bugazi, era lyaba mita ikumi na isatu na kitundu mu bugungumavu.

2 Ebyomubyanda 29:7

Baigalagho endhigi edhingira mu isinzizo, baazikiza entaala, era baaloba okuniokeza obubbaani, waire okughaayo ebigheebwayo ebyokebwa eri Katonda wa Isiraeli, mu kifo kye ekitukuvu.

2 Ebyomubyanda 3:3

Eisinzizo kyabazinga Solomoni oyo lye yazimbira Katonda lyali mita amakumi abiri na musanvu mu buleeyi, ate mu bugazi lyaba mita mwenda.

2 Ebyomubyanda 3:7

Baalimbya zaabu oyo ku bimante byalyo, ni ku mbaawo edh'akasolya kaalyo, ni ku myango egy'emiryango gyalyo, ni ku ndhigi dhaalyo. Era ku bimante byalyo ebyo yaatonaku ebifaananie eby'ebitonde ebiri n'amaghagha ebyetebwa kerubi.

Okuvaayo 26:36

“Mu mulyango ogwingira mu Kifo Ekitukuvu Einho oidha kukoleragho ekintu ekikinzaagho nga kyakolebwa mu lugoye olwa langi ya bbululu, n'olw'eya nakasooma, n'olw'eya kasaayisaayi, ni mu lugoye olughegheevu era okitungiremu ebimuli ng'okozesa empiso n'ewuuzi.

Okuvaayo 36:37

Mu mulyango ogwingira mu Kifo Ekitukuvu Einho, baakoleragho ekintu ekikinzaagho nga bakikola mu lugoye olwa langi ya bbululu, n'olw'eya nakasooma, n'olw'eya kasaayisaayi, ni mu lugoye olughegheevu era baakitungiramu ebimuli nga bakozesa empiso n'ewuuzi.

Ezekieli 47:1

Agho omusaadha yandhizaayo ku mulyango ogw'eisinzizo. Okuja okulinga nti nga mbona amaadhi gali kuva ghansi gh'omulyango ogwo, gaakuuluula nga gaja e buvandhuba eisinzizo ye lyalingirira. Amaadhi ago gaali gali kuviira ghansi ku luuyi olw'omukono omusaadha olw'e buvandhuba w'eisinzizo, nga gali kujiira ku luuyi lwene olwo olw'omukono omusaadha olw'e buvandhuba olw'alutaari.

Yoanne 10:7

Agho Yesu kabiri yaabakoba ati: “Bwenebwene ka mbakobere, ninze omulyango gw'entaama.

Yoanne 10:9

Ninze omulyango, yeenayeena abita mu nze ng'aingira, aliwona yaingira era yaafuluma, era yaafuna n'eby'okulya.