Ezekieli 40:3 - Baibuli Ekibono kya Katonda 2014

³ Bwe yamala okundhisa eyo, naja okulinga nti nga mbona omusaadha eyali ali kumirimiinha ng'oti kyuma kya kikomo. Yali agemye oluwuuzi olw'olugoye olughegheevu n'omwigo ogupima, era ng'ayemereire mu mulyango.

Ezekieli 40:3 ပူးပေါင်းရင်းမြစ်များ

Isaia 28:17

Okukola amazima n'okulifuuka olukoba olupima, ate obutuufu bwaba akagugha akatereeza ekisenge ekizimbibwa.” Kiwunga alimu omugozi alyeyaagho obuguya bwaimwe bwe mwesiga, amaadhi ag'omwidhuzo gaazikiriza ebyo bye mwesiguliraku.

Isaia 8:20

Mubairangamu muti: “Ka twekalangulire ku ebyo Musengwa Katonda bye yatusikirira ni bye yatwegeresa.” Bwenebwene abo abatajiira ku ebyo nga bwe biri, tibalikyesa bwire nga bakaali kufa.

Ezekieli 1:27

Okuva aghaaboneka ng'oti n'enkende ye okuja ghaigulu, yali amesunkana ng'oti n'ekyuma eky'ekikomo ekizigule era ng'ali ng'oti omuliro gumwezungulwire yeenayeena. Ate okuva aghaaboneka ng'oti n'enkende ye okwika ghansi, ng'ali ng'oti ali mu muliro era ng'obutangaavu bumwezungulwire yeenayeena,

Ezekieli 1:7

Amagulu gaabyo gaali matereevu agaziramu ngode naire, n'ebibbonge byabyo byaba ng'oti binuulo bya nte nto. Byali biri kumesunkana ng'oti n'ekyuma eky'ekikomo ekizigule.

Ezekieli 41:1

Agho omusaadha yantwala mu kisenge eky'eisinzizo era nga kyetebwa Ekifo Ekitukuvu. Yaapima emyango egy'oku mulyango ogwingirayo, nga gigheza mita isatu isatu ku luuyi ni ku luuyi.

Ezekieli 42:16

Yaapima oluuyi olw'e buvandhuba n'omwigo ogupima, nga luliku mita ebikumi bibiri n'ataanu (250).

Ezekieli 43:6

Agho omusaadha ole ng'ayemereire ghe ndi, naawulira ankoba ng'ali mu isinzizo ati:

Ezekieli 47:3

Agho omusaadha yaakozesa olupimo, yaapima obuleeyi bwa mita ebikumi bitaanu (500), ng'ali kujiira ku luuyi olw'e buvandhuba amaadhi ye gaali gali kuja. Yaamala yambisa mu maadhi ago, nga gatuuka mu bukongoivule.

Ezekieli 8:2

Naja okulinga nti nga mbona ekiri ng'oti muntu, aye nga okuva aghaaboneka ng'oti n'enkende ye okwika ghansi, yali afaanana ng'oti muliro. Ate okuva aghaaboneka ng'oti n'enkende ye okuja ghaigulu, yali amesunkana ng'oti n'ekyuma eky'ekikomo ekizigule.

Okwolekebwa 1:15

Ebigere bye nga biri ng'oti kyuma kya kikomo ekizigule. Amamiro ge nga gali ng'oti mpiriito ya maadhi.

Okwolekebwa 11:1

Agho naagheebwa olupimo nga luli ng'oti mwigo, ghaabaagho ankoba ati: “Situka opime eisinzizo lya Katonda ni alutaari, obale n'abalisinzizaamu.

Okwolekebwa 21:15

Malaika eyali ali kwogera ninze, yali n'olupimo olwa zaabu olw'okupima ekibuga, n'emiryango gyakyo, n'ekimante ekikyezungulwire.