Ezekieli 40:2 - Baibuli Ekibono kya Katonda 2014

² Era nga ndi mu kubonekerwa, Katonda yambeeda yantwala mu nsi Isiraeli, yandhisa ku lusozi oluleeyi, olwaliku ekyaboneka ng'oti kibuga, nga kiri agho emberi wange.

Ezekieli 40:2 ပူးပေါင်းရင်းမြစ်များ

Danieli 7:7

Ebyo nga biwoire, kabiri naja okulinga nti nga mbona ekisolo ekyokuna, nga kitiisa inho kyagemya n'entete, era nga kiri n'amaani amabitirivu. Kyali n'amaino amakologho nga ga kyuma ekigumu einho. Nga kikaavuula bye kyagaaniriiza, kyabimenhamenha, era kyatyankirira ebifiiseegho n'ebigere byakyo. Kyali nga kyawukana inho ku bisolo bire ebisatu ebyasooka, nga kiri n'amayiga ikumi.

Danieli 7:1

Mu mwaka ogusooka nga kyabazinga Beleshazzari n'afuga Babilonia, Danieli bwe yali ng'alambaire mu buliri bwe yaabonekerwa mu kirooto. Bwe yamala yaaghandiika ekirooto ekyo ng'akoba byonabyona nga bwe byali.

Ezekieli 1:1

Ku lunaku olwokutaanu mu mwezi ogwokuna, mu mwaka ogwamakumi asatu (30), nze Ezekieli kabona mutabane wa Buzi, mu biseera ebyo nali mba ghalala ni banhage banange agho kumpi n'omwiga ogwetebwa Kebari mu Babilonia. Agho eigulu lyaghembuka era naabonekerwa Katonda.

Mika 4:1

Ekiseera kiidha kutuuka, olusozi oluliku eisinzizo lube nga n'olusinga buleeyi mu dhoonadhoona, era nga lusooloobye obusozi bwonabwona. Abantu abamaghanga kamaala balisomboka baidha ku lusozi olwo,

Ezekieli 8:3

Agho yaagolola ekyaboneka okuba ng'oti n'omukono gwe, yaavuunhia enviiri edh'oku mutwe gwange, yambeedera ku nviiri edho naalengeedhera okwo. Era nga nkaali mu kubonekerwa kwa Katonda okwo, omwoyo gwa Katonda gwambeedera mu mpewo gwantwala e Yerusalemu. Gwantuusa ku mulyango ogwingira mu luya olw'eisinzizo olw'omunda olwali ku luuyi olw'omukono omugooda olw'e buvandhuba. Mu luya olwo n'omwali ekifaananie abantu kye baasinzanga ni basungughaza Katonda einho, ni bamuleetera okuba n'enkikidi.

Isaia 14:13

Wakobanga mule oti, ‘Ndidha kuniina mu igulu nte eyo ekityamo kyange eky'obwakyabazinga ere ghaigulu gh'emuunienie dha Katonda. Ndidha kutyama ku lusozi emisambwa lwe gyesolokezaaku, eyo eghala ku luuyi olw'omukono omugooda olw'e buvandhuba.

1 Ebyomubyanda 28:19

Kyabazinga Daudi yaakoba ati: “Ebyo byonabyona biri mu ntegeka eyaghandiikibwa ng'ejiira ku biragiro ebyo, Musengwa Katonda mwene bye yandagira okutuukiriza.”

1 Ebyomubyanda 28:12

Yaamugha n'entegeka ey'enzimba y'ebyo byonabyona bye yayenda okuzimbira ku isinzizo eryo: empya dhaaku, n'ebimante ebyezungulwire empya edho, n'amaterekero g'ebintu eby'okukozesanga mu isinzizo, n'ago ag'okutangamu ebintu ebigheereibwayo okuba ebya Musengwa Katonda.

Ab'e Galatia 4:26

Aye Yerusalemu eky'omu igulu kiziramu bwiru era ni inhaife.

Ebikolwa by'Abatume 16:9

Obwire Paulo yaabonekerwa. Yaabona omuntu ow'omu Makedonia ng'ayemereire nga amweghemba ati: “Somoka e Makedonia otubeere.”

Ebikolwa by'Abatume 2:17

‘Katonda akoba ati ku nkomerero kino n'ekiribaagho: Ndiyugha ku bantu boonaboona Mwoyo wange. Batabane baimwe ni baghala baimwe baliranga ekiribaagho, n'abaisuka baimwe balibonekerwa, n'abakaire mu imwe baliroota ebirooto.

Isaia 48:2

Era mweyeta ba mu kibuga ekitukuvu, abeesiga Katonda wa Isiraeli, eriina lye nga ni Musengwa Katonda Afuga Amagye.

Zabbuli 48:2

Sioni olusozi lwa Katonda luleeyiriri era luboneka bulungi; ekibuga kya kyabazinga omukologho kisanhusa ensi yoonayoona.

Ezekieli 20:40

“Mu kifo eky'okusinza ebyo, mwenamwena mulisinzanga nze Musengwa Katonda waimwe, ku lusozi lwange olutukuvu, olusozi oluleeyi olw'omu nsi Isiraeli. Eyo ye ndibasangaalira, era naasiima ebirabo byaimwe ebisinga kuba birungi, ghalala n'ebigheebwayo byaimwe ebitukuvu.

Ezekieli 37:22

Ndibafuulamu eighanga irala mu nsi eyo, ku nsozi edh'omu Isiraeli. Kyabazinga mulala n'aja okubafuganga boonaboona, nga tibakaali maghanga abiri, waire okweyawulamu okuba obwakyabazinga obubiri.

Ezekieli 41:1

Agho omusaadha yantwala mu kisenge eky'eisinzizo era nga kyetebwa Ekifo Ekitukuvu. Yaapima emyango egy'oku mulyango ogwingirayo, nga gigheza mita isatu isatu ku luuyi ni ku luuyi.

Ezekieli 43:12

Lino n'eiteeka ery'eisinzizo: Ekifo kyonakyona ekyezungulwire eisinzizo agho ku ngulu kw'olusozi, kifo kitukuvu inho. Eryo n'eiteeka ly'eisinzizo.”