Ezekieli 4:3 - Baibuli Ekibono kya Katonda 2014

³ Olwo otoole olubaati, olusimbe lukole ng'ekisenge eky'ekyuma ghagati gh'ekibuga ekyo n'iwe. Omale amaiso go ogalingirize ekibuga ekyo, obe ng'oti bazigu bakizingiiza. Ako n'akanaaba akamanhiso eri eighanga lya Isiraeli.

Ezekieli 4:3 ပူးပေါင်းရင်းမြစ်များ

Isaia 20:3

Musengwa Katonda yaakoba ati: “Omugheereza wange Isaia amaze emyaka esatu ng'atambula madu, okwoleka ebirituuka ku b'e Misiri n'ab'e Ethiopia.

Isaia 22:7

Ebiiko bya Buyudaaya ebisingamu bugimu byaidhula bwa bigaali bya mu lutalo. Abaisirukale ab'oku mbalaasi beesimba ku miryango gy'ekibuga Yerusalemu.

Isaia 8:18

Bona eno, Musengwa Katonda oyo Afuga Amagye era atyama ku kityamo kye ku lusozi Sioni, yatutaagho nze n'abaana bange tube obumanhiso n'ebyamagero mu Isiraeli.

Yeremia 39:1

Mu mwezi ogweikumi ogw'omwaka ogwomwenda nga Zedekia ni kyabazinga wa Buyudaaya, kyabazinga Nebukadinezzari ow'e Babilonia yaidha n'eigye lye lyonalyona, yaalumba Yerusalemu, yaakizingiza okukyezunguluza.

Yeremia 39:2

Ku lunaku olwomwenda olw'omwezi ogwokuna, mu mwaka gwa Zedekia ogweikumi n'omulala nga ni kyabazinga, Abababilonia abo baawomola ekituli mu kimante ky'ekibuga.

Ezekieli 12:11

Bakobe oti ekyo ky'okoze n'akamanhiso k'ebyo ebija okubatuukaku. Balibabinga ewaibwe, baaja mu bunhage.

Ezekieli 12:6

Olwo obibbeedere ku ibega, ofulume mu nzikiiza nga bakubona, oje nga weeghembye mu maiso nga tobona y'oja. Ebyo byonabyona biidha kuba kamanhiso ak'okulabula Abaisiraeli.”

Ezekieli 5:2

Ekitundu ekisooka oidha kukyokera mu kibuga ng'enaku edh'okuzingiza ekibuga ekyo dhiwoireku. Ekitundu ekyokubiri oidha kukigema mu ngalo oje ng'okisalasala n'empiima obukutukutu okwezunguluza ekibuga. Ate ekitundu ekyokusatu ekinaaba kisigairegho, oidha kukisansaaniza mu mpewo ekitwalirize. Nze mwene ndisowolayo empiima mu kiruutu yaaja ng'ebingirira enviiri dho.

Danieli 11:17

“Kyabazinga oyo alikola entegeka, yaidha n'eigye ery'ensi ye lyonalyona nga mumalirivu okulumba. Alikola endagaano ey'emiraala ni kyabazinga w'e Misiri, era yaamugha mughala we amufumbirwe, olw'okwenda okuzikiriza obwakyabazinga bwe. Aye entegeka ye terimuyamba waire okutuukirira.

Abalevi 2:5

“Ekigheebwayo bwe kinaabanga eky'emigaati egikalangiibwa ku lugyo, giidha kubanga gya buwunga obuseereibwa obukalamu nga butabwirwamu omuzigo, aye nga buziramu kizimbulukusa.

Luka 2:34

Simeoni yaabasabira enkabi, ate yaakoba Maria inhina ati: “Ono omwana ateereibwagho olw'okuzikirira n'okuzuukira okw'abangi mu Isiraeli, era abe akamanhiso ak'okutakania.

Abaheburayi 2:4

Ni Katonda mwene yeena yaakakasa ebibono byaibwe ng'akola obumanhiso, n'ebyewuunhio, n'ebyewuninkiriza eby'endhawulo, era ng'agaba n'ebirabo bya Mwoyo Mutukuvu nga bwe yayendanga.