Ezekieli 4:2 - Baibuli Ekibono kya Katonda 2014

² Bw'omala, zimba ku kibuga ekyo ekimante eky'okukizingiza, obunge n'emungo dh'eitaka ku kimante ekyo edh'okuniiniraku okukirwanisa. Bw'omala, okisimbeku weema okukyezunguluza edh'abazigu ab'okukirumba, era okisimbeku n'ebintu eby'okukozesa okuwomola ekimante kyakyo.

Ezekieli 4:2 ပူးပေါင်းရင်းမြစ်များ

2 Samueli 20:15

Abantu abaali ni Yoabu bwe baawulira ng'ali eyo, boonaboona baidha baazingiza ekibuga ekyo Abeli eky'e Bethi Maaka. Baabunga emungo ey'eitaka ey'okuniiniraku baagyazayaza n'ekimante ekigumu ekyezungulwire ekibuga, era baakiguumulaguumula kigwe.

Isaia 22:7

Ebiiko bya Buyudaaya ebisingamu bugimu byaidhula bwa bigaali bya mu lutalo. Abaisirukale ab'oku mbalaasi beesimba ku miryango gy'ekibuga Yerusalemu.

Yeremia 32:24

Bona, Abababilonia babunze ku kibuga emungo ey'eitaka ey'okuniiniraku, nga benda bakirumbe bakigeme. Olw'okuba ghaligho olutalo, n'endhala, n'endwaire ya kawumpuli, Abababilonia abo baidha kusobola okugema ekibuga kino. Era obona nga bye wakoba byonabyona bituukiriire.

Yeremia 33:4

Nze Musengwa Katonda, Katonda wa Isiraeli nkoba nti endhu edh'omu Yerusalemu n'ekisaagaati kya bakyabazinga ba Buyudaaya, bija kumenhebwagho. Nga kino kiidha kuva ku bazigu abaja okubunga emungo dh'eitaka edh'okuniiniraku ekibuga Yerusalemu nga bakirumba.

Yeremia 52:4

Agho ku lunaku olweikumi, mu mwezi ogweikumi, mu mwaka ogwomwenda nga Zedekia n'afuga Buyudaaya, kyabazinga Nebukadinezzari owa Babilonia yaidha n'eigye lyonalyona okulumba ekibuga Yerusalemu. Baakizingiza era baakibungaku emungo y'eitaka ey'okuniiniraku, basobole okukirwanisa.

Yeremia 6:6

Musengwa Katonda Afuga Amagye alagiire bakyabazinga ati: “Muteme emiti gyakyo, mukibungeku emungo ey'eitaka ey'okuniiniraku okukirwanisa. Ekibuga ekyo kiteekwa okubonerezebwa, kuba kiidhwire kutuntuza bantu kwereere.

Ezekieli 21:22

Mperaano agemye akalaso mu mukono gwe omusaadha, ng'akalulu kagwire ku kibuga Yerusalemu. Akalaso ako kamukoba aje akisimbeku ebintu eby'okukozesa okuwomola ekimante kyakyo, akizimbeku ebituuti ebirengererwaku, n'ebintu eby'okukontesa endhigi dh'emiryango gyakyo, era abunge n'emungo dh'eitaka edh'okuniiniraku okukirumba. Olwo akube enduulu edh'omu lutalo, era aite.

Ezekieli 21:27

Ekibuga ekyo ndikizikiriza kyafuuka bifulukwafulukwa, okutuusa oyo ye nhenda okukigha lw'aliidha, ni nkimugha.

Ezekieli 5:2

Ekitundu ekisooka oidha kukyokera mu kibuga ng'enaku edh'okuzingiza ekibuga ekyo dhiwoireku. Ekitundu ekyokubiri oidha kukigema mu ngalo oje ng'okisalasala n'empiima obukutukutu okwezunguluza ekibuga. Ate ekitundu ekyokusatu ekinaaba kisigairegho, oidha kukisansaaniza mu mpewo ekitwalirize. Nze mwene ndisowolayo empiima mu kiruutu yaaja ng'ebingirira enviiri dho.

Danieli 11:15

Agho kyabazinga wa Siria aliidha yaabungisa emungo y'eitaka ku kimante ekigumu ekyezungulwire ekibuga, ey'okuniiniraku okukirwanisa, era yaakigema. Abaisirukale ab'omu igye ly'e Misiri baliba tibakaasobola kulwana. Ni bwebaba bale beene abasingiramu irala okulwana, tibaliba na maani gamala kwongera kulwana.