Ezekieli 38:3 - Baibuli Ekibono kya Katonda 2014

³ Mukobere bino, nze Musengwa Katonda, bye ndi kukoba nti: Bona eno, nze buti nfuuse muzigu y'oli iwe Gogi omufuzi ow'ab'e Mesheki n'ab'e Tubali.

Ezekieli 38:3 ပူးပေါင်းရင်းမြစ်များ

Zabbuli 120:5

Nkagwireku nze, okusenga mu bantu abali ng'oti n'ab'e Mesheki, ni mba mu bantu abali ng'oti n'ab'e Kedari!

Ezekieli 13:8

Kale Musengwa Katonda akoba nti: “Olw'okuba okubonekerwa kwe mukoba mbu mufunie kuba kwa bulimba, n'ebyo bye mulanga byaba bya buguya, mbakyaye era buti nfuuse muzigu ye muli.

Ezekieli 29:3

Mukobe oti, nze Musengwa Katonda ndi kukoba nti: Bona eno, buti nfuuse muzigu y'oli, iwe kyabazinga wa Misiri. Niiwe ogusota ogukologho oguba mu miiga ni gukoba guti, ‘Omwiga Kiyira gwange ku bwange, ninze eyagukola.’

Ezekieli 32:26

“Ensi Mesheki ni Tubali dhiri eyo, n'abaisirukale baadho boona bali eyo mu magombe gaibwe okudheezunguluza. Boonaboona abo abataali bakekete baitirwa mu lutalo. Ate nga bwe baali bakaali balamu baaleeteranga abantu okutya einho mu nsi.

Ezekieli 35:3

Lukobe oti nze Musengwa Katonda, ndi kulukoba nti: Bona eno iwe olusozi Seiri, nze buti nfuuse muzigu y'oli. Era ndigolola omukono gwange naakubonereza, naakuleetera okusigala agho otyo ng'oli bifulukwa byereere omutaba bantu.

Ezekieli 38:2

“Iwe omuntu, amaiso go galingirize Gogi omufuzi ow'ab'e Mesheki n'ab'e Tubali, mu nsi y'e Magogi. Olange akabi akali kumwidhira.

Ezekieli 38:4

Ndikukyusa naakulingiriza ye ndi, naakutunga mu mba dho amalobo era naakukwekwebya, naakutoolayo n'eigye lyo lyonalyona omuli embalaasi, n'abaisirukale ab'oku mbalaasi, boonaboona nga bavaire eby'omu lutalo mu bwidhuvu, nga bali igye ikologho lyene. Era nga bagemye engabo enene n'entono, eno bwe bazunza empiima.