Ezekieli 26:3 - Baibuli Ekibono kya Katonda 2014

³ “Kale ni, nze Musengwa Katonda kyenva ni nkoba nti: Bona eno iwe ekibuga Tiro, buti nze nfuuse muzigu y'oli. Era ndisitula amaghanga kamaala, gaidha gaakulumba ng'oti kwefuukuula kwa nhandha.

Ezekieli 26:3 ပူးပေါင်းရင်းမြစ်များ

Zabbuli 107:25

kuba yalagira empewo ey'amaani, yaaleetera enhandha okwefuukuula einho.

Isaia 5:30

Olunaku olwo bwe lulituuka, baliwologomera mu Isiraeli, ng'oti n'enhandha bw'ewolomboka. Omuntu bw'aliringirira ensi eyo, alibona nzikiiza na nnaku byonka, ng'ebire bikingiriiza omusana, enzikiiza yaidha.

Yeremia 21:13

Mubone eno, imwe abantu ababa mu kiiko. Ndidha kubakolaku waire mugungumala ng'oti ibaale eikologho eriri ku museetwe. Era mukoba mule muti, ‘Naani anaidha okutulumba? Era naani anaatuuka eno ye tuba?’

Yeremia 25:22

bakyabazinga boonaboona ab'e Tiro n'ab'e Sidoni, ni bakyabazinga ab'ebiketezo eby'oku nhandha

Yeremia 50:31

“Iwe ensi Babilonia, weekuluntaza inho. Kale ni, nze Musengwa Katonda Afuga Amagye ndidha kukukolaku. Ekiseera kituuse nze nkubonereze.

Yeremia 50:42

Baligema obulaso n'empiima, nga bakambwe era nga tibasaasira naire. Empindo dhaibwe nga bali ku mbalaasi dhirivuuma ng'oti kuwolomboka kwa maadhi ga nhandha. Balyetegekera olutalo, okulwanisa imwe abantu b'omu Babiloni.

Yeremia 51:42

Enhandha etaalaaliire ku kibuga Babiloni, yaakimira n'amaadhi gaayo agawolomboka nga geefuukuula.

Yeremia 6:23

Bagemye obulaso n'amafumo, bakambwe era tibasaasira naire. Empindo dhaibwe nga bali ku mbalaasi dhivuuma ng'oti kuwolomboka kwa maadhi ga nhandha. Beetegekeire olutalo, okulwanisa imwe abantu b'omu Yerusalemu.”

Ezekieli 21:3

Kobera ensi Isiraeli oti nze Musengwa Katonda ndi kukoba nti: Bona eno, buti nze nfuuse muzigu y'oli, era ndisowola empiima yange mu kiruutu kyayo naita abantu abakulimu, abatuufu n'ababi, naabakumalamu.

Ezekieli 26:19

Musengwa Katonda akoba ati: “Ndikufuula ekibuga ekyonooneibwa ni kifuuka ebifulukwa, olwo waaba ng'ebibuga ebindi ebitakaabaamu bantu. Ndikuyoolookezaaku amaadhi amangi ag'enhandha gaakusandikira.

Ezekieli 27:26

Abaakubanga enkasi dho okukuvuga baakutuusa mu nhandha ghagati. Empewo eva e buvandhuba yaakumenheramenhera eyo ghagati mu nhandha.

Ezekieli 28:22

Okikobere bino, nze Musengwa Katonda, bye ndi kukikoba nti: Bona eno iwe ekibuga Sidoni, buti nfuuse muzigu y'oli, era abantu balisaaka ekitiisa kyange olw'ebyo bye ndikola mu imwe. Bwe ndyoleka nga bwendi omutukuvu, ni nsalira abo abakubaamu omusango era ni mbabonereza, olwo balimanha nga ninze Musengwa Katonda.

Ezekieli 29:10

bona eno, buti nfuuse muzigu y'oli era naafuuka muzigu n'eri emiiga gyo. Ndikuleetera okusigala obwagho otyo ng'oli bifulukwa byereere, okuva e Migidoli okutuuka e Siyene, n'okutuukira irala ku nsalosalo ni Ethiopia.

Ezekieli 38:3

Mukobere bino, nze Musengwa Katonda, bye ndi kukoba nti: Bona eno, nze buti nfuuse muzigu y'oli iwe Gogi omufuzi ow'ab'e Mesheki n'ab'e Tubali.

Ezekieli 5:8

Kale ni mubone eno, buti nze Musengwa Katonda waimwe, zeena ndi muzigu ye muli, era ndibasalira imwe omusango naababonereza ng'abamaghanga agabeezungulwire boonaboona babona.

Mika 4:11

Amaghanga kamaala geesoloiza okubalumba, nga gakoba gati: “Yerusalemu kizikirizibwe, tukibone nga kisigaire bifunfugu byereere.”

Nahumu 2:12

Empologoma ensaadha yakankanulanga emamba emala abaana baayo, era yaayiigiranga enkazi dhaayo ensolo, yaidhuza mu mpuku dhaayo.

Nahumu 3:5

Musengwa Katonda afuga amagye akoba ati: “Bona eno, buti nze nfuuse muzigu y'oli iwe Nineve. Nja kukughembula, amaghanga gakwerolere ng'oli madu, gabone bw'oswala.

Zekaria 14:2

Musengwa Katonda akoba ati alisoloza abantu b'amaghanga goonagoona, baalumba Yerusalemu mu lutalo. Balikighangula, baanhagulula ebintu mu mayumba, era baagema abakazi baabakaka. Ekitundu ku bantu baamu balitwalibwa mu bunhage, aye abalisigalagho tibalitoolebwa mu kibuga.

Zekaria 9:4

Aye bona eno, Musengwa Katonda alikitoolaku ebintu byakyo byonabyona, yaawoloba obukombe bwakyo mu nhandha. Era omuliro gulyokya ekibuga ekyo gwakisaaniagho.

Luka 21:25

“Ghalibaagho obumanhiso ku ndhuba, ku mwezi ni ku muunienie, ate ku nsi ghalibaagho okweraliikirira mu maghanga, n'okusoberwa olw'okuduma okw'amayengo n'enhandha.