Ezekieli 22:3 - Baibuli Ekibono kya Katonda 2014

³ Kobera ekibuga ekyo oti nze Musengwa Katonda ndi kukoba nti: Olw'okuba waita abantu bo kamaala ababa mu iwe, era weeyonoona n'okusinza ebitali Katonda, ekiseera kyo kiri kwidha.

Ezekieli 22:3 ပူးပေါင်းရင်းမြစ်များ

2 Bakyabazinga 24:3

Bwenebwene Musengwa Katonda n'eyalagira kibe kityo, abantu b'omu Buyudaaya baghange okutoolebwa mu maiso ge, olw'ebibi byonabyona Manasse bye yakola,

2 Bakyabazinga 24:4

n'olw'abantu abaziraku musango Manasse oyo be yaita kuba yaidhuza Yerusalemu omusaayi gw'abantu be yaitira obwereere. Musengwa Katonda nga taghanga kusonigha Manasse oyo olw'ekyo.

Zabbuli 106:39

Batyo beene beereetaku okuba aboonoonefu olw'ebikolwa byaibwe ebyo, era baava ku Katonda.

Isaia 1:21

Kyewuunhisa okubona ng'ekibuga ekyalinga ekyesigwa, kifuuse ng'oti malaaya. Ate nga kyaidhulangamu abantu abakola amazima, era kyabangamu abantu abatuufu. Aye mperaano kirimu batemo beereere.

Ezekieli 12:25

Nze Musengwa Katonda mwene, ninze ndidha okwogeranga, era nga kye nkoba kituukirizibwa. Tighaabengagho kulwisa naire. Kye nnaayogeranga mu biseera byaimwe, imwe abadheemu, ndidha kukituukirizanga. Nze Musengwa Katonda ninze nkobye.”

Ezekieli 22:2

“Iwe omuntu, onaasala omusango? Onaasalira ekibuga ekyo omusango ekiidhwire abatemo? Kale ni kimanhise ebyenhinhalwa byonabyona bye kikola.

Ezekieli 22:27

Abakulembeze baamu bali ng'oti misege egikankanula kye gigemye. Baita abantu baabazikiriza, basobole okutwala ebintu byaibwe, bakombaghale.

Ezekieli 22:4

Waiza omusango ogw'obutemo olw'okwita abantu kamaala batyo, era weeyonoona n'ebifaananie ebisinzibwa ebitali Katonda bye wakola. Olwo waaleetera olunaku lwo okutuuka amangu n'ekiseera kyo okuwaaku. Kyenava ni nkuleka okuvumibwa amaghanga, n'okunhoomebwa ensi dhoonadhoona.

Ezekieli 22:6

“Bona eno, abakulembeze ab'omu Isiraeli ababa mu iwe, baita abantu nga bakozesa obukumu bwaibwe.

Ezekieli 23:37

Baakola obwenzi era baatemula. Baakola obwenzi nga basinza ebitali nze Katonda, baaghaayo n'abaana baibwe beene be banzaalira, baabookya ng'emisengo eri ebisinzibwa ebyo.

Ezekieli 23:45

Aye abantu abakola ebituufu balibasalira emisango, ogw'obwenzi n'ogw'obutemo, gyombi gyabasinga kuba benzi era batemo.”

Ezekieli 23:7

Ohola oyo yalaaya ku buli musaadha Mussiria yeenayeena eyali asinga kuboneka bulungi. Era okwefuluguta nabo einho kwamuleetera okweyonoona ng'asinza ebisinzibwa byaibwe byonabyona ebitali Katonda.

Ezekieli 33:25

“Agho ni bakobere oti nze Musengwa Katonda nkoba nti: Mulya emamba ng'ekaalimu n'omusaayi gwayo, mwasinza ebintu ebisinzibwa ebitali nze Katonda, era mwatemula abantu. Era mwalowooza muti mulitwala ensi eno yaaba yaimwe?

Ezekieli 9:9

Katonda oyo yandhiramu ati: “Ebibi eby'eighanga Isiraeli ni Buyudaaya bibitiriire obungi. Ensi yaibwe eidhwire ebikolwa eby'obutemo, n'ekibuga kyaidhula obutajiira ku mazima. Bakoba bati, ‘Musengwa Katonda yalekulira agho ensi yaife, era tatubona.’

Mika 3:10

Muzimba Yerusalemu ekibuga kya Katonda nga mukozesa ebyo bye mufuna mu kutemula, ni mu magira agandi agatali matuufu.

Zefania 3:3

Abakungu mu kibuga omwo bali oti mpologoma edhiwologoma. Abalamuzi baamu baaba ng'oti n'emisege egiyiiga eigulo nga giri ndhala inho, ni gitalekaagho kagumba kusigala kubonebwaku nga bukyeire.

Ab'e Roma 2:5

Aye nga bw'oli n'omwoyo omukalangufu ogutenda kwenenia, weereeteire mwene omusango n'obukambwe ku lunaku Katonda lw'aliragiraku obusungu bwe, nga asala omusango aghazira kusaliriza.

2 Petero 2:3

Era olw'amairu gaibwe ag'okufuna, balifuna mu imwe amagoba nga bakozesa ebibono eby'obuguya. Katonda yamala ira okubasalira omusango, era aja kubazikiriza nga bwe yategeka.