Ezekieli 2:9 - Baibuli Ekibono kya Katonda 2014

⁹ Naja okulinga nti, nga mbona omukono ogusonse ye ndi. Era okuja okwetegereza nga mbona gugemye enzingo ey'ekitabo erimu ebighandiikiibwaku.

Ezekieli 2:9 ပူးပေါင်းရင်းမြစ်များ

Yeremia 1:9

Agho Musengwa Katonda yaagolola omukono gwe, yangema ku munwa. Yankoba ati: “Bona eno, nkutaire mu kanwa mwo, ebibono byange by'onaayogera.

Yeremia 36:2

“Toola enzingo y'ekitabo oghandiikemu ebintu byonabyona bye nkukobeire ebigema ku Isiraeli, ni ku Buyudaaya, ni ku maghanga agandi goonagoona. Ghandiika ebintu byonabyona bye mbairenga nga nkukobera okuviira irala ku lunaku lwe natoolera okwogera n'iwe, nga Yosia ni kyabazinga, okutuusa olwaleero.

Yeremia 36:4

Kale naayeta Baruku mutabane wa Neria. Naayogeranga, eno nga bw'aghandiika mu nzingo y'ekitabo bye ndhogera, ebyo byonabyona Musengwa Katonda bye yankoba.

Ezekieli 3:1

Agho Katonda yankoba ati: “Iwe omuntu, lya enzingo ey'ekitabo eyo ekugheereibwa, omale oje oyogere n'abantu b'omu Isiraeli.”

Ezekieli 8:3

Agho yaagolola ekyaboneka okuba ng'oti n'omukono gwe, yaavuunhia enviiri edh'oku mutwe gwange, yambeedera ku nviiri edho naalengeedhera okwo. Era nga nkaali mu kubonekerwa kwa Katonda okwo, omwoyo gwa Katonda gwambeedera mu mpewo gwantwala e Yerusalemu. Gwantuusa ku mulyango ogwingira mu luya olw'eisinzizo olw'omunda olwali ku luuyi olw'omukono omugooda olw'e buvandhuba. Mu luya olwo n'omwali ekifaananie abantu kye baasinzanga ni basungughaza Katonda einho, ni bamuleetera okuba n'enkikidi.

Danieli 10:10

Naja okuba agho ng'omukono gungemaku okunsitusa, naaba ku bivu byange nga nsimbye amakono gange ghansi, era nga ndi kudhugumira.

Danieli 5:5

Baaja okulinga bati nga babona omukono ogw'omuntu oguli kughandiika ku seminti ye baakuba ku kimante eky'ekisaagaati kya kyabazinga. Omukono ogwo gwali guli kughandiika gha mberi gh'ekikondo eky'entaala, era kyabazinga yaabona bukalamu nga guli kughandiika.

Zekaria 5:1

Kabiri naafuna okubonekerwa okundi, era okuja okulinga nti nga mbona enzingo y'ekitabo, ng'eri kugulukira mu ibbanga.

Zekaria 5:3

Agho yankoba ati: “Mu nzingo y'ekitabo eyo mwaghandiikibwamu ekikolimo ekija okugema ensi yoonayoona. Olwo kibe nti omuntu yeenayeena anaibanga baidha kumutoolanga mu nsi eno, n'omuntu yeenayeena anaalayiranga eby'okusubagha, yeena bamutoolenga mu nsi eno.

Abaheburayi 10:7

Kye nava ni nkoba nti, ‘Katonda wange, ndidhie okukola ky'oyenda, ng'ekyaghandiikibwa bwe kindhogeraku mu nzingo y'ekitabo.’ ”