Ezekieli 2:7 - Baibuli Ekibono kya Katonda 2014

⁷ Oidha kubakobera bye ndi kukutuma okubakobera, oba bawulirisa oba tibawulirisa.

Ezekieli 2:7 ပူးပေါင်းရင်းမြစ်များ

Yeremia 23:28

Omulanzi aloose ekirooto agwaine akobe ati ekyo kirooto bulooto. Ate omulanzi afunie obukwenda okuva ye ndi agwaine alangirire obukwenda obwo n'obwesigwa. Omusiisi guba mulungi ng'engaano yeene?

Ezekieli 3:17

“Iwe omuntu, nkutairegho obe omukuumi ow'abantu b'omu Isiraeli. Buli lw'onaawuliranga bye nkoba, ng'olwo oja obatuusaaku okulabula kwange kwe nnaabanga nkutumye.

Ezekieli 3:10

Era Katonda oyo yankoba ati: “Iwe omuntu, tega kutu owulire byonabyona bye nja okukukoba era obiteeku omwoyo.

Ezekieli 2:5

Oba abadheemu abo bakuwulirisa oba tibakuwulirisa, aye era balimanha nga ghaalighooku omulanzi eyababaamu.

Yeremia 1:7

Aye Musengwa Katonda yankoba ati: “Otakoba oti okaali muto inho. Aye oidha kuja eri abantu eyo yoonayoona ye nnaakutuma, obakobere byonabyona bye nnaakulagira okwogera.

Yeremia 1:17

Iwe mperaano situkiramu, weesibe weenhweze, oje obakobe ebyo byonabyona bye nnaakulagira okubakoba. Otabatya naire, tiikulwa nga nkutiisa nga bali kubona, ng'ojiire ye bali.

Matayo 28:20

nga mubeegeresa okugema byonabyona bye nabalagira, era mwidhukire nga nze ndi n'imwe enaku dhoonadhoona okutuusa ku nkomerero ey'ensi.”

Yona 3:2

“Situkiramu oje eri abantu ab'omu kibuga Nineve, ekibuga ekikologho ekyo, obakobere obukwenda bwe nakukoba.”

Yeremia 26:2

Musengwa Katonda yankoba ati: “Yemerera mu luya olw'eisinzizo, olangirire ebyo byonabyona bye nkulagira okukobera abantu abaidha okusinza, nga bava mu bibuga bya Buyudaaya. Ghatabaagho ky'olekayo naire ekirala kiti.

Yeremia 7:27

“‘Kale ni, iwe Yeremia, oidha kubakobera ebibono bino. Aye era tibaidha kukuwulirisa. Ni bw'onaabeeta, tibaidha kuvugira.

Yeremia 17:20

Koba bakyabazinga n'abantu ab'omu Buyudaaya boonaboona, ni boonaboona ababa mu Yerusalemu abaingirira mu miryango egyo, bawulire bye nkoba.

Yeremia 36:14

Agho abakungu abo baatuma Yehudi mutabane wa Nethania, era nga mwidhukulu wa Shelemia, era nga mwidhukulu wa Kushi, aje akobe Baruku abaleetere enzingo y'ekitabo ye yasomera abantu. Baruku yaagibaleetera.

Yeremia 42:21

Aye waire nga mpegaano nze ndi kubaidhukiza, imwe muli kudheemera byonabyona Musengwa Katonda waife bye yantuma okubakobera.

Ezekieli 11:25

Naakobera abaali mu bunhage ebintu byonabyona Musengwa Katonda bye yandholeka.

Ezekieli 12:2

“Iwe omuntu, oli mu bantu abadheemu, abali n'amaiso aye nga tibabona era abali n'amatu aye nga tibawulira, olw'okuba badheemu.

Ezekieli 20:27

“Agho ni, iwe omuntu, yogera n'ab'eighanga Isiraeli, obakobe oti nze Musengwa Katonda ndi kubakoba ati: Eyo n'eyindi ku ngeri badhaadha baimwe dhe baanhoomangamu nze Musengwa Katonda, era ni balobanga okuba abeesigwa ye ndi.

Ezekieli 33:7

“Kale, iwe omuntu, ndi kukufuula omukuumi mu ighanga lya Isiraeli. Buli lw'onaawuliranga okulabula okuva ye ndi, oidha kukubatuusangaku.

Ezekieli 40:4

Omusaadha oyo yankoba ati: “Iwe omuntu, lingirira weekalirise bye nja okukwoleka, obitegere amatu, era obiteeku omwoyo kuba ekyo n'ekikuleeteisa ghano mbikwoleke. Bw'onaamala, byonabyona oidha kubikobera ab'eighanga Isiraeli.”

Amosi 3:13

Musengwa Katonda afuga amagye akoba ati: “Muwulire bino era mulabule baidhukulu ba Yakobo:

Okuvaayo 6:29

Musengwa Katonda oyo yakoba Musa ati: “Ninze Musengwa Katonda. Kobera kyabazinga ow'e Misiri, byonabyona bye nkukoba.”

Yeremia 6:28

Boonaboona badheemu era bampwitu. Baja nga basalaganaku ebibono. Emyoyo gyaibwe mikalangufu ng'oti kyuma kya kikomo era ng'oti n'ekyuma ekigumu einho. Era boonaboona bakupankupania.

Yeremia 34:6

Kale nze naaja, naakobera kyabazinga Zedekia obukwenda obwo ng'ali mu Yerusalemu.

Yeremia 44:20

Agho naakoba abasaadha boonaboona n'abakazi boonaboona abandhiramu batyo, nti:

Ezekieli 3:4

Katonda oyo yankoba ati: “Iwe omuntu, ja y'abantu b'omu Isiraeli obakobere bye nja okukukoba.