Ezekieli 2:4 - Baibuli Ekibono kya Katonda 2014

⁴ Bali n'empwitu era tibantaamu kanhagansi naire. Kale ndi kukutuma ye bali, obakobere nze Musengwa Katonda bye ndi kubakoba.

Ezekieli 2:4 ပူးပေါင်းရင်းမြစ်များ

1 Bakyabazinga 22:14

Aye Mikaia yaakoba ati: “Ndayira mu Musengwa Katonda omulamu nti, ndidha kwogera ekyo Musengwa Katonda oyo ky'anankoba okwogera.”

2 Ebyomubyanda 30:8

Era mulobe kuba na mpwitu ng'oti ni badhaadha baimwe, aye mwegheeyo eri Musengwa Katonda, mwingire mu isinzizo lye, lye yatukuza ebyanda n'ebyanda. Mugheerezenga Musengwa Katonda waimwe, olwo alekere agho okuboolekeza obusungu bwe obubitiriire.

2 Ebyomubyanda 36:13

Zedekia era yaadheemera ni kyabazinga Nebukadinezzari, eyali amaze okumulayiza mu Katonda, ng'ali n'okuwuliranga ebiragiro bya Nebukadinezzari oyo. Aye Zedekia oyo yaakola bwa mpwitu era yaakalangusa omwoyo gwe, yaaloba kwenenia kwira eri Musengwa Katonda, Katonda wa Isiraeli.

Zabbuli 95:8

Akoba ati: “Mulekere agho okukalangusa emyoyo gyaimwe nga badhaadha baimwe bwe baakola nga bali e Meriba. Ku lunaku olwo nga bali e Massa mu irungu,

Ensambo 21:29

Omuntu omubi yeekazakaza mu maiso, aye omwesimbu aba mukakafu mu by'akola.

Isaia 48:4

Namanha nga bwe muli ab'empwitu, abali n'emyoyo emibbalangafu ng'oti n'ekyuma ekigumu einho, era abali n'ebirowoozo ebikalangafu ng'oti n'ekyuma ky'ekikomo.

Yeremia 1:7

Aye Musengwa Katonda yankoba ati: “Otakoba oti okaali muto inho. Aye oidha kuja eri abantu eyo yoonayoona ye nnaakutuma, obakobere byonabyona bye nnaakulagira okwogera.

Yeremia 3:3

Amaadhi amasambya kye gaviire ni gatagwa, n'amatoigo goona ni gasibibwa. Aye ate mwekazakaza mu maiso nga bamalaaya beene, mwaloba na kuswala.

Yeremia 36:21

Kyabazinga yaatuma Yehudi okunona enzingo y'ekitabo eyo. Yehudi yaaja yaagitoola mu kisenge kya Elishama, yaagisomera kyabazinga n'abakungu boonaboona abaali beemereire agho okumwezungulula.

Yeremia 5:3

Wo Musengwa Katonda, bwenebwene iwe onoonia mazima. Wabakuba aye baaloba kuwulira, waabatyankatyanka kwenda kubazikiriza, aye baaloba kweiraku. Baakalangusa emyoyo gyaibwe okusinga n'olubaale baaloba kwenenia naire.

Yeremia 6:15

Bandibaire baswalanga nga bakoze ebyenhinhalwa! Aye busa naire, tibaswala waire akatono kati. N'ensoni tidhibagemaku naire. Kale ni kyebaliva ni baghangulwa ng'oti n'abandi bwe baaghangulwa, era ni bazikirira lwe ndiidha okubonereza. Nze Musengwa Katonda, ninze nkobye.”

Yeremia 8:12

Bandibaire baswalanga nga bakoze ebyenhinhalwa! Aye busa naire, tibaswala waire akatono kati. N'ensoni tidhibagemaku naire. Kale ni kyebaliva ni baghangulwa ng'oti n'abandi bwe baaghangulwa, era ni bazikirira lwe ndiidha okubonereza. Nze Musengwa Katonda, ninze nkobye.”

Ezekieli 3:11

Memale olwo oje ye Baisiraeli baino abali mu bunhage, obakobere ebyo nze Musengwa Katonda bye nhenda okubakoba, oba bakuwulirisa oba tibakuwulirisa.”

Ezekieli 3:27

Aye bwendiiramu okwogera niiwe, ndisimulula olulimi lwo, waabakobera nze Musengwa Katonda bye nhenda okubakoba. Abo abalyenda okuwulirisa baliwulirisa ate abatalyenda kuwulirisa balirekayo; kuba eighanga eryo lya bantu badheemu.”

Ezekieli 3:4

Katonda oyo yankoba ati: “Iwe omuntu, ja y'abantu b'omu Isiraeli obakobere bye nja okukukoba.

Ezekieli 3:7

Aye ab'eighanga lya Isiraeli tibaidha kukuwulirisa, kuba tibenda kuwulira nze bye mbakoba, olw'okuba ba mpwitu era baakalanguka emyoyo.

Amosi 7:15

Eyo Musengwa Katonda ye yantoola ku gw'okwaya ensolo, yankoba ati, ‘Ja olange eri abantu bange Abaisiraeli.’

Zekaria 7:12

Baakalangusa emyoyo gyaibwe ng'oti ibaale, baaloba kujiira ku mateeka na biragiro, nze Musengwa Katonda Afuga Amagye bye nabagha nga mbita mu balanzi abaaligho mu biseera eby'eira. Kyenava ni mbasungughalira ekibitiriire,

Matayo 10:16

“Bona, ndi kubatuma, nga muli oti ntaama ghagati mu misege. Kale ni mube bakabwidhibwidhi ng'emisota, ng'ate muli bawolu ng'oti njiibwa.

Amateeka Agokubiri 10:16

Kale ni mubenga bawulize y'ali, mulekere agho okubanga n'empwitu,

Amateeka Agokubiri 31:27

Ndidhi bukalamu nga bwe bali abadheemu era ab'empwitu. Kuba oba nga badheemera Musengwa Katonda mpegaano nga nkaali mulamu, memale olwo tibalisinzaagho kumudheemera nga mmaze okufa?