Ezekieli 2:2 - Baibuli Ekibono kya Katonda 2014

² Amamiro ago bwe gaali gali kwogera ninze, omwoyo gwa Katonda gwandidhaku, gwanginga gwanhemereza ku magulu gange. Naawulira ng'amamiro gali kwogera ninze,

Ezekieli 2:2 ပူးပေါင်းရင်းမြစ်များ

Nehemia 9:30

Waabaguminkiriza emyaka kamaala, era waata omwoyo gwo mu balanzi bo baje babalabule, aye nga basembye amatu gaibwe. Kyewava n'obaghaayo mu ngalo edh'abamaghanga agandi.

Ezekieli 11:5

Agho omwoyo gwa Musengwa Katonda gwandhikaku, Musengwa Katonda yankoba ati: “Yogera oti Musengwa Katonda akoba ati imwe abantu Abaisiraeli, nze ndidhi bukalamu bye mulowooza.

Ezekieli 24:3

Kale ni ja okobere eighanga eryo eidheemu olugero, oti Musengwa Katonda akoba ati: Ta sefuliya ku muliro, giteeku omale ogifukemu amaadhi.

Ezekieli 3:12

Agho omwoyo gwa Katonda gwambeeda, ekitiisa kya Musengwa Katonda kyasituka nga kiva mu kifo kyakyo, era naawulira emugongo wange omuvuuma oguli ng'oti kugugumuka kwa musisi ow'amaani einho.

Ezekieli 3:14

Omwoyo gwa Katonda gwambeeda gwantwala, naaja nga ndiku obusungu n'enaku, era amaani ga Musengwa Katonda gandidhaku mangi inho.

Ezekieli 3:24

Aye omwoyo gwa Katonda gwandidhaku, gwansitusa gwanhemereza ku magulu gange, era gwayogera ninze. Gwankoba guti: “Ja weigalize mu ndhu yo.

Ezekieli 36:27

Ndibataamu omwoyo ogwange, naabaleetera okujiira ku mateeka gange, nga mukola bye mbalagira.

Danieli 8:18

Bwe yali ali kwogera ninze, nze neeyala agho ku itaka nga neefundiike, endoolo enhingi einho dhangema. Aye yangemaku yaanhemereza ku magulu gange.

Okwolekebwa 11:11

Aye enaku eisatu n'ekitundu bwe dhaabitagho, Katonda yaabafuuwamu omuuka ogw'obulamu, baayemerera. Abaababona baatya inho.

Abalamuzi 13:25

Omwoyo gwa Musengwa Katonda gwatoolera okumugha amaani ng'ali ghagati gh'e Zora n'e Eshitaolo mu Mahanehedani.

1 Samueli 16:13

Samueli yaatoola eiyiga eryalimu omuzigo, yaamusiiga omuzigo nga baganda be babona. Omwoyo gwa Musengwa Katonda gwaidha ku Daudi n'amaani okuva ku lunaku olwo n'okweyongerayo. Samueli yaasituka yaaja e Rama.