Ezekieli 13:3 - Baibuli Ekibono kya Katonda 2014

³ Musengwa Katonda akoba ati: “Abalanzi abo abasiru bakagwireku, abajiira ku bye bayiiyiiza obuyiiye beene nga ghazira na kubonekerwa kwonakwona kwe bafunie.

Ezekieli 13:3 ပူးပေါင်းရင်းမြစ်များ

Ensambo 15:14

Omuntu omutegeevu anoonenkereza okufuna amagezi, aye omusiru awulira nga obusiru bumumala.

Ensambo 15:2

Omugezi ayogera ebigwaniire, aye omusiru alokompoka busiru bwereere.

Yeremia 23:1

Bakagwireku abakulembeze abo abasansaania abantu ba Musengwa Katonda ni babazikiriza.

Yeremia 23:16

“Agho Musengwa Katonda Afuga Amagye yaakoba abantu b'e Yerusalemu ati: ‘Mutawulirisa balanzi bye babakoba, nga babasuubiza ebizirayo. Ebyo bye babakobera babiyiiya buyiiye mu myoyo gyaibwe, se ti ebyo nze bye mbakoba.

Yeremia 23:9

Omwoyo gumpoiremu, zeenazeena ndi kudhugumira budhugumire, ku lwa Musengwa Katonda, ni ku lw'ebibono bye ebitukuvu. Ndi ng'oti n'omuntu atamiire, omuntu abitiriiza okunhwa omwenge.

Yeremia 28:15

Agho naakobera Hanania ebintu ebyo, era naayongeraku ni kino nti: “Wulira iwe Hanania, Musengwa Katonda ti n'eyakutuma. Oli kuleetera bwa bantu bano kwesiga bya buguya.

Okulira 2:14

Abalanzi baimwe, mu kifo eky'okubakobera okubonekerwa okuva ewa Katonda, baabakoberanga bya buguya, ebibi byaimwe baabighembaku bughembe okubafiiriza enkabi. Obukwenda obuva ye Katonda baabubakobera mu busobu, bwabaleetera okudaaliima.

Ezekieli 13:18

obakobe oti nze Musengwa Katonda ndi kubakoba, nti mukagwireku imwe abakazi abatungira buli muntu eyirizi edh'okuvaala ku mikono n'ebitambaala eby'okwesiba ku mitwe ebya buli nsambo, basobole okufuga obulamu obw'abantu abandi. Mwenda okuba n'obuyinza okufuga obulamu bw'abantu bange, imwe muganhulwe.

Ezekieli 13:4

Imwe Abaisiraeli, abalanzi baimwe bali ng'oti bwa bibe ebiri mu bifunfugu.

Ezekieli 34:2

“Iwe omuntu, langirira akabi akali kwidhira abakulembeze b'omu Isiraeli. Langa obakobere nze Musengwa Katonda bye ndi kubakoba nti: Mukagwireku imwe abakulembeze b'omu Isiraeli. Muligho kweigusa beene nga timulabirira ntaama dhe mwaya.

Hosea 9:7

Ekiseera eky'okubonerezebwa kituuse, ekiseera ekya buli muntu okufuna ekimusaana. Mulikoba muti: “Omulanzi ono musiru,” era muti: “Omuntu ono aliku omwoyo gwa Katonda, mulalu.” Mukoba mutyo, kuba ebibi byaimwe bingi inho, n'obukyayi bwe muli nabwo bubitirivu.

Zekaria 11:15

Agho Musengwa Katonda yankoba ati: “Kabiri fuuka mwayi wa ntaama, aye ku luno fuuka mwayi wa ntaama azira ky'agasa naire

Luka 11:40

Abasiru imwe, eyakola ku ngulu ti n'eyakola ni munda?

Luka 11:52

“Mukagwireku imwe Abeegeresa b'Amateeka, kuba mwatoolagho ekisumuluzo eky'okumanha! Imwe beene timwangira ate mwalobera n'abandingiire.”

1 Ab'e Korintho 9:16

Bwe nkobera abantu Amawulire Amalungi ekyo tikindeetera kwenhumiriza, kuba era nteekwa buteekwe okubakobera, era mba nga nkagwireku bwentakobera bantu Mawulire Amalungi.

1 Timotheo 6:4

yeepanka era azira ky'aidhi. Yeemalira mu kutakana na kusoola olw'ekibono kino oba kire. Omwo n'omutanuka ensaalwa, obutaisania, okuvumagana, okulowookeza abandi ebiziragho

2 Timotheo 3:9

Aye tibaidha kutuuka ghala, kuba buli muntu aidha kubona obusiru bwaibwe ng'oti n'obwa Yanne ni Yambure bwe bweyoleka.