Ezekieli 10:3 - Baibuli Ekibono kya Katonda 2014

³ Mu kiseera ekyo, bikerubi byali byemereire ku luuyi olw'omukono omusaadha olw'e buvandhuba olw'eisinzizo. Omuntu oyo bwe yangira mu isinzizo, ekire kyagema woonawoona mu luya olw'omunda.

Ezekieli 10:3 ပူးပေါင်းရင်းမြစ်များ

Amainhama 3:24

yaamubingira kuliya. Ku luuyi olw'enimiro olw'e buvandhuba yataayo ebitonde ebiri n'amaghagha ebyetebwa kerubi, era n'empiima eyaka, era ng'ekyukira ku ndhuyi dhoonadhoona okukuumanga engira eja ku muti ogw'obulamu.

Okuvaayo 25:18

Era mukole ebifaananie bibiri eby'ebitonde ebiri n'amaghagha ebyetebwa kerubi, nga mubikola mu zaabu, bibe ku ndhuyi dhombi edh'ekisandikiza eky'esanduuku eyo.

Ezekieli 43:4

Okumesunkana okw'ekitiisa kya Musengwa Katonda kwangira mu isinzizo nga kubitira mu mulyango ogwalingiriranga ku luuyi olw'e buvandhuba.

Ezekieli 46:1

Musengwa Katonda era yaakoba ati: “Omulyango ogwingira mu luya olw'omunda ogulingiriire ku luuyi olw'e buvandhuba gwidha kubanga mwigale mu nnaku omukaaga dhe bakoleraku emirimo. Aye gwidha kwigulwanga ku lunaku lwa Sabbato, ni ku lunaku olw'okuboneka kw'omwezi.

Ezekieli 8:16

Kabiri yantwala mu luya olw'omunda olw'eisinzizo lya Musengwa Katonda. Okuja okulinga nti nga mbona gha mulyango ogw'eisinzizo eryo erya Musengwa Katonda, ghagati gh'ekisasi ni alutaari, nga ghaligho abantu ng'oti amakumi abiri na bataanu (25). Baali nga bakubye eisinzizo lya Musengwa Katonda omugongo, nga balingiriire e buvandhuba, era nga bali kusinza endhuba eri kuvaayo.

Ezekieli 8:3

Agho yaagolola ekyaboneka okuba ng'oti n'omukono gwe, yaavuunhia enviiri edh'oku mutwe gwange, yambeedera ku nviiri edho naalengeedhera okwo. Era nga nkaali mu kubonekerwa kwa Katonda okwo, omwoyo gwa Katonda gwambeedera mu mpewo gwantwala e Yerusalemu. Gwantuusa ku mulyango ogwingira mu luya olw'eisinzizo olw'omunda olwali ku luuyi olw'omukono omugooda olw'e buvandhuba. Mu luya olwo n'omwali ekifaananie abantu kye baasinzanga ni basungughaza Katonda einho, ni bamuleetera okuba n'enkikidi.

Ezekieli 9:3

Agho okumesunkana okw'ekitiisa kya Katonda wa Isiraeli kwasituka, kwava ku bitonde eby'amaghagha ebyetebwa kerubi kwe kwali kuli, kwaja ku mulyango ogw'eisinzizo. Musengwa Katonda yaayeta ole eyali avaire engoye empegheevu era ng'ali n'ebintu eby'okughandiikisa.