Ezekieli 10:2 - Baibuli Ekibono kya Katonda 2014

² Katonda yaakoba omuntu eyali avaire engoye empegheevu ati: “Ja ghagati mu nkede edhiri kwezungulula ghansi agh'ebitonde bikerubi, oyoole amanda agaidhula engalo dho agaliku omuliro, oje ogamansire ku kibuga.” Omuntu oyo yaaja nga ndi kubona.

Ezekieli 10:2 ပူးပေါင်းရင်းမြစ်များ

2 Bakyabazinga 25:9

Yaayokya eisinzizo lya Musengwa Katonda, n'ekisaagaati kya kyabazinga, n'ebizimbe byonabyona ebikologho eby'omu Yerusalemu.

Zabbuli 140:10

Omuliro ogw'amanda ka gubamagalikeku gubasiriize, basuulibwe mu biina eyo ye batasobola kuva.

Zabbuli 18:10

Yaika ng'ali ku kitonde ekiri n'amaghagha ekyetebwa kerubi, era nga kiri kuguluka naye, yaaziinhuukira mu mpewo.

Okuvaayo 25:18

Era mukole ebifaananie bibiri eby'ebitonde ebiri n'amaghagha ebyetebwa kerubi, nga mubikola mu zaabu, bibe ku ndhuyi dhombi edh'ekisandikiza eky'esanduuku eyo.

Isaia 30:30

Musengwa Katonda alireetera abantu boonaboona okuwulira amamiro ge ag'ekitiisa, n'okubona omukono gwe ogubonereza nga gwika. Ghalibaagho enimi edh'omuliro oguzikiriza buli kiri mu ngira yaagwo, era ghaabaagho okughemya n'okutyabuka kw'olukuba, ni kiwunga, n'amaadhi agalimu amabaale ag'omugozi.

Ezekieli 1:13

Ghagati agh'ebitonde ebiramu ebyo ghaaligho ebintu ebyaboneka ng'oti manda agaliku omuliro, oba ng'oti bisiki ebiri kwaka. Ebintu ebyo byali nga biri kutambula bwe biira eno n'ere ghagati mu bitonde ebiramu ebyo. Era omuliro ogwo nga guli kumalanga gwayaka inho, gwavaamu okumyansa ng'oti kwa lukuba.

Ezekieli 10:16

Bikerubi ebyo bwe byagulukanga ni bija, nga n'enkede dhoona dhijiira ghalala nabyo. Bwe byayandhuluzanga amaghagha gaabyo ni biva ku itaka, nga n'enkede dhoona dhija nabyo.

Ezekieli 9:11

Agho omuntu ole eyali avaire engoye empegheevu era ng'ali n'ebintu eby'okughandiikisa, yaiza obukwenda bwe ati: “Nkoze nga bw'ondagiire.”

Danieli 7:9

Nali nkaalingirira ebyo, baataagho ebityamo eby'obwakyabazinga. Oyo eyaligho okuva eira n'eira yaatyama ku kindi ku bityamo ebyo. Ebivaalo bye byali byeru ng'oti mugozi, n'enviiri dhe dhaaba ndheru ng'oti buviiri bwa ntaama. Ekityamo kye ekyo nga kiriku enkede edhivaaku omuliro, n'ekityamo kyene kyavaaku enimi edh'omuliro.

Okwolekebwa 8:5

Malaika oyo yaatoola ekiniokezebwaku obubbaani ekyo, yaakiidhuza omuliro ng'agutoola ku alutaari, yaakisuula ku nsi. Agho ghaabaagho okutyabuka okw'olukuba, okududumuka, okumyansa okw'eigulu, n'ensi okutengeeta.