Ezekieli 1:4 - Baibuli Ekibono kya Katonda 2014

⁴ Bwe nali nga nkaalingiriire, naabona empewo ey'amaani ng'ekunta okuva ku luuyi olw'omukono omugooda olw'e buvandhuba. Naabona n'ekire ekikologho nga kyezungulwirwa okumyansa, era nga kirimu n'omuliro oguli kwaka obutalekera. Ghagati mu muliro ogwo nga ghali kumirimiinha ng'oti kyuma kya kikomo ekizigule.

Ezekieli 1:4 ပူးပေါင်းရင်းမြစ်များ

1 Bakyabazinga 19:11

Musengwa Katonda yaakoba ati: “Fuluma, oje oyemerere ku lusozi mu maiso gange.” Agho Musengwa Katonda yaabitagho, kiwunga ow'amaani yaayuzayuza ensozi era yaamenhamenha embaale emberi wa Musengwa Katonda. Aye Musengwa Katonda nga tali mu kiwunga oyo. Kiwunga bwe yamala okubita, ghaabaagho musisi, yaatengeesa ensi. Aye Musengwa Katonda nga tali mu musisi oyo.

2 Bakyabazinga 2:11

Bwe baali nga bakaatambula nga bwe baghaya, amangu ago ghaidhagho ekigaali eky'omu lutalo eky'omuliro n'embalaasi edh'omuliro, byayawula buli muntu ku mwine, Eliya yaatwalibwa ghaigulu ng'ali mu mpewo eyeezungulula n'amaani.

2 Ebyomubyanda 5:13

Agho abembi n'ab'ebivuga baakwania amamiro, nga basaaka era nga beebaza Musengwa Katonda. Baagemagania ghalala mu lwembo amamiro gaibwe, n'ag'amagwala, n'ebide, n'ebivuga ebindi, bati: “Musaake Musengwa Katonda kuba mulungi, okugonza kwe tikukoma, kubaagho byanda na byanda.” Agho ekire kyagema woonawoona mu isinzizo,

Yobu 38:1

Agho Musengwa Katonda ng'ali mu kiwunga ow'amaani, yairamu Yobu ng'akoba ati:

Zabbuli 50:3

Katonda waife aidha, aye taidha kisiriikiriza; omuliro ogwaka einho gumukulemberamu nga kiwunga ow'amaani amwezungulwire.

Okuvaayo 9:24

Omugozi gwagwa, okumyansa kwayaka ng'oti muliro ghagati mu mugozi obutazikira, era omugozi gwaba mungi inho ogutagwangaku mu Misiri kasookanga ebaagho.

Isaia 19:1

Buno n'obukwenda obugema ku Misiri. Bona, Musengwa Katonda atyaime ku kire ekirumuka embiro, ali kukivuga ng'aja e Misiri. Ebisinzibwa ebitali Katonda eby'e Misiri bija kudhugumira mu maiso ge, n'Abamisiri emyoyo gija kubatekemuka.

Isaia 21:1

Buno n'obukwenda obugema ku Babiloni. Ng'empewo eyeezungulula n'amaani bw'eidha ng'ebitira mu kiketezo ekikalukalu eky'oku luuyi olw'omukono omusaadha olw'e buvandhuba, n'akabi katyo bwe kaliidha nga kava mu nsi etiisa.

Yeremia 23:19

Bona, obusungu bwa Musengwa buli ng'oti kiwunga, era buli ng'oti n'empewo ey'amaani erifuuwa nga yeezungululira ku mitwe gy'ababi.

Yeremia 25:32

Musengwa Katonda Afuga Amagye akoba ati: “Bona, akabi kali kwidhira amaghanga irala ku irala, nga kava ku lino kaaja ku lire. Kiwunga ow'amaani ali kusiikuuka ere eghala ensi y'ekanga.

Yeremia 25:9

‘Bona, nja kwetesa abantu boonaboona ababa ku luuyi olw'omukono omugooda olw'e buvandhuba, era ndhetese n'omugheereza wange Nebukadinezzari kyabazinga w'e Babilonia. Memale mbaleete balwanise abantu b'omu Buyudaaya, n'ab'omu maghanga goonagoona agaliiraine agho. Nja kuzikiriza nsaaniegho eighanga lino Buyudaaya ghalala n'amaghanga agaliiraine agho, mu nsambo etiisa einho, buli muntu ageesimoozenga bwesimooze era agavumirirenga ebyanda n'ebyanda. Nze Musengwa Katonda, ninze nkobye.

Yeremia 4:6

Mughanike bendera nga mugiringiriiza e Sioni, mulumuke mwewonie aghazira kugayaala naire; kuba Musengwa Katonda aja kuleeta akabi n'okuzikirira okunene einho, okuva ku luuyi olw'omukono omugooda olw'e buvandhuba.

Yeremia 6:1

Imwe abantu ba Benjamini mulumuke mwewonie. Muve mu kibuga Yerusalemu. Mufuuyire e Tekoa amagwala, era mute mu kibuga Bethi Hakkeremu akamanhiso; kuba akabi n'okuzikirira biri kwidha nga biva ku luuyi olw'omukono omugooda olw'e buvandhuba.

Ezekieli 1:27

Okuva aghaaboneka ng'oti n'enkende ye okuja ghaigulu, yali amesunkana ng'oti n'ekyuma eky'ekikomo ekizigule era ng'ali ng'oti omuliro gumwezungulwire yeenayeena. Ate okuva aghaaboneka ng'oti n'enkende ye okwika ghansi, ng'ali ng'oti ali mu muliro era ng'obutangaavu bumwezungulwire yeenayeena,

Ezekieli 13:11

Iwe omuntu, kobera abo abakisiigaku langi endheru oti kiidha kugwa. Ekire eky'amaadhi ekinene kiidha kuyiyika nga mulimu amabaale ag'omugozi amakologho, n'empewo ey'amaani.

Ezekieli 13:13

“Musengwa Katonda kyava n'akoba ati: Mu busungu obungi ndisindika empewo ey'amaani, naaleetera n'ekire eky'amaadhi ekinene kyayuyika nga kirimu n'amabaale ag'omugozi amakologho, byasaaniagho ekimante ekyo.

Ezekieli 43:3

Okubonekerwa okwo kwali ng'oti ni kwe nabonekerwa Katonda oyo lwe yaidha okuzikiriza ekibuga Yerusalemu. Era ng'oti ni kwe nabonekerwa nga ndi ku mwiga Kebari. Agho naakuba amakiryaivu era naakutama n'ekyeni kyatuuka ku itaka.

Ezekieli 8:2

Naja okulinga nti nga mbona ekiri ng'oti muntu, aye nga okuva aghaaboneka ng'oti n'enkende ye okwika ghansi, yali afaanana ng'oti muliro. Ate okuva aghaaboneka ng'oti n'enkende ye okuja ghaigulu, yali amesunkana ng'oti n'ekyuma eky'ekikomo ekizigule.

Zekaria 6:6

Ekigaali ekiri n'embalaasi endhirugavu edhiri kukighaluza, kiri kuja ku luuyi olw'omukono omugooda olw'e buvandhuba. Ekiri n'embalaasi endheru kiri kuja ku luuyi lwa bugwandhuba. Ate ekiri n'embalaasi edh'ekikuusikuusi kiri kuja ku luuyi lwa mukono musaadha olw'e buvandhuba.

Abaheburayi 12:29

kuba Katonda waife muliro gwene oguzikiriza.

Okwolekebwa 1:15

Ebigere bye nga biri ng'oti kyuma kya kikomo ekizigule. Amamiro ge nga gali ng'oti mpiriito ya maadhi.