Musengwa Katonda yayogera ni Yeremia mu mwaka ogweikumi n'esatu (13) ogwa kyabazinga Yosia mutabane wa Amoni, eyali nga n'afuga Buyudaaya mu kiseera ekyo
Ku lunaku olwokutaanu mu mwezi ogwokuna, mu mwaka ogwamakumi asatu (30), nze Ezekieli kabona mutabane wa Buzi, mu biseera ebyo nali mba ghalala ni banhage banange agho kumpi n'omwiga ogwetebwa Kebari mu Babilonia. Agho eigulu lyaghembuka era naabonekerwa Katonda.
Agho naatuuka e Telabibu kumpi n'omwiga Kebari, abantu be baatwala mu bunhage ghe baabanga. Naaba ghalala nabo okumala enaku musanvu, nga ntiire olw'ebyo bye nabona ni bye nawulira.
Kale naasitukiramu, naaja mu kiketezo eky'oku museetwe. Bwe natuukayo naja okulinga nti, nga mbona ekitiisa kya Musengwa Katonda, ng'oti ni bwe nakibona nga ndi kumpi n'omwiga Kebari. Agho naakuba amakiryaivu naakutama n'obweni bwatuuka ku itaka.
Lwali lunaku lwa ikumi mu mwaka nga gwakatoolera, omwaka ogwamakumi abiri n'etaanu (25) nga tuli mu bunhage, era nga n'ogwali omwaka ogweikumi n'ena (14) kasookanga abazigu bagema Yerusalemu. Ku lunaku olwo naawulira mule ng'amaani ga Musengwa Katonda gandidhieku.
Okubonekerwa okwo kwali ng'oti ni kwe nabonekerwa Katonda oyo lwe yaidha okuzikiriza ekibuga Yerusalemu. Era ng'oti ni kwe nabonekerwa nga ndi ku mwiga Kebari. Agho naakuba amakiryaivu era naakutama n'ekyeni kyatuuka ku itaka.
Ku lunaku olwokutaanu mu mwezi ogwomukaaga, mu mwaka ogwomukaaga nga tuli mu bunhage, nali nga ntyaime mu ndhu yange aghalala n'abakulembeze ab'abanhage abaava e Buyudaaya. Agho amaani ga Musengwa Katonda gandhikaku.
Buno n'obukwenda Musengwa Katonda bwe yatuma Hosea mutabane wa Beeri, mu biseera bakyabazinga bano bye baafugiramu Buyudaaya: Uzzia, Yothamu, Ahazi, ni Hezekia. Era ni mu biseera kyabazinga Yeroboamu mutabane wa Yehoashi bye yafugiramu Isiraeli.