Ensambo 9:17 - Baibuli Ekibono kya Katonda 2014

¹⁷ “Amaadhi amaibe obwibe gawooma inho, n'emere eriirwa mu ngiso n'esinga kuwooma.”

Ensambo 9:17 ပူးပေါင်းရင်းမြစ်များ

Amainhama 3:6

Omukazi yaabona ng'omuti gusanhusa amaiso era nga mulungi okulyaku, era yaagwegomba olw'amagezi ge gwali guja okubaleetera. Agho yaanoga ku bibala byagwo yaalya, era yaagha ni ku musaadha we, yeena yaalya.

Ensambo 20:17

Omuntu by'afuna mu kukupankupania bisooka byawoomerera ng'oti mere, aye oluvainhuma aba ng'oti ali kulya bubaale.

Ensambo 30:20

Eno n'enkola ey'omukazi omwenzi: bw'amala okwenda anaaba yeenhiriza, era yaakoba mule ati: ‘Ghazira kibi kye nkoze.’

Ensambo 5:16

Iwe okibona nga kikalamu amaadhi agava mu nsulo yo okukuuluulira eyo gatyo, ni gaba ng'oti mukoka mu nguudo edh'omu bibuga?

Ensambo 5:18

Banga musangaavu olw'ensulo yo eyo, osagambenga olwa mukazi wo oyo ye wafuna ng'okaali mwisuka.

Ab'e Roma 7:8

Aye ekibi nga kibita mu kiragiro ekyo, kyandeetera okwegomba okubi okwa buli nsambo, kuba amateeka bwe gatabaagho ekibi kiba kifiire.

Ab'Efeso 5:12

Kuba ebyo bye bakola mu ngiso bigemya ensoni n'okubyogeraku.