Ensambo 8:20 - Baibuli Ekibono kya Katonda 2014

²⁰ Ntambulira mu butuufu, naakola ebyo ebituufu.

Ensambo 8:20 ပူးပေါင်းရင်းမြစ်များ

Zabbuli 23:3

Omwoyo gwange agwizaamu amaani, yambisa mu ngira edh'obutuufu, nga bwe yasuubiza.

Zabbuli 32:8

Musengwa Katonda ankoba ati: “Ndidha kukugalagiranga era nkwegerese ensambo ey'okwebisaamu, era ndidha kukulagiriranga nga nkulabirira.

Ensambo 2:20

Mbeeni iwe jiiranga ku ky'okuboneraku eky'abantu abalungi, era gemanga engira edh'abatuufu.

Ensambo 2:9

Bw'onaagemanga bye nkoba, olwo olitegeera okukola ebisiimya Katonda, n'okusala mu butuufu n'obutasaliriza. Buli kiseera oidha kumanhanga ekituufu eky'okukola.

Ensambo 3:6

Idhukiranga nga Musengwa Katonda ali emberi wo okukugalagira mu byonabyona by'okola, era aidha kukutereekezanga by'okola byonabyona.

Ensambo 6:22

Biidha kukukulemberangamu buli gh'onaajanga, bikukuumenga ng'otendwike obwire, era bikughenga amagezi ng'ozuuse ku nkyo.

Ensambo 8:19

Bye ngaba biwula zaabu, ni bw'aba omulungi einho, era byawula ni feeza omukenenule.

Ensambo 8:21

Mpa abo abangonza obukombe, naidhuza endhu dhaibwe ebintu eby'omughendo.”

Isaia 2:3

abantu abangi abo balikoba bati: “Mwidhe tuje ku lusozi lwa Musengwa Katonda, mu isinzizo lya Katonda wa Isiraeli, atwegerese by'ayenda tukole, era tujiire ku ebyo by'atwegeresa; kuba Musengwa Katonda aba eyo mu Yerusalemu yaayegeresa abantu be, era aba eyo mu Sioni yaayogera n'abantu be.”

Isaia 49:10

Endhala teribalumanga waire endiwo okubagemanga. Empewo ebabula teribafuuwanga waire omusana okubookyanga; kuba oyo abagemerwa ekivunika alibakulembera, yaabatuusa ku nsulo dh'amaadhi.

Isaia 55:4

Daudi oyo namufuula omukulembeze era omufuzi ow'amaghanga asingayo kuba wa ghaigulu, naakozesa oyo okwoleka ab'amaghanga obuyinza bwange.

Yoanne 10:3

Oyo omukuumi w'omulyango amwiguliragho. Entaama dhiwulira amamiro ge, ayeta kiisi ntaama ye eriina lyayo, yaadhifulumya.

Amateeka Agokubiri 5:32

Musa yaayongera okukoba ati: “Mwegenderezenga nga mukola nga Musengwa Katonda waimwe bweyabalagira, aghazira kudaaliimira eno oba ere.

Okwolekebwa 7:17

Entaama Ento eri ghagati gh'ekityamo ky'obwakyabazinga, enaabalabiriranga ng'omwayi, yaabakulemberamu, okubatuusa ku nsulo edh'amaadhi ag'obulamu. Era Katonda alyeya buli iziga mu maiso gaibwe.”