Ensambo 8:12 - Baibuli Ekibono kya Katonda 2014

¹² “Ninze Magezi, mba ghalala ni Kutegeera, era nkozesa okumanha naasalagho ekigwaine okukolebwa.

Ensambo 8:12 ပူးပေါင်းရင်းမြစ်များ

1 Bakyabazinga 7:14

Hiramu oyo yali musaadha mugezi, ng'ali n'obumanhi mu kutetenkania n'okukola emirimo gyonagyona egy'okugheesa ebintu mu kyuma eky'ekikomo. Yali mutabane wa namwandu ow'omu kika kya Nafutali. Ise yali mutyamye ow'e Tiro, era nga mugheesi wa bintu eby'ekyuma eky'ekikomo. Hiramu oyo, yaidha eri kyabazinga Solomoni, yaamukolera emirimo gye gyonagyona.

1 Ebyomubyanda 28:12

Yaamugha n'entegeka ey'enzimba y'ebyo byonabyona bye yayenda okuzimbira ku isinzizo eryo: empya dhaaku, n'ebimante ebyezungulwire empya edho, n'amaterekero g'ebintu eby'okukozesanga mu isinzizo, n'ago ag'okutangamu ebintu ebigheereibwayo okuba ebya Musengwa Katonda.

1 Ebyomubyanda 28:19

Kyabazinga Daudi yaakoba ati: “Ebyo byonabyona biri mu ntegeka eyaghandiikibwa ng'ejiira ku biragiro ebyo, Musengwa Katonda mwene bye yandagira okutuukiriza.”

2 Ebyomubyanda 13:14

Abayudaaya baaja okulinga bati, nga babona olutalo luli kubava emberi n'einhuma. Agho baalirira Musengwa Katonda nga bamweghemba abawonie. Ni bakabona baafuuwa amagwala.

Zabbuli 104:24

Wo Musengwa Katonda, nga wakola ebintu nga bya nsambo kamaala! Ate waabikola mu magezi amangi oti ki! Ensi eidhwire ebitonde byo.

Okuvaayo 35:30

Agho Musa yaakobera Abaisiraeli ati: “Musengwa Katonda yalonda Bezalelo mutabane wa Uri, era mwidhukulu wa Hura, era nga wa mu kika kya Yuda.

Ensambo 1:4

Dhireetera omuntu azira ky'aidhi okufuna amagezi, n'omwisuka okumanha ekigwaine okukolebwa.

Ensambo 8:5

Imwe abazira kye mwidhi, mwege okumanha ekigwaine okukolebwa; imwe abasiru, mwege okutegeera.

Isaia 28:26

Omulimi oyo amanha okukola omulimo gwe obukalamu, kuba Katonda we amwegeresa.

Ab'e Roma 11:33

Bwenebwene ekisa kya Katonda n'amagezi ge, n'okumanha kwe, nga tibikoma! By'asalagho tibirowoozeka! Enkola ye nga temanhikana!

Ab'Efeso 1:11

Katonda akola byonabyona nga bw'ayenda ng'ajiira ku ntegeka ye, mu Kurisito oyo

Ab'Efeso 1:8

kye yatugemerwa. Katonda mu magezi ge goonagoona ni mu kumanha kwe,

Ab'Efeso 3:10

Mperaano ng'abita mu Kikunsu ky'Abaikiriza mu Kurisito, Katonda ayenda amanhise abafuzi n'ab'obukumu abali mu igulu amagezi ge agatakoma.

Ab'e Kolosai 2:3

Oyo n'atumanhisa amagezi goonagoona n'okumanha kwonakwona ebiri ng'oti n'eky'obukombe ekyagisibwa.