Ensambo 6:23 - Baibuli Ekibono kya Katonda 2014

²³ Kuba ebyo bye bakulagira biri ng'oti itaala eryaka mu nzikiiza, n'ebyo bye bakwegeresa byaba ng'oti butangaavu, ate ebyo bye bakuneniamu byakutuusa ku bulamu.

Ensambo 6:23 ပူးပေါင်းရင်းမြစ်များ

Amainhama 39:8

Aye Yosefu yaaloba, yaakoba muka musengwa we ati: “Bona, musengwa wange takeeraliikirira kintu kyonakyona mu ndhu, kuba nze ndigho, era yandekera ebibye byonabyona okubirabirira.

Zabbuli 119:105

Ekibono kyo n'eitaala eriimuliikirira ghe mbita, ni mbona engira.

Zabbuli 119:130

Omuntu bw'ainhonholwa ebibono byo afunamu obutangaavu n'ole azira magezi yaafunamu amagezi.

Zabbuli 141:5

Omuntu omukalamu amala gambonereza oba yandhuuka olw'okungemerwa ekisa, okusinga okuganha ekitiibwa ekimpeebwa abantu ababi, kuba tirekerangaku kusaba nga nvumirira ebikolwa byaibwe ebibi.

Zabbuli 19:8

Ebiragiro bya Musengwa Katonda bituufu, bisangaaza abo ababigondera; amateeka ga Musengwa Katonda matukuvu, gazibula amaiso.

Ensambo 10:17

Ole awulira bye bamugalagira akuuma obulamu bwe, aye aloba okunenezebwa adaaliima.

Ensambo 15:24

Omuntu omugezi agema engira emutwala ghaigulu eri obulamu, awone okuja ghansi mu magombe.

Ensambo 15:31

Ole aganha okunenezebwa okulungi afuuka mugezi.

Ensambo 29:15

Okukangaivula n'okunenia byegeresa, aye omwana alekebwa agho atyo n'atakobwaku, aswaza omuzaire we.

Ensambo 3:18

Abafuna amagezi bafuna obulamu; abo abagagumiraku baba ba nkabi.

Ensambo 4:13

Kuumanga by'oyeze, otabivangaku; bigemenga bukalamu, kuba obwo n'obulamu bwo.

Ensambo 4:4

omuzaire wange yandhegeresanga ati: “Idhukiranga bye nkukoba, era otabyerabiranga. Bw'onaagemanga bye nkulagira oidha kubanga mulamu.

Ensambo 5:12

Olirira ng'okoba oti: “Kale lwaki nalobanga okugalagirwa? Era lwaki nanhoomereranga okunenezebwa?

Omulangirizi 7:26

Nazuula ekintu ekikakali okusinga n'okufa kwene: oyo nga n'omukazi akwenda n'akugemya ng'oti mutego oba ng'oti lutuula, n'akusiba mu mikono gye ng'oti ndhegere. Omuntu akola Katonda by'ayenda asobola okuwona omukazi oyo, aye omwonooni amugwa bwa mu ngalo.

Omulangirizi 7:5

Omala gawulirisa omuntu omugezi ng'akunenia, otawuliriisa nhembo dha basiru.

Isaia 8:20

Mubairangamu muti: “Ka twekalangulire ku ebyo Musengwa Katonda bye yatusikirira ni bye yatwegeresa.” Bwenebwene abo abatajiira ku ebyo nga bwe biri, tibalikyesa bwire nga bakaali kufa.

Yeremia 21:8

“Era oidha kukoba abantu abo oti, ‘Mubone eno, nze Musengwa Katonda ndi kubateeragho ebintu bibiri, mulondeku kirala: engira etuuka mu bulamu, n'engira etuuka mu kufa.

Ezekieli 20:11

Naabagha ebiragiro byange, naabeegeresa n'amateeka gange kuba ebyo nga n'ebireetera omuntu okuba omulamu ng'abituukiriiza.

Abalevi 19:17

“Otakyaghanga muntu yeenayeena n'omwegemerera, aye omunenianga byaweera agho, olobe kugwa mu kibi olw'oyo.

2 Petero 1:19

Tuja nga tweyongera okukakasa ebibono abalanzi bye baakoba. Mubitengaku omwoyo, kuba biri ng'oti n'eitaala eryaka mu nzikiiza okutuusa obwire lwe bulikya, emuunienie ey'oku nkyo n'evaayo, n'eyakira mu myoyo gyaimwe.

Okwolekebwa 2:5

Kale idhukira bwe wangonzanga ng'okaali kugwa, weenenie, okole bye wakolanga mu mainhama. Aye bw'oteenenie, ndidha kwidha y'oli, ntoolegho ekikondo kyo eky'entaala mu kifo kyayo.