Ensambo 6:16 - Baibuli Ekibono kya Katonda 2014

¹⁶ Ghaligho ebintu mukaaga Musengwa Katonda by'akyagha, nkani biri musanvu bye yeenhinhata:

Ensambo 6:16 ပူးပေါင်းရင်းမြစ်များ

2 Bakyabazinga 21:16

Kyabazinga Manasse yaita abantu kamaala inho abaziraku musango, yaidhuza Yerusalemu kyonakyona omusaayi kyabuna. Okwo yaayongeraku ekibi eky'okuleetera ab'omu Buyudaaya okukola ebibi eri Musengwa Katonda.

Yobu 5:19

Aidha kukuwonianga mu bizibu byonabyona; buliidho tootuukibwengaku kabi koonakoona.

Zabbuli 11:5

Musengwa Katonda yeekebeedha abatuufu n'abakozi b'ebibi, era tayendera irala abo abagonza ebikolwa eby'obukambwe.

Zabbuli 5:7

Aye nze, olw'okungonza einho, ndidha kwingira mu isinzizo lyo nkusinze mu kifo kyo ekitukuvu, nga nkukubira amakiryaivu okwoleka nga bwe nkutya.

Ensambo 11:1

Musengwa Katonda akyagha abakozesa minzaani enkyamu, aye abakozesa ebipimo ebituufu abasiima.

Ensambo 11:20

Musengwa Katonda yeenhinhata abantu ab'ebirowoozo ebibi, aye yaagonza abo abaziraku musango.

Ensambo 12:22

Musengwa Katonda akyagha aboogera eby'obuguya, aye asangaalira abo abeesigwa mu bye bakola.

Ensambo 17:15

Musengwa Katonda yeenhinhata oyo eyeedheereza omubi eyaiza omusango, n'oyo asalira omutuufu omusango okumusinga ate nga tagwizanga.

Ensambo 20:10

Musengwa Katonda yeenhinhata abo abakozesa ebipimo ebitali bituufu.

Ensambo 20:23

Musengwa Katonda yeenhinhata abo abakozesa ebipimo ebitali bituufu, era yaakyagha abakozesa minzaani enkyamu.

Ensambo 21:4

Ababi batwalirizibwa okwebona n'okwekuluntaza, era ekyo kibi.

Ensambo 3:32

Musengwa Katonda yeenhinhata omukozi w'ebibi, aye abeesimbu abeesiga.

Ensambo 30:18

Eriyo ebintu bisatu ebineewuunhisa ekibitiriire, mu butuufu biri bina ebiinema okutegeera, era ni bino:

Ensambo 30:21

Eriyo ebintu bisatu ebireetera ensi okutabulwa, mu butuufu biri bina ebirema ensi okuguminkiriza, era ni bino:

Ensambo 30:24

Ku nsi kuliku obutonde obutonioli buna, aye nga buli n'amagezi mangi inho, era ni buno:

Ensambo 30:29

Eriyo ebintu bisatu ebitambula n'osiima, mu butuufu biri bina ebitambula n'osigala ng'obyegomba, era ni bino:

Ensambo 6:15

Kyova aligwa ku buzibu obutaloodheka nga tabwetegekeire, era mu kaseera buseera balimutentena nga takairayo kuwona.

Ensambo 6:17

okwebona ng'owa ghaigulu, okuba omuguya, okutemula abantu abaziraku musango,

Ensambo 8:13

Okutya Musengwa Katonda kitegeeza kukyagha kukola bibi. Nze nkyagha okwekuluntaza n'okwetwala ng'owa ghaigulu n'okukola ebibi, era n'okwogera eby'obuguya.

Yeremia 26:15

Aye mukimanhe bukalamu nti bwe mundhita, imwe n'abantu b'omu kibuga kino munaaba mwereeseeku ekibi eky'okwita omuntu aziraku musango, kuba Musengwa Katonda mwene n'eyantuma okwidha okubalabula.”

Amosi 1:11

Musengwa Katonda akoba ati: “Abantu ab'e Edomu bakoze ebibi emikuzi kamaala. N'olw'ensonga eyo nteekwa buteekwe okubabonereza kuba baayiiga baganda baibwe Abaisiraeli, baabaita aghazira kusaasira naire. Era obusungu bwaibwe bwaloba kukendeeraku naire, aye baabusiba ku mwoyo enaku dhoonadhoona.

Amosi 1:3

Musengwa Katonda akoba ati: “Abantu ab'e Siria bakoze ebibi emikuzi kamaala. N'olw'ensonga eyo nteekwa buteekwe okubabonereza. Kuba baabisa abantu ab'e Gileadi mu bukambwe obutaloodheka.

Amosi 1:6

Musengwa Katonda akoba ati: “Abantu ab'e Filisitia bakoze ebibi emikuzi kamaala. N'olw'ensonga eyo nteekwa buteekwe okubabonereza kuba baatwala abantu ab'eighanga eiramba nga banhage, baabatunda mu Edomu babe abairu.

Amosi 1:9

Musengwa Katonda akoba ati: “Abantu ab'e Tiro bakoze ebibi emikuzi kamaala. N'olw'ensonga eyo nteekwa buteekwe okubabonereza kuba baatwala abantu ab'eighanga eiramba mu bunhage mu nsi Edomu, baaloba kukuuma ndagaano ye baakola.

Amosi 2:1

Musengwa Katonda akoba ati: “Abantu ab'e Moabu bakoze ebibi emikuzi kamaala. N'olw'ensonga eyo nteekwa buteekwe okubabonereza kuba baayokya amagumba aga kyabazinga ow'Abaedomu gafuuka ivu.

Amosi 2:4

Musengwa Katonda akoba ati: “Abantu ab'e Buyudaaya bakoze ebibi emikuzi kamaala. N'olw'ensonga eyo nteekwa buteekwe okubabonereza kuba baanhooma amateeka gange, n'ebiragiro byange baaloba kubigema. Baatwalirizibwa emisambwa badhaadha baibwe gye baasinzanga.

Amosi 2:6

Musengwa Katonda akoba ati: “Abantu Abaisiraeli bakoze ebibi emikuzi kamaala. N'olw'ensonga eyo nteekwa buteekwe okubabonereza kuba batunda abantu abatuufu mu bwiru, olw'obutasobola kusasula mabandha agababandhibwa. Era baatunda abaavu, olw'obutasobola kusasula waire omughendo ogugula omuyimbo gw'engaito.

Zekaria 8:17

Era mutayiiyanga mu myoyo gyaimwe kukola kabi ku banaimwe, waire okulayiranga ebiziramu kuba ebyo byonabyona, nze Musengwa Katonda, mbikyayira irala inho.”

Amateeka Agokubiri 23:18

Empiiya edhifuniibwa omukazi oba omusaadha mu bwamalaaya, mutadhireetanga mu ndhu ya Musengwa Katonda waimwe okutuukiriza bye mweyama, kuba Musengwa Katonda waimwe yeenhinhata obwamalaaya.

Amateeka Agokubiri 24:4

Ekyo bwe kinaabanga kityo, olwo iba ole eyasooka okumubinga tairengamu kabiri kumubayiza. Omukazi oyo aidha kubanga ng'amaze okufuulibwa atali mulongoofu. Okwiramu okumubayiza kiba kyenhinhalwa ye Musengwa Katonda. Mutakolanga kibi kyaga agho mu nsi Musengwa Katonda waimwe y'ali kubagha okuba obutaka bwaimwe.”

Amateeka Agokubiri 25:16

Kuba Musengwa Katonda waimwe yeenhinhata kiisi akola ebibi ebiri ng'oti n'ebyo.”

Okwolekebwa 21:27

Aye tikiringiramu kintu kitali kirongoofu, waire omuntu akola ebyenhinhalwa oba omuguya, okutoolaku abo bonka abaaghandiikibwa mu kitabo eky'obulamu eky'Entaama Ento.