Ensambo 5:22 - Baibuli Ekibono kya Katonda 2014

²² Ebibi eby'omubi bimufuukira ng'oti lutuula, era bimugema ng'oti n'omutego bwe gugema enhonhi.

Ensambo 5:22 ပူးပေါင်းရင်းမြစ်များ

1 Bakyabazinga 18:18

Eliya yaamwiramu ati: “Nze ti ninze atabulatabula Isiraeli, aye niiwe n'ab'endhu ya lata wo, kuba mwava ku biragiro bya Musengwa Katonda mwasinza emisambwa Baali.

Yobu 18:8

Ebigere bye bimutunze, yeeswire mwene mu mutego.

Zabbuli 40:12

Ebizibu kamaala bineezungulwire, tibibalika na kubalika. Ebibi byange bimbitiriireku obungi, buti tibinganha na kubona. Obungi bwabyo businga enviiri edhiri ku mutwe gwange, n'amaani gampoiremu.

Zabbuli 9:15

Abatatya Katonda baagwa mu biina bye baasima okutega abantu abandi era baagwa mu ntuula beene dhe baatega.

Zabbuli 9:17

Abakozi b'ebibi, n'abo boonaboona abava ku Katonda, ba kuja magombe.

Ensambo 1:18

Aye abantu abo beetegamu beene omutego beite, baabwama okuzikiriza obulamu obwaibwe bwene.

Ensambo 11:3

Abantu abeesimbu bamanha ekituufu eky'okukola, aye abaguya bazikirizibwa obukupankupania bwaibwe bwene.

Ensambo 11:5

Obwesigwa obw'omuntu omwesimbu butereeza obulamu bwe, aye obubi obw'omuntu omubi n'obumugwisa bwene.

Ensambo 11:6

Obutuufu obw'abantu abeesimbu bubakuuma, aye abo abakupankupania, entegeka dhaibwe dheene n'edhibagemya ng'oti mutego.

Ensambo 12:14

Omuntu mu by'ayogera mw'afuna ebirungi, era mu by'akola mw'afuna empeera.

Ensambo 14:32

Ababi beereetera beene okugwa olw'ebikolwa byaibwe ebibi, aye abatuufu, obwesigwa bwaibwe n'obubakuuma.

Ensambo 18:7

Ebibono by'omusiru bimuleetera okuzikirira, era bw'ayogera yeetegamu mwene.

Ensambo 24:12

Osobola okwewuuguusa oti: “Bona eno, ekyo nze tikimanhangaku naire.” Aye Katonda abona ebigendererwa eby'omuntu era yaabimanha. Oyo n'akuuma obulamu bwo, era abona buli kintu. Era aja kusasula buli muntu, ng'ajiira ku bikolwa bye.

Ensambo 26:27

Ole asima ebiina okutega baine aja kubigwamu mwene, n'ole asiringisa ogubaale gugwe ku baine guja kumwiriraku mwene.

Omulangirizi 7:26

Nazuula ekintu ekikakali okusinga n'okufa kwene: oyo nga n'omukazi akwenda n'akugemya ng'oti mutego oba ng'oti lutuula, n'akusiba mu mikono gye ng'oti ndhegere. Omuntu akola Katonda by'ayenda asobola okuwona omukazi oyo, aye omwonooni amugwa bwa mu ngalo.

Yeremia 2:19

Ebibi byaimwe byene n'ebiribakangaivula imwe, era okunvaaku kwaimwe n'okulibasalira omusango okubasinga. Mukibone era mukimanhe nga bwekiri ekibi einho era eky'obulumi, okunvaaku nze Musengwa Katonda waimwe era n'obutantya. Nze Musengwa Katonda Afuga Amagye, ninze nkobye.”

Okulira 1:14

Ebibi byange byonabyona yabisoloza era mwene n'engalo dhe yaabikolamu ekikoligo, yaakinsiba mu nkoto kyanduyiriza. Musengwa yampaayo mu ngalo dh'abazigu bange be ntasobola kutuulana nabo.

Obadia 1:15

“Olunaku luli kumpi kutuuka, nze Musengwa Katonda lwe ndisalira amaghanga goonagoona omusango. Edomu, kye wakola baino weena baidha kukikukola. Kiisi kibi kye wakola kija kusasulwamu ekibi.

Okubala 32:23

Aye bwemutaakole mutyo, mukimanhe nti munaaba mukoze ekibi eri Musengwa Katonda, era nga bwenebwene muja kubonerezebwa olw'ekibi ekyo.

Abaheburayi 13:4

Obufumbo buteebwengamu ekitiisa abantu boonaboona, era obufumbo bukuumibwenga nga butukuvu, kuba abadankaanu n'abenzi, Katonda alibasalira omusango.

Abalamuzi 20:41

Agho Abaisiraeli be baali bali kubingirira baakyuka, olwo Ababenjamini baadhugumira nga bali kubona akabi kabatuuseeku!

Abalamuzi 9:57

Katonda era yaabonereza abantu b'omu Shekemu olw'ekibi kyaibwe. Ni Yothamu, mutabane wa Gideoni, kye yakolima kyatuukirira.