Ensambo 5:21 - Baibuli Ekibono kya Katonda 2014

²¹ Musengwa Katonda abona buli muntu ky'akola, era yeekalirisa ensambo ye yeebisaamu.

Ensambo 5:21 ပူးပေါင်းရင်းမြစ်များ

2 Ebyomubyanda 16:9

Musengwa Katonda abona mu nsi mwonamwona buli kiseera, asobole okugha amaani abo ab'emyoyo egimwesiga. Kale kino ky'okoze kya kisiru. Okuva n'olwaleero oidha kubanga mu kulwana ntalo.”

Yobu 14:16

Olwo wandabirira buli kigere kye nsitula, aye waaloba kwekalirisa bibi byange.

Yobu 24:23

Aja yaabagha emiraala baatoolera okwesigula, aye yaasigala ng'abasimbyeku amaiso.

Yobu 31:4

Katonda tabona bwe neebisa, era tabona buli kigere kye nsitula?

Yobu 34:21

Alingirira ensambo omuntu ye yeebisaamu, era abona buli kigere ky'asitula.

Zabbuli 11:4

Musengwa Katonda ali mu isinzizo lye eitukuvu, ekityamo kye eky'obwakyabazinga kiri mu igulu. Alingirira abantu, yaabeekebeedha, era yaamanha kye baliku.

Zabbuli 119:168

Ngema amateeka go ni by'onkoba byonabyona; kuba iwe ombona nga bwe neebisa.

Zabbuli 17:3

Oidhi omwoyo gwange, oidha waagukyalira obwire, waaneekebeedha wankenenula, aye ghaabula ekibi ky'ondhagaanamu. Tyogera bya buguya

Ensambo 15:3

Eriiso lya Musengwa Katonda ghazira ghe litabona, alingirira abalungi n'ababi.

Ensambo 4:26

Tegekanga by'oja okukola byonabyona, olwo ghabulenga ekisoba mu byonabyona by'onaakolanga.

Ensambo 5:6

Omukazi oyo tagema ngira ya bulamu naire, aye atambulatambula eyo atyo ate nga takiidhi.

Yeremia 16:17

Buli kye bakola nkibona, ghazira kye basobola kungisa. Buli kibi kye bakola nkibona bukalamu.

Yeremia 17:10

Nze Musengwa Katonda neekebeedha ebidhuubo by'abantu era naaleba emyoyo gyaibwe. Ngabira buli muntu nga njiira ku neebisa ye ni ku bikolwa bye.”

Yeremia 23:24

Ghazira muntu asobola kwegisa ghe ntasobola kumubona. Timwidhi nga ndi buli ghantu, mu igulu ni mu nsi?

Yeremia 29:23

Ebyo n'ebiribatuukaku kuba beereetaku omusango bwe baakola ebibi ebitakobeka mu Isiraeli. Baayenda ku baka banaibwe, era baayogera eby'obuguya nga bakozesa eriina lya Musengwa Katonda, ate nga Musengwa Katonda oyo tabatumangaku kubyogera. Musengwa Katonda mwene oyo aidhi bye baakola era mwene n'omudhulizi abalumiriza. Musengwa Katonda mwene, n'akobye.”

Yeremia 32:19

Okola entegeka edh'amagezi agataloodheka, era waakola eby'amaani. Obona ebintu byonabyona abantu bye bakola, era waabasasulamu ng'ojiira ku bikolwa byaibwe.

Hosea 7:2

Aye baaloba kulowooza naku nga nze tyerabira bikolwa byaibwe byonabyona ebibi. Kale ni mpegaano ebibi byaibwe bibazingiiza, era nze ndi kubibona bukalamu.”

Abaheburayi 4:13

Ghazira kitonde kisobola kugisibwa mu maiso ge. Ebintu byonabyona mu maiso ge byerule era biboneka. Era y'oyo buli muntu aja kwewozaaku kiisi kye yakola.

Okwolekebwa 2:18

“Ghandiikira malaika w'Ekikunsu eky'Abaikiriza mu Kurisito eky'e Thuyatira, oti: Omwana wa Katonda ali n'amaiso agaaka ng'oti muliro, era ali n'ebigere ebiri ng'oti kyuma kya kikomo ekizigule, akoba ati:

Okwolekebwa 2:23

Era abaana be ndibaita, Ebikunsu eby'Abaikiriza mu Kurisito byonabyona bimanhe nga ninze aidhi kiisi muntu by'alowooza mule ni by'ayenda okukola. Era kiisi mulala ku imwe ndimugha ekigwaniire ebikolwa bye.