Ensambo 31:5 - Baibuli Ekibono kya Katonda 2014

⁵ Bwe banhwa batyo basobola okwerabira amateeka, era baavuyavuya ebyo abatuntuzibwa bye bagwaniire okukolerwa.

Ensambo 31:5 ပူးပေါင်းရင်းမြစ်များ

1 Bakyabazinga 20:12

Benihadadi bwe yaawulira obukwenda obwo ng'ali kunhwa mu ntindi ghalala ni bakyabazinga bale abaamweyimbaku, yaalagira abasaadha be ati: “Mwemerere mu bifo byaimwe!” Baayemerera mu bifo byaibwe nga beetegeike okulumba ekibuga.

Okuvaayo 23:6

“Otabuzaabuzanga nsonga dha muntu mwavu ng'ali kuwozesebwa.

Ensambo 17:15

Musengwa Katonda yeenhinhata oyo eyeedheereza omubi eyaiza omusango, n'oyo asalira omutuufu omusango okumusinga ate nga tagwizanga.

Ensambo 18:5

Ti kituufu kwekubira ku luuyi lwa mwizi wa musango n'agusinga, era ti kituufu kusaliriza muntu akola ebituufu n'otamusalira mu butuufu.

Isaia 5:22

Bakagwireku abo abamanhifu einho mu kunhwa omwenge, abaziramu ntete kutabikatabika bya kunhwa bitamiiza.

Isaia 5:23

Beedheereza abantu abaliku emisango baabaleetera okugisinga olw'enguzi, aye abaziraku musango baaloba okubakolera ekituufu ekibagwaniire.

Abalevi 10:9

“Iwe ni batabane bo, bwe munaabanga munhweire ku mwenge ogw'emizabbibu, oba ekitamiiza ekindi kyonakyona, mutaingiranga mu Weema ey'Okwagaananirangamu ni Musengwa Katonda. Bwe mulikikola, muja kufa. Eiteeka eryo linaakuumibwanga ab'olulyo lwaimwe enaku dhoonadhoona.

Habakkuku 2:5

Obukombe tibwesigika. Abantu abalulunkanira eby'obukombe beekuluntaza inho aye tibatereera. Bali ng'oti magombe geene, basigala nga bakaayenda. Kyebava ni balwanisa amaghanga n'amaghanga, ni baja nga banhagamu abantu n'ebintu.

Amateeka Agokubiri 16:19

Batasalirizanga, waire okwekubiranga, oba okulyanga enguzi, kuba enguzi etulughaza amaiso g'omugezi gaava ku kituufu, era ereetera omuntu okufuulaniafuulania by'akoba.