Ensambo 30:19 - Baibuli Ekibono kya Katonda 2014

¹⁹ Engeri enkookooma y'emanhamu engira mw'egulukira ku igulu, engeri omusota ye gumanha engira ye gubitamu ku lubaale, engira eryato ye libitamu mu nhandha ghagati, n'engeri omukwano ye gwidhamu ghagati agh'omusaadha n'omukazi.

Ensambo 30:19 ပူးပေါင်းရင်းမြစ်များ

Yobu 39:27

Niiwe olagira enkookooma okuniina n'ekola ekisu kyayo ghaigulu mu nsozi?

Okuvaayo 22:16

“Omusaadha bw'anaasendasendanga omughala omuto omwegha akaali okwandhula n'aba naye, anaaghangayo omwandu yaamubayiza.

Ensambo 30:18

Eriyo ebintu bisatu ebineewuunhisa ekibitiriire, mu butuufu biri bina ebiinema okutegeera, era ni bino:

Isaia 40:31

Aye abo abeesiga Musengwa Katonda baliiramu amaani: baatambula nga tibakoogha, baaligita embiro nga tibasalaku naire, era baaguluka n'amaghagha ng'oti nkookooma.

Yeremia 48:40

Musengwa Katonda akoba ati: “Eighanga lirirumba Moabu lyagigwaku ng'oti n'enkookooma eyandhulwiza amaghagha gaayo.

Yeremia 49:22

Abazigu balirumba Bozira baakigwaku ng'oti n'enkookooma eyandhulwiza amaghagha gaayo. Ku lunaku olwo, abalwani ba Edomu ab'amaani baliidhula okutya ng'oti n'omukazi ali kulumwa okuzaala.”

Amateeka Agokubiri 28:49

Musengwa Katonda alibasindikira abantu ab'eighanga erindi, aboogera olulimi lwe mutategeera. Abantu abo alibatoola ku nkomerero y'ensi, baabalumba nga baziinhuuka ng'oti n'enkookooma bw'eziinhuuka.