Ensambo 30:10 - Baibuli Ekibono kya Katonda 2014

¹⁰ Otayogeranga kibi ku mugheereza ye musengwa we, olwo alobe kukukolimira na kukuleetera kubonerezebwa.

Ensambo 30:10 ပူးပေါင်းရင်းမြစ်များ

Amainhama 8:21

Musengwa Katonda yaawunhiza akawoowo, yaasangaala, yaakoba mule ati: “Tikairayo kukolima nsi kabiri olw'omuntu by'akola, kuba omwoyo gwe gwidhwire bubi bwereere okuva mu buto bwe. Tikairayo kabiri kuzikiriza bintu biramu byonabyona nga bwe nkoze.

Ensambo 11:26

Omuntu aloba okuguza baine emere, abantu bamukolimira, aye ole aganha okugibaguza bamusabira enkabi.

Ensambo 28:27

Omuntu agabira abaavu taja kwavughalanga, aye ole ababona n'atabafaaku alikolimirwa inho.

Omulangirizi 7:21

Otatanga inho mwoyo ku buli kintu abantu kye bakoba, olirwa eira waawulira n'ebibi omugheereza wo by'akwogeraku

Danieli 6:13

Agho baakoba kyabazinga bati: “Danieli oyo, omulala ku bantu abaanhagibwa e Buyudaaya, takutaamu kitiisa iwe Isebantu waire okugondera ekiragiro kye wataaku ekinkumu. Era asaba Katonda we emikuzi esatu buli lunaku.”

Danieli 6:24

Kyabazinga yaalagira baaleeta abasaadha bale abaaghaayiriza Danieli, baabasuula mu kiina ekyo omwali empologoma, ghalala ni bakazi baibwe, n'abaana baibwe. Era baabanga bakaali na kutuuka ku ntobo ya kiina ekyo, ng'empologoma dhaabamemeine ira amagumba goonagoona.

Ab'e Roma 14:4

Niiwe ani asalira omusango omugheereza atali wuwo? Musengwa we mwene n'asalagho oba akola bukalamu, oba akola bubi, era aidha kukola bukalamu, kuba Musengwa we n'amwemerezaagho.

Amateeka Agokubiri 15:9

Mutalobanga kumuwola nga mukoba muti kuba omwaka ogwomusanvu ogw'okusoniyiramu amabandha guli kumpi okutuuka, mube nga timusasulwa bye mubandha. Mutaganhanga ndowooza mbi eyo kwingira mu myoyo gyaimwe. Bwe munaalobanga okumuwola, memale n'alirira Musengwa Katonda okubavunaana, olwo mwidha kubanga nga muli n'omusango.

Amateeka Agokubiri 23:15

Musa yaakoba Abaisiraeli ati: “Omwiru bw'aneibanga ku musengwa we n'aidha n'asenga ewuwo, otamwizangayo ye musengwa we oyo.

1 Samueli 24:9

Agho Daudi yaakoba Saulo ati: “Lwaki ojiira ku bibono by'abo abakoba bati nze nhenda okukukola akabi?

1 Samueli 26:19

Isebantu kyabazinga, mperaano ni nkweghemba owulire bye nja okukoba, nze omugheereza wo: Bw'aba nga Musengwa Katonda n'akuleeteire okundhiigania, ka mmusabe aganhe okumugha ekigheebwayo. Aye bwe baba nga bantu, abo Musengwa Katonda abakolimire kuba mperaano baaminze mu nsi ya Musengwa Katonda ey'ensikirano, bansindika mu nsi ey'endha okugheereza emisambwa!

1 Samueli 30:15

Daudi yaamubuuza ati: “Oghanga okuntwala eri abanhazi abo?” Omwisuka yairamu ati: “Ndayirira mu liina lya Katonda nga toidha kundhita oba okumpaayo mu ngalo dha musengwa wange, olwo ndidha kukutwala eri abanhazi abo.”