Ensambo 3:32 - Baibuli Ekibono kya Katonda 2014

³² Musengwa Katonda yeenhinhata omukozi w'ebibi, aye abeesimbu abeesiga.

Ensambo 3:32 ပူးပေါင်းရင်းမြစ်များ

Yobu 29:4

Mu biseera ebyo nabanga bukalamu, nga Katonda ni mukagwa wange, akuuma amaka gange.

Zabbuli 18:26

Oli mutukuvu eri abo ab'emyoyo emitukuvu, aye olabukira mangu abo abakozi b'ebibi.

Zabbuli 25:14

Musengwa Katonda aba mukagwa w'abo abamutya, era akakasa endagaano ye nabo.

Ensambo 11:20

Musengwa Katonda yeenhinhata abantu ab'ebirowoozo ebibi, aye yaagonza abo abaziraku musango.

Ensambo 14:10

Omuntu amanha nnaku eri ku mwoyo gwe, era ghazira ategeera isanhu liri ku mwoyo gwa mwine.

Ensambo 17:15

Musengwa Katonda yeenhinhata oyo eyeedheereza omubi eyaiza omusango, n'oyo asalira omutuufu omusango okumusinga ate nga tagwizanga.

Ensambo 8:13

Okutya Musengwa Katonda kitegeeza kukyagha kukola bibi. Nze nkyagha okwekuluntaza n'okwetwala ng'owa ghaigulu n'okukola ebibi, era n'okwogera eby'obuguya.

Isaia 41:24

Bwona, mwenamwena muziramu makulu naire, ni bye mukola biziramu muganhulo. Era ole alondagho okubasinza, afuuka kyenhinhalwa.

Matayo 11:25

Mu kiseera ekyo Yesu yaakoba ati: “Lata nkusaaka, Musengwa ow'eigulu n'ensi, kuba bino wabigisa abagezi n'abamanhi, waabimanhisa abato.

Matayo 13:11

Yaabairamu ati: “Kuba imwe mwagheebwa okumanha ebyama eby'Obwakyabazinga obw'omu igulu, aye abo tibagheebwanga.

Luka 16:15

Aye yaabakoba ati: “Niimwe abeerongoosa mu maiso ag'abantu aye Katonda aidhi emyoyo gyaimwe kuba abantu kye basuuta, Katonda akyenhinhala.

Yoanne 15:15

Tikaabeeta bagheereza, kuba omugheereza tamanha Musengwa we by'akola. Aye mbeeta bakagwa bange, kuba byonabyona bye nawulira okuva ewa Lata wange nabibamanhisa.

Yoanne 7:17

Kiisi aganha okukola oyo by'ayenda, amanha oba nga bye ndhegeresa byange ku bwange oba biva eri Katonda.

Okwolekebwa 2:17

“Ali n'amatu awulire Mwoyo ky'akoba Ebikunsu eby'Abaikiriza mu Kurisito. Oyo aghangula ndimugha ku mannu eyagisibwa, era ndimugha eibaale eryeru okughandiikiibwa eriina eiyaaka eritamanhiibwa muntu wundi yeenayeena, okutoolaku oyo aba alifunie.