Ensambo 3:24 - Baibuli Ekibono kya Katonda 2014

²⁴ Bw'onalambaalanga tighaabengagho kikutiisa, era bw'onaatendukanga oidha kuwomerwanga endoolo dho.

Ensambo 3:24 ပူးပေါင်းရင်းမြစ်များ

2 Ebyomubyanda 20:30

Kale obwakyabazinga bwa Yehoshafati bwaba bwa miraala, kuba Katonda yamugha emiraala ku ndhuyi dhoonadhoona.

Yobu 11:19

Oidha kutendukanga nga ghazira akutiisa; abantu kamaala baidha kukusabanga obuyambi.

Zabbuli 112:8

Omwoyo gwe tigukyukakyuka waire okutya; okutuusa lw'abona ng'abazigu be baghangwirwa.

Zabbuli 127:2

Kuba kudaagira bwereere ole okuwuunanga enkyo, n'afaabiikana okufuna eky'okulya nga mweraliikirivu, era n'airamu okutenduka ng'obwire bujiire, kuba Musengwa Katonda alabirira abo b'agonza nga bali mu ndoolo.

Zabbuli 3:5

Nambaala, naatenduka, kabiri naazuuka, kuba Musengwa Katonda ankuuma.

Zabbuli 3:6

Tiitye lukunkumuli lwa bazigu, abagumbye okuneezungulula.

Zabbuli 4:8

Bwe nambaala, ntenduka n'emiraala, kuba niiwe Musengwa Katonda wenka onkuuma obukalamu, ni ghabula akantuukaku naire.

Zabbuli 91:5

Ghazira kinaakutiisanga obwire, waire ebizibu okukutiisa omusana.

Ensambo 1:33

Aye oyo awulira bye nkoba aidha kubanga mu miraala, era atyamenga atereere ng'aziramu kutya naire.”

Ensambo 19:23

Okutya Musengwa Katonda kuleetera omuntu obulamu, yaaba bukalamu ng'ali miraala, ghaabulagho akabi akamutuukaku naire.

Ensambo 6:22

Biidha kukukulemberangamu buli gh'onaajanga, bikukuumenga ng'otendwike obwire, era bikughenga amagezi ng'ozuuse ku nkyo.

Omulangirizi 5:12

Omuntu akola n'emikono gye atenduka endoolo dhaamuwoomera, ni bw'aba nga taliire n'aiguta, aye omukombe tatenduka olw'okweraliikirira ebintu by'ali nabyo.

Isaia 54:14

Okukola amazima n'obutuufu birikuleetera okuba ow'amaani. Oliwona okutuntuzibwa, era ebintu ebitiisa tibiriseeta gh'oli.

Yeremia 31:26

Agho abantu balikobanga bati, ‘Najiire naatenduka, era nzuuse nga ndhizeemu amaani.’

Ezekieli 34:15

Nze mwene ninze ndiba omwayi ow'entaama dhange, era naadhifunira n'ekifo eky'okuwuumuliramu. Nze Musengwa Katonda ninze nkobye.

Ezekieli 34:25

Ndikola nadho endagaano ey'emiraala, naamalagho mu nsi eyo ensolo enkambwe. Olwo entaama dhisobole okubanga eyo mu nsiko nga dhiri mu miraala, era dhitendukenga n'eyo mu bibira.

Ezekieli 34:27

Ensi eidha kubazanga ebirime, emiti gibalenga ebibala, n'abantu babenga mu nsi mu miraala. Era bwe ndimala okumenhamenha ebikoligo ebiri mu nkoto dh'abantu bange, ni mbawonia abo abaabafuula abairu, olwo balimanha nga ninze Musengwa Katonda.

Abalevi 26:6

“Nnaabaghanga emiraala mu nsi yaimwe, mwatendukanga nga ghazira kibatiisa. Era ndimalagho ensolo edh'akabi mu nsi yaimwe, ensi yaimwe yaaloba kubangamu ntalo.

Ebikolwa by'Abatume 12:6

Obwire obwakyesa olunaku Herode lwe yali ategeike okutwalayo Petero y'ekikunsu ky'abantu, Petero yali atendwike ghagati gh'abaisirukale babiri. Yali asibiibwa endhegere ibiri era nga n'abakuumi bali ku lwigi bakuuma eikomera.