Ensambo 3:21 - Baibuli Ekibono kya Katonda 2014

²¹ Mwana wange weegemenga ku magezi amatuufu ni kukukola ekigwaine, era otaganhanga bintu ebyo kukuvaaku.

Ensambo 3:21 ပူးပေါင်းရင်းမြစ်များ

Ensambo 1:4

Dhireetera omuntu azira ky'aidhi okufuna amagezi, n'omwisuka okumanha ekigwaine okukolebwa.

Ensambo 18:1

Omuntu omweyawuze yeerowoozaaku yenka, era atakania abandi boonaboona bye babona nga n'ebituufu.

Ensambo 19:8

Omuntu afuna amagezi yeerabirira; oyo agema by'ayeze, ebintu bimujiira bukalamu.

Ensambo 2:7

Agha abantu be abeesimbu amagezi agabayamba; era yaaba ngabo eri abo abeesigwa y'ali okubawonia.

Ensambo 4:21

Otabiganhanga kukuvaaku naire; bitenga ku mwoyo gwo.

Ensambo 4:6

Otavanga ku magezi, gaidha kukukuumanga; yendanga amagezi ago gaidha kukuwonianga mu bizibu.

Ensambo 5:2

olwo oidha kusalangagho ekigwaine okukolebwa, n'omunwa gwo gwogerenga eby'amagezi.

Ensambo 8:14

Ninze agha abantu amagezi ni bakola ebikalamu. Ntegeera era ndi n'amaani.

Yoanne 8:31

Yesu yaakoba Abayudaaya abaamwikiriza ati: “Bwe mukalangukira ku kibono kyange, ng'olwo muli beegeresebwa bange beenebeene.

Amateeka Agokubiri 4:9

“Aye mwegenderezenga era mwekuumenga, mulobe kwerabiranga mu bulamu bwaimwe bwonabwona, ebyo imwe beene bye mweboneraku n'agaimwe. Mukoberenga abaana n'abaidhukulu

Yoshua 1:8

Ebiri mu kitabo kino eky'Amateeka bitakuvanga ku munwa. Bisomenga omusana n'obwire era ng'ogondera byonabyona ebyaghandiikibwamu. Olwo ebintu byonabyona biidha kukujiiranga bukalamu ng'ezira kikulema.

1 Yoanne 2:24

Ekyo kye mwawulira okuva ku kwinhama kwene kitabavangamu, era bwe munaabanga nga mukaali n'ekyo kye mwawulira okuva ku kwinhama mwidha kusigala nga mukaali mu Mwana ni mu Lata.

1 Yoanne 2:27

Aye imwe Mwoyo eyabagheebwa Ole, asigala n'imwe era ti mwetaaga na muntu yeenayeena kubeegeresa. Aye nga Mwoyo eyabagheebwa bw'abeegeresa byonabyona, ate nga by'ayegeresa bituufu muzira kusubagha naire, mukole bukole oti n'oyo bw'abeegeresa, mube mu oyo.