Ensambo 29:4 - Baibuli Ekibono kya Katonda 2014

⁴ Kyabazinga ajiira ku kukola amazima aleetera ensi ye okuba emiraala, aye ole ayenda enguzi buli kiseera aitaitana ensi.

Ensambo 29:4 ပူးပေါင်းရင်းမြစ်များ

2 Samueli 8:15

Kale atyo Daudi yaafuga Isiraeli yoonayoona, yaakoleranga abantu be ebintu mu butuufu ni mu mazima.

1 Bakyabazinga 2:12

Agho Solomoni yaasikira lata we Daudi ku bwakyabazinga, era obwakyabazinga bwe bwaba bugumu bwene.

2 Ebyomubyanda 9:8

Musengwa Katonda wo asaakibwe, eyayoleka nga bw'akusiimye, n'akufuula kyabazinga, ofugenga mu liina lye. Musengwa Katonda oyo agonza inho abantu be Abaisiraeli era ayenda okubakuuma babeegho lubeerera, kyeyava n'akufuula kyabazinga waibwe, olamulenga mu mazima ni mu butuufu.”

Yobu 11:6

Yandikukobeire eby'amagezi ebigisiibwa, ebitaghanga kumanhika ni biwaayo. Kale ni manha nti Katonda ali kukubonereza katono okusinga bw'ogwaine.

Zabbuli 89:14

Obwakyabazinga bwo bujiira ku kukola ebituufu n'okukola amazima; okugonza kwo okutakoma n'obwesigwa bwo byeyolekera mu buli ky'okola.

Zabbuli 99:4

Iwe Kyabazinga ow'amaani, toyenda kusaliriza, wataagho ensala ejiira ku mazima, era waaleetagho obutuufu mu Isiraeli.

Ensambo 14:34

Obutuufu buleetera eighanga okugheebwa ekitiisa, aye okwonoona kwalivumagania.

Ensambo 16:10

Katonda n'agalagira kyabazinga by'ayogera, olwo mu nsala ye mwaloba kuba kisobu.

Ensambo 16:12

Okukola ebibi tikusiimya bakyabazinga naire, kuba obwakyabazinga bujiira ku butuufu.

Ensambo 20:8

Kyabazinga bw'atyama okusala emisango, anoonenkereza yaazuula buli kibi.

Ensambo 29:14

Kyabazinga akolera abaavu kye bagwaniire okukolerwa, obwakyabazinga bwe bwidha kubangagho byanda na byanda.

Ensambo 8:15

Ninze agha bakyabazinga okufuga, era naagha abafuzi okutaagho amateeka amakalamu.

Isaia 49:8

Musengwa Katonda era akoba abantu be ati: “Ekiseera eky'okusaasiriramu bwe kirituuka ndikusaasira, naakuyamba ku lunaku olw'okulokolwa. Ndikulwanirira naakukuuma, era naabita mu iwe okukola endagaano n'abantu boonaboona. Oliizaagho ensi buyaaka, abantu bairamu okubanga mu biketezo byaibwe ebyazika buti.

Isaia 9:7

Obufuzi bwe bwidha kweyongeranga aghazira kukoma emiraala mu bwakyabazinga bwe gyeyongerenga aghazira kusalaku. Alifuga ng'omusika wa Daudi, obuyinza bwe nga bujiira ku kukola mazima na butuufu, okuva mpegaano n'okutuusa ebyanda n'ebyanda. Musengwa Katonda Afuga Amagye aidha kutuukiriza ekyo.

Danieli 11:20

“Ghalisitukagho kyabazinga owundi yaasikira oyo, era yaatuma omukungu we okuja okubinika abantu emisolo olw'okwenda okukombaghaza obwakyabazinga bwe. Aye mu kiseera ekitali kireeyi kyabazinga oyo balimwita aghazira nkaayana oba olutalo.”

Mika 7:3

Abantu banaze okukola ebibi, abafuzi n'abalamuzi balya enguzi. Omukungu bw'abakobera ekibi ky'ayenda okukola, beeyimba naye baayiiya bwe babe bakikole.

1 Samueli 13:13

Samueli yaakoba Saulo ati: “Ekyo okoze kya busiru. Togemye kiragiro kya Musengwa Katonda wo kye yakugha. Ngoli okigemye, Musengwa Katonda yandibaire mpegaano nga yamala ira okuleetera obwakyabazinga bwo okukakata, bwabanga bwa nsikirano mu Isiraeli enaku dhoonadhoona.