Ensambo 29:25 - Baibuli Ekibono kya Katonda 2014

²⁵ Omuntu ali n'okutya aba mu kabi, aye ole eyeesiga Musengwa Katonda, Katonda oyo amuwonia ebizibu.

Ensambo 29:25 ပူးပေါင်းရင်းမြစ်များ

Amainhama 20:11

Aburahamu yairamu ati: “Kuba nabaire ndowooza nti eno ezira atya Katonda, kale nga basobola okundhita olwa mukazi wange.

Amainhama 20:2

Yaakoberanga abantu nga mukazi we Sara bw'ali mwanhina. Kale Abimeleki kyabazinga wa Gerari, yaayesa Sara baamumutwalira.

Amainhama 26:7

Abasaadha baayo bwe baamubuuza ku mukazi we, yaakoba ati mwanhina. Kuba yatya okukoba ati mukazi we, abasaadha baayo balobe kumwita olwa Rebekka, eyali ng'aboneka obulungi einho.

1 Bakyabazinga 19:3

Agho Eliya yaatya, yaasituka yaalumuka okuwonia obulamu bwe. Yaaja e Beerisheba eky'omu Buyudaaya. Yaaleka eyo omugheereza we,

1 Ebyomubyanda 5:20

Baata obwesige mu Musengwa Katonda nga bamusaba ababeere, era yaababeera yaabaleetera okughangula Abahagari ghalala ni boonaboona abaali nabo.

Zabbuli 118:8

Okwesiga Musengwa Katonda n'ekisingaku okwesiga abantu.

Zabbuli 119:117

Ngemerera ghabule ekibi ekintuukaku, ndidha kwegenderezanga ebyo by'olagira buli kaseera.

Zabbuli 125:1

Abo abeesiga Musengwa Katonda bali ng'oti n'olusozi Sioni, olutatengeeseka era olutavaagho ebyanda n'ebyanda.

Zabbuli 69:29

Aye nze ndi kudaazibwadaazibwa era ndi mu bulumi. Wo Katonda wange mponia, onkuumire ghe batantuukiraku.

Zabbuli 91:1

Omuntu asula mu ndhu y'oyo Ali Ghaigulu Yeene, n'akuumibwa oyo Aghanga Ebintu Byonabyona,

Zabbuli 91:14

Kuba Katonda akoba ati: “Ndidha kumutoola aghazibu olw'okuba angonza inho, era ndidha kumukuumanga olw'okuba ayatula eriina lyange, yaalisaaka.

Ensambo 16:20

Omuntu omwegendereza mu buli kintu, ebintu biidha kumujiiranga bukalamu, era wa nkabi oyo eyeesiga Musengwa Katonda.

Ensambo 18:10

Musengwa Katonda ali ng'oti n'ekisenge ekigumu, abakola ebituufu mwe balumukira okuwona ebizibu.

Ensambo 28:25

Omuntu eyeeyendeza buli kintu asiikuula okusoola mu bantu, aye ole eyeesiga Musengwa Katonda aligheebwa obukombe.

Ensambo 30:5

Kiisi Katonda ky'akoba kiba kituufu, era Katonda oyo aba ngabo eri abo abamweyuna okubawonia.

Omulangirizi 7:18

Kirungi weefugenga, olobenga kubitiriza mu ebyo byombi, kuba oyo atya Katonda aja kuwona ebyo byonabyona.

Isaia 57:11

Musengwa Katonda akoba ati: “Bwenebwene bakatonda ki abo be mutya einho mutyo, ni mutuuka n'okuunimba nze era ni muneerabirira irala? Obwo mulekeire agho okuntya, lwa kuba nasirika busirike okumala ekiseera ekinene kityo?

Danieli 3:28

Agho Nebukadinezzari yaakoba ati: “Katonda wa Shaduraka, ni Meshaki, ni Abedinego asaakibwe. Oyo n'atumye malaika we yaawonia abagheereza be bano abaamwesize, ni badheemera ekiragiro kyange nze kyabazinga. Bataire obulamu bwaibwe mu kabi, mu kifo ky'okugheereza n'okusinza katonda yeenayeena okutoolaku Katonda owaibwe.

Danieli 6:23

Agho kyabazinga yaasangaala ebitaloodheka era yaalagira batoole Danieli mu kiina omwali empologoma. Kale baamutoolayo mu kiina ekyo nga ghazira kabi koonakoona kamutuuseeku, kuba yeesiga Katonda we.

Matayo 10:28

Mutatyanga abo abaita omubiri aye nga tibaghanga kwita mwoyo, aye mutye oyo aghanga okuzikiriza omwoyo n'omubiri mu geyeena.

Matayo 15:12

Abeegeresebwa be baaseeta, baamukoba bati: “Oidhi nga Abafarisaayo basungughaire olw'ebibono byo?”

Luka 12:4

“Bakagwa, ka mbakobere: Mutatyanga abo abaita omubiri, ate ebyo oluwa baaba nga ghazira kyonakyona kye baghanga kukola.

Yoanne 3:2

Lwali lulala ono yaaja ye Yesu obwire yaamukoba ati: “Mwegeresa, twidhi tuti oli mwegeresa ava ewa Katonda, kuba ghazira aghanga kukola byewuunhio bino by'okola okutoolaku nga Katonda ali naye.”

Yoanne 9:22

Baayogera batyo lwa kutya Abayudaaya, kuba Abayudaaya baali bamaze okusalagho bati omuntu yeenayeena ayatula ati Yesu ni Kurisito wa kubingibwa mu sinagoga.

Amateeka Agokubiri 1:17

Mutasalirizanga mu nsala yaimwe, muwulirisenga ensonga edh'abaavu n'edh'abakombe mu nsambo n'endala. Mutabangaku muntu yeenayeena ye mutiisa maiso, kuba emisango mugisala mu buyinza bwa Katonda. Era ensonga enaabanga ebalemye, mugireetenga ye ndi ngiwulire.’”

1 Petero 1:21

Mu oyo mwe mubita okwikiriza Katonda eyamuzuukiza okuva mu bafu, naamugha ekitiisa, olwo okwikiriza kwaimwe n'okusuubira byaba nga biri mu Katonda.

Abalamuzi 16:11

Samusoni yaamukoba ati: “Bwe bansibisa emigugha emiyaaka egitakozesebwangaku, mba munafu ng'oti n'omuntu owundi yeenayeena.”

1 Samueli 15:24

Saulo yairamu ati: “Nayonoona naadheemera ebiragiro bya Musengwa Katonda, era naaloba kujiira ku ebyo bye wansikirira, kuba natya abantu, naajiira ku bye bankoba.

1 Samueli 21:13

Agho yaakyusanga eneebisa ye ng'abalimu, yeegwisanga eiralu nga bamugemye, yaakwadulakwadulanga ku ndhigi edh'omulyango gw'ekibuga. Era yaalekanga amatanta gaakuuluulira mu kirevu.

1 Samueli 27:1

Agho Daudi yaakoba mule ati: “Luliba lulala Saulo yandhita. Ekisingaku obulungi, n'okulumukira mu nsi y'Abafilisiti. Olwo Saulo aidha kulekera agho okuunoonia mu Isiraeli, mbe n'emiraala.”

1 Samueli 27:11

Daudi yaaloba kulekangagho musaadha waire omukazi nga mulamu. Olwo ghalobe kubaagho aleeta mawulire e Gathi, kuba Daudi yakobanga mule ati: “Tomanha bwe baja ni batuseegha, nga bakoba bati: ‘Daudi akola ati n'ati.’ ” Atyo Daudi bwe yakolanga ekiseera kyonakyona kye yamala mu nsi y'Abafilisiti.