Ensambo 29:2 - Baibuli Ekibono kya Katonda 2014

² Abatuufu bwe bafuuka abafuzi, abantu basagamba; aye ababi bwe baba mu bufuzi abantu baba mu bulumi.

Ensambo 29:2 ပူးပေါင်းရင်းမြစ်များ

Yobu 34:30

Katonda mwene n'alobera abantu abatamutya okufuga amaghanga n'okutuntuza abantu.”

Ensambo 11:10

Abantu ab'ekibuga basagamba ng'ebintu biri kujiira abatuufu bukalamu, era bakuba emizira ng'ababi bazikiriire.

Ensambo 28:12

Omutuufu bw'afuuka omufuzi abantu basangaala, aye omubi bw'akuzibwa abantu beegisa bwegise.

Ensambo 28:15

Ng'empologoma oba ekisolo ekikambwe ekindi, bwe biba eby'akabi eri kye byenda okugema, n'omufuzi omubi yeena atyo bwaba ow'akabi eri abaavu.

Ensambo 28:28

Omubi bw'afuuka omufuzi abantu beegisa bwegise, aye bw'atoolebwa mu bufuzi, abatuufu beeyongera obungi.

Omulangirizi 10:5

Ghaligho ekintu ekibi einho kye nabona ku nsi, nga kiva ku nsobi ekolebwa abafuzi:

Omulangirizi 10:6

eky'okutoola abantu abasiru ni babata mu bifo ebya ghaigulu, ate abakombe ni babata mu bya ghansi.

Omulangirizi 4:1

Bwe nava ku ebyo, naabona abantu bwe batuntuzibwa mu nsi, ni balira amaziga, aye nga ghazira n'abayamba. Abantu abo tibafuna abayamba, kuba ababatuntuza, ni beene abo abali mu buyinza.

Matayo 2:16

Agho Herode bwe yategeera nga bamutebwike, yaasungughala ekibitiriire era yaalagira okwita abaana abalenzi boonaboona ab'emyaka ebiri n'okwika ghansi abaali mu Bethelehemu n'ebiketezo ebikiriinaine, okusinziira ku biseera bye yali amaze okukakasa obukalamu n'abasaadha bale.

Matayo 2:3

Olwawulira bino, kyabazinga Herode ni Yerusalemu yoonayoona baatabulwa.

Okwolekebwa 11:15

Agho malaika owomusanvu yaafuuwa eigwala lye. Ghaabaagho amamiro mu igulu nga gakoba gati: “Obwakyabazinga obw'ensi bufuuse bwa Musengwa waife era bwa Kurisito: aidha kufuganga ebyanda n'ebyanda.”