Ensambo 29:14 - Baibuli Ekibono kya Katonda 2014

¹⁴ Kyabazinga akolera abaavu kye bagwaniire okukolerwa, obwakyabazinga bwe bwidha kubangagho byanda na byanda.

Ensambo 29:14 ပူးပေါင်းရင်းမြစ်များ

Zabbuli 89:2

Okugonza kwo kwa kubaagho byanda na byanda, n'obwesigwa bwo bugumu begulugulu ng'oti igulu.

Ensambo 16:12

Okukola ebibi tikusiimya bakyabazinga naire, kuba obwakyabazinga bujiira ku butuufu.

Ensambo 20:28

Kyabazinga ow'ekivunika era akolera ku mazima aghangaalira ku bufuzi, era olw'okugonza kwe asigala ng'akaali ku kityamo kye eky'obwakyabazinga.

Ensambo 25:5

Mu nsambo n'endala, n'ababi bali n'okutoolebwa aghali kyabazinga, memale obufuzi bwe bwajiira ku butuufu.

Ensambo 28:16

Omufuzi aziramu kategeera anhigiriza b'afuga n'obukambwe, aye ole akyagha amagoba agava mu kukupankupania aghangaala.

Ensambo 29:4

Kyabazinga ajiira ku kukola amazima aleetera ensi ye okuba emiraala, aye ole ayenda enguzi buli kiseera aitaitana ensi.

Isaia 1:17

mwege okukolanga ebirungi. Mufubenga okukola mu butuufu, mulekezenga agho abantu okutuntuza banaibwe, mulwanirirenga bamulekwa era muwolerezenga banamwandu.”

Isaia 11:4

Aye aidha kusalanga emisango gy'abaavu mu butuufu, era akolerenga abaziraku bwogereso ebyo bye bagwaniire okukolerwa. Aliragira bulagire, abantu mu nsi baabonerezebwa, era ababi baitibwa.

Yeremia 22:16

Yasaliranga abaavu n'abali mu bwetaavu emisango mu butuufu, era ng'ebintu bimujiira bukalamu. Okwo kwe beeta okumanha Musengwa Katonda.

Yeremia 5:28

era baaba banene nga banhirivu. Tibalekera kukola bibi. Tiboogererayo bamulekwa kufuna bye bagwaniire, waire okulwanirira abatuntuzibwa.”

Danieli 4:27

Agho ni, Isebantu kyabazinga, ganha amagezi ge nja okukugha: Lekera okukola ebibi okole ebituufu, era olekere okwonoona oyoleke okusaasira eri abo abanhigirizibwa. Oba katyo, olwo ebintu binaakujiiranga bukalamu.”