Ensambo 28:5 - Baibuli Ekibono kya Katonda 2014

⁵ Ababi tibategeera kukola mazima kye kitegeeza, aye abasinza Musengwa Katonda bakitegeera bukalamu.

Ensambo 28:5 ပူးပေါင်းရင်းမြစ်များ

Zabbuli 119:100

Ntegeera inho okusinga n'abakaire, kuba buli kaseera nkola by'olagira.

Zabbuli 119:98

Ebiragiro byo binfuula okuba omugezi okusinga abazigu bange, kuba buli kaseera mbyefumintirizaaku.

Zabbuli 25:14

Musengwa Katonda aba mukagwa w'abo abamutya, era akakasa endagaano ye nabo.

Zabbuli 92:6

Omudoofu tasobola kumanha kino, n'omusiru taghanga kukitegeera,

Ensambo 15:24

Omuntu omugezi agema engira emutwala ghaigulu eri obulamu, awone okuja ghansi mu magombe.

Ensambo 2:9

Bw'onaagemanga bye nkoba, olwo olitegeera okukola ebisiimya Katonda, n'okusala mu butuufu n'obutasaliriza. Buli kiseera oidha kumanhanga ekituufu eky'okukola.

Ensambo 24:7

Amagezi gaswikiriire inho okutegeera okw'omusiru, era azira ky'ayogera nga bali mu kifo eky'olwekobaano.

Isaia 1:3

Ente emanha mwene yo, n'endogoyi yaamanha ekintu musengwa waayo mw'agigheera eby'okulya; aye abantu bange Abaisiraeli okumanha okwaibwe tikutuuka agho, era abantu bange abo baziramu kategeera naire.”

Isaia 44:18

Abantu abo bazira kye baidhi era bazira kye balowooza kikalamu. Baaziba amaiso gaibwe n'emyoyo gyaibwe, baaloba kubona waire okutegeera.

Isaia 6:9

Yankoba ati: “Ja okobe abantu abo oti, ‘Okuwulira muliwulira, aye timuja kutegeera naire, n'okubona mulibona, aye timuja kwekalirisa naire.’ ”

Yeremia 4:22

Musengwa Katonda akoba ati: “Abantu bange basiru tibandidhi naire. Basiru ng'oti bwa baana bato; baziramu kutegeera naire. Bakugu mu kukola ebibi, aye tibaidhi kukola birungi.”

Amosi 3:10

Musengwa Katonda akoba ati: “Abantu abo tibaidhi kukolera ku butuufu, okutoolaku okwidhuza endhu dhaibwe ebintu ebinhage n'ebiibe.

Yoanne 7:17

Kiisi aganha okukola oyo by'ayenda, amanha oba nga bye ndhegeresa byange ku bwange oba biva eri Katonda.

Yakobo 1:5

Oba nga ghaligho ku imwe azira magezi, asabe Katonda aidha ku gamugha kuba oyo agabira abantu boonaboona n'omwoyo mulala.

1 Yoanne 2:20

Aye imwe, Omutukuvu yabagha Mwoyo kale mwenamwena muli n'amagezi.

1 Yoanne 2:27

Aye imwe Mwoyo eyabagheebwa Ole, asigala n'imwe era ti mwetaaga na muntu yeenayeena kubeegeresa. Aye nga Mwoyo eyabagheebwa bw'abeegeresa byonabyona, ate nga by'ayegeresa bituufu muzira kusubagha naire, mukole bukole oti n'oyo bw'abeegeresa, mube mu oyo.