Ensambo 28:23 - Baibuli Ekibono kya Katonda 2014

²³ Ole anenia omuntu, amala yaasiimibwa omuntu oyo, okusinga ole amusuutasuuta.

Ensambo 28:23 ပူးပေါင်းရင်းမြစ်များ

2 Samueli 12:7

Agho Nathani yaakoba Daudi ati: “Niiwe omuntu oyo. Era Musengwa Katonda wa Isiraeli akoba ati, ‘Nakusiiga omuzigo obe kyabazinga wa Isiraeli, naakuwonia omuzigu wo Saulo.

1 Bakyabazinga 1:23

Baakobera kyabazinga bati: “Nathani omulanzi wuuno aidhie.” Era Nathani oyo bwe yaingira aghali kyabazinga yaakuba amakiryaivu, yaakutama n'ekyeni kyatuuka ku itaka.

Yobu 32:21

Tiidha kwekubira ku luuyi lw'ono oba olw'ole. Tiidha kubaaku ye nsuutiriza.

Yobu 32:22

Kuba tiidhi kusuutiriza, era Omutonzi wange asobola n'okuntoolagho amangu bwe nkola ntyo.”

Zabbuli 141:5

Omuntu omukalamu amala gambonereza oba yandhuuka olw'okungemerwa ekisa, okusinga okuganha ekitiibwa ekimpeebwa abantu ababi, kuba tirekerangaku kusaba nga nvumirira ebikolwa byaibwe ebibi.

Ensambo 24:25

Aye ole abonereza omuntu eyaiza omusango ebintu biri mujiira bukalamu, era abantu baamusabira enkabi.

Ensambo 29:5

Omuntu asuutasuuta mwine, aba ali kumutega mutego.

Matayo 18:15

“Muganda wo bw'akukola ekibi, ja omunenie nga muli bwa babiri mwenka. Bw'akuwulirisa, ng'olwo muganda wo oyo omuwoniiza.

Ab'e Galatia 2:11

Kefasi bwe yaidha mu Antiokia namukobaku nga twenatwena tuli agho, kuba kye yakola nga kyeyoleka kyene nga kisobu: